Deteronom 1 - BIBLE MBAÏ 1980

Maktub gakam dø mberkïndat

¹ Tag 'nten Moij el Israelag tube gid bah Jurrdët, kam dïlambot kï sumba nõ Sup mbïna Parã kï Topel, Laban, Haserot kï Di Jahab.

² Ndian ndø kïlah gidaikïða ko mbalbo Horebt kï ðob kï mbalbo Seirt mbã Kades Barnëa.

³ Kam þal kïkõdøsøø kï nah kïkïlah gidaikïða kï ndø kïdasa la Moij elïn ta kï Israelag dø nyagt tube'n Bïraþe ndaa mbera kad eld,

⁴ got'n tetðøø Sihõ ngar lo Amoriag'n ndï Hesbon kï Og ngar kï Basan'n ndï Astarot kï Edrei.

⁵ Ko gid bah Jurrdët Moij yaþood kør girr mberkïnda 'nten an:

Luwah ndamber tee ngan Israelg Ejipt't

⁶ Dø mbalbo Horebt nu Bïraþe Luwah loj elj ta an: I ndïn dø mbalbot'n ðan kaglo asïtat oi.

⁷ I þain, i son ðobo awïn kam døning mbalt lo Amoriag kï log tube kï gug dø, kï dïlambo, kï døning mbal, kï hoollo, kï døning kï ko døø, kï kad bahbot kam døningt lo Kananiag kï døning Libã mbã baht kïbo, ad i bah Eprat,

⁸ Oon, m'ndah døning'n ðan nõsït. Awïn, i taan døning nyakagþet tit'n Bïraþe ndan yo kï n'ad bøwsï Abraham kï Isaak kï Jakob kï kohd kïgodt.

Moij køt deg kad gangïn ta ku ngan Israelt

⁹ Kaglot'n non m'elsï m'an: Mî kïkïðambe m'asï tosï al.

¹⁰ Bïraþe Luwah losï ad i bïlan kïdøtdøt na oon, þone în koosïg tit kïmëg kïdørãt be.

¹¹ Kï Bïraþe Luwah lo bøwsïg ad i bïlan kïdøtdøt nja dub na njang døsï tit'n unïn køn adsï.

¹² Titbãi mî kïkïðam m'a m'tosï kï tag losï kï gaknag losï a?

¹³ I køtïn deg madg kï ngéteer kï goosï ger girrnya'n i gerïnd ku girrdegt losï kad m'ndahd døsït.

¹⁴ I turmïn anan: Nya'n elj taa kad kï ða i kïmaj,

¹⁵ M'øi bïradøg ku girrdegt losï, in deg kï ngéterr'n i gerïnd, m'ndahd bïradøg døsït dø kïdubgt kï kïþug kï kïdømig kï kïkïlahg, bïradøg ku girrdegt losï.

¹⁶ Kaglot'non m'nda mber ngégangtag losï m'an: Oon dø ta lo ngankõsï, na i gangïn ta kïgoðobat ku degt, ke ngonkõ ke mbah kï ndï roat.

¹⁷ A ørrïn de dene kam takïgangt losï al, a oon dø ta lo de kïdangt tit'n a oon ne dø ta lo de kïbo ye be. Ot þoolïn kum de mad kïta takïgang i lo Luwah. Na lon i ngahn ta mad kïngang tøi tøgsï a ne, i ðen ne nomt kad m'oo.

¹⁸ Titbe la kaglot'non m'ndasïn mber dø nyat kïðen'n sumba kad i ðan.

Ngan Israelag taan ðøø Luwah Kades Barnëat

¹⁹ Kï þai Horeb kï tøi kam dïlalot kïbo kï kootþool'n oon kï kumsï. J'un ðob kï kaw døning mbalt lo Amoriag tit'n Bïraþe Luwah loj ndajïn mbera na kï tee Kades Barnëa.

²⁰ M'elsï m'an: I ðe teen døning mbalt lo Amoriag'n Bïraþe Luwah loj ndï adj.

²¹ Oon, Bïraþe Luwah losï ndah døning nõsït. Awïn, i taan nyakagþet tit'n Bïraþe Luwah lo bøwsï elïn. Ot þoolïn, ot kadïn kamsï gang man.

²² Kamla in tube ðen romt elmïn anan: Ad kï lan deg nõjt kad ndan mãi døning'n non, na tel ørrjïn hoi ðob'n sumba kad j'andïn kam þebog'n j'a kï j'awïnt.

²³ Takøjg 'nten m'oo ad maj na m'øi deg kïlah gidaijoo kusït, de kïða ko girrkooj Israelt kïðen.

²⁴ Îgïn non la awïn, tøin dø mbalbot mbã teen hoollot kï Eskol na nulïn lo'n non kørikøri.

²⁵ Jan kand kag kï døningt'n non jidt ðen ne adjïn, ørrjïn hoia anan: I døning kïmaj la Bïraþe Luwah loj ndï adj ye.

²⁶ Na i ndigïn kaw al, i tõn ðøø mberkïnda lo Bïraþe Luwah losï.

²⁷ I nyurïn ta kam kujkubgt losï ngutngut anan: I kïta Bïraþe mbetj la teen sej kø Ejipt't kad laj ji Amoriagt kï nuj'jïn.

²⁸ Ko kïðah j'a kï j'awïnt a? Ngankõj ðan ad kamj gang man anan: In deg'n bod kï ngald tøijïn, þebog lod în þeg kïbobo, ndogbørrag ngalïn puwuw, j'oo deg kï girr Anakia nu tø ho.

²⁹ M'elsï m'an: Ot ndadïn, ot þoolïnd.

³⁰ Bïraþe Luwah losï'n ndia nõsït, î kïdøn a ðøø kïtatøsï tit'n ðan takumsït kam døning Ejipt't,

³¹ kam dïlalot tø, oon Bïraþe Luwah losï tosï tit'n de a ton ngonïn go ðob i ndiant mbã i teen nëbe kam lot'n ðan.

³² Ke titbe kaa adïn kamsï Bïraþe Luwah losï al,

³³ in ørrsï ta ðob ndø kam horrt kad i høn londït, kada tø kam kilndiit kad øjsï ta ðob.

³⁴ Bïraþe oo dø tag losï na þawong, nda yo an:

³⁵ Ku ngakat kïmajal'n ðan de kïða kï a oo døning kïmaj'n m'ndan yo m'ad bøwsïg goto,

³⁶ na Kaleb ngon Jepune koon. Îla a oo døning'n non, î tø la m'a m'ada døning tube'n ndia kamt, î kï nganïn kïta ndulo go Bïraþe kï kam kïro.

³⁷ Bïraþe þa sem wong tø kïtatøsï na el an: Î tø a andt al ho.

³⁸ Jojue ngon Nun ngekïlaþer loi la a andt ye. Ada ðà bijir kïta i î la a aw kï Israelag ad õn nduba døning'n ðan ye.

³⁹ Na ngansïg kïdu'n oon a anan: A în nya tetðøø, ngansïg'n þone gerïn tørr go nya kïmaj kï kïmajal al, i in la a andïnt, îg tø la m'a m'ad'd døning kad i nyakagþe lod ye.

⁴⁰ Na îg i telïn gog, unïn ðob kïkam dïlalot kï kaw bahbot kïkïðe.

⁴¹ Kamla i turmïn anan: Jî kï ðamajal kï ndoorïn Bïraþe. J'a j'aw, kï ðøø, j'a kï ða nya kïðen'n Bïraþe Luwah ndaj mbera. Dekïðen kusït dø nyakat lon þont, oo an: Kaw døning mbalt i nya kïkari.

⁴² Bïraþe elïm an: Eld an: Ot kawïn, ot ðøøn kïta Mî kusït al, na þeta madngétasïg teetsïn ðøø.

⁴³ M'elsï tag 'nten na oon dø ta lom al, i taan ðøø mberkïnda lo Bïraþe na kï døngang losï la awïn ne dø mbalbot.

⁴⁴ Kamla Amoriag ngéndï døning mbalt tee ndødsïn, tuþasïn tit'n tejg a ðan ne ye be, ndasïn mbalbot kï Seir mbã kï Horma.

⁴⁵ I tel i nõn kïnõ Bïraþet, na Bïraþe oo dø ndisï al, nel mbin kïrosït al tø,

⁴⁶ kïta 'nten la i ndïn ne Kades Barnëa ndøg ngãi, i høn londï tit ndøg ngãibe.