Daniel 3 - BIBLE MBAÏ 1980

Luwah ug deg lon kïmïta ørrd kam horrt Ngar ða yo l'ør, na ndïje deg kad øsïn død ber nõat

¹ Ngar Nebukadnesar ða þakumta de kï l'ør; ngala kïdõ i metïr dømïta, tata i metïr mïta. Uda ad ða dõ kam dïlalot kï tøa i Dura kam nusï døning Babilont.

² Kamla ngar Nebukadnesar la kun mbaiþeg kï ngékõþeg, kï bïrangekõþeg kï ngékøjtag kï ngékoogonar kï ngégergangtag kï ngégangtag kï kïbog dø nusï døninggt kïnat kïtakad ðe lan girr køsï dø ber nõ þakumta det'n ngar Nebukadnesar uda ad ða dõ nõ.

³ Kamla mbaiþeg, kï ngékõþeg, kï bïra ngekõþeg, kï ngekøjtag kï ngékoogonar kï ngégersariag kï ngé gangtag kï kïbog dø nusï døninggt kawïn na kïnat kïta la girr køsï dø ber nõ þakumta det'n ngar Nebukadnesar uda ad ða dõ. Deg'n non ðan dõ nõ þakumta det'n Nebukadnesar uda ad ða dõ nõ.

⁴ Kamla ngelamber ko kï ndin kïbo an: În deg kï girrdeg kïdangdang kï deg tube kï ta þe losï i dangdang, oon nya'n ngar ndasï mbera kad i ðan.

⁵ Lon a oon dø ndi brunj kï ko, kï tow, kï kïndeh, kï kïndeh ngo, kï kund, kï towgã kï nya ða mujik kïðen a ne, a i son kïber, øsïn døsï ningt nõ þakumta det kï ðan kï l'ør'n ngar Nebukadnesar uda ad ða dõ nõ.

⁶ Dekïðen mbet so kïber na øsï døn ningt nõat al a ne, tajigt a høna lana kam pur horrt kï kõ giling giling.

⁷ Titbe la lon oon dø ndi brunj kï ko, kï tow, kï kïndeh, kï kïndeh ngo, kï kund, kï towgã, kï nya ða mujik kïðen ye, deg kï girrdeg kïdangdang kï deg tube kï ta þe lod i dangdang son kïber, øsïn død ningt nõ þakumta det kï ðan kï l'ør'n ngar Nebukadnesar uda ad ða dõ.

Daniel kï namïng þankul kï Bïraþe

⁸ Taa ne, døkadt'n non Kaldea madg aw unïn dø deg kï Judatg.

⁹ Elïn ngar Nebukadnesar anan: Ngar, kï i ndï kï døi dõ mbãkïnõt.

¹⁰ Î ngar, ta tee kokïroit kïtakad dekïðen kï a oo dø ndi brunj, kï ko kï towmand, kï kïndeh, kï kïnde ngo, kï kund kï towgã, kï nyaða mujik kïðen a ne, a so kïber, a øsï døn ningt nõ þakumta det kï ðan l'ør,

¹¹ Na îla de mad kï a so kïber, na a øsï døn ningt nõat al a ne, a lana kam pur horrt kï kõn giling giling.

¹² Na oo ngar, deg madg Judat în nõ, îgïn i ndad dø kïla kõþet lo nusï døning kï Babilon, ad i Sadrak kï Mesak kï Abed Nego. Oo ngar, deg'n non telïn rod go ta loi al, ðan kïlaþer lo luwahg loi al ho, øsïn død ningt nõ þakumta det'n i ða kï l'ør, na uda ad ða dõ nõ al tø.

¹³ Kamla wong tøl Nebukadnesar søkïr ad ndamber kad ðen kï Sadrak kï Mesak kï Abed Nego. Lon ðen sed nõ ngart ye.

¹⁴ Nebukadnesar eld an: În, Sadrak kï Mesak kï Abed Nego, rota i ðan kïlaþer lo luwahg lom al ho, i øsïn døsï ningt nõ þakumta det kï m'uda dõ al e?

¹⁵ Tajigla îla în kï rosï kï ða woi kad i son kïber, øsïn døsï ningt nõ þakumta det kï m'ðà nõ, lon i oon dø ndi brunj kï ko, kï tow kï kïndeh, kï kïndeh ngo, kï kund, kï tow gã, kï nyaða mujik kïðen a ne, maj. Na îla i mbetïn køsïn døsï ningt nõat a ne, tajigt lasïn kam pur horrt kï kõ giling giling. Luwah kï ðah hã a asï kug kørrsï jimt a?

¹⁶ Sadrak kï Mesak kï Abed Nego turïn ngar anan: Ngar Nebukadnesar, kï ndig kelta mad kad j'ørrïn ta mad døjt al.

¹⁷ Na nya'n maj kad i ger, Luwah loj'n kï ða kïlaþer loa ye, asï kug kørrj kam pur horrt kï kõ giling giling. Ãã, a ug ørrji jiit.

¹⁸ Na îla titbe al kaa ne, ngar, kï i ger maj, j'a kï ða kïlaþer lo luwahg loi al ho, j'a kï j'øsï døj ningt nõ þakumta det kï ðan kï l'ør kï i uda ad ða dõ nõ al tø.

¹⁹ Nõbe Nebukadnesar þawong kïtïngabil, ad kuma il kïriri dø Sadrakt kï Mesak kï Abed Nego. Nda mber kad tïngan pur horr nja tanãimïta tøi tïngaa kï maði.

²⁰ Kamla ndamber kad kï'n ndan ngeðøøg madg ku bahkad ngéðøøt lon dø Sadrak kï Mesak kï Abed Nego, kï land kam pur horrt kï kõ giling giling'n non.

²¹ Tajigt, døøn deg kï mïta'n non kam njalagt lod kï kubg lod kïngal, kï kubji lod, kï ndeg kubg lod, na land kam pur horrt kï kõ gilinggiling'n non.

²² Ðan kïgo tati kïngang ngãi'n tee ta ngart, pur tø i kïtïngabil ye, ad ndõhor tøl kïrã ðøøgt'n lan Sadrak kï Mesak kï Abed Nego kam horrt nõ.

²³ Na deg kïmïta'n non, ad i Sadrak, kï Mesak, kï Abed Nego son kï døønd be kam pur horrt kï kõ giling giling.

Nam Daniel kïmïta teen kam horrt kï õ giling giling

²⁴ Kamla ndil ngar Nebukadnesar tee saw, þai rat ða dõ, el ngékøjtag lon kïþool an: Deg mïta ye hã kï døød j'üd kam horrt ale? Turïn ngar anan: Rota ngar, i deg mïta la j'üd kam horrt ye.

²⁵ Ngar tur an: Tajigne taa ne, deg søø la ða m'ood ye, na în kïtut nya dõ, ða ndian kam horrt; nya mad ðad al; kï deg kõsøø taa ne, tit kï kïkïða ku ngan luwahgt.

²⁶ Kamla Nebukadnesar ndøt kï ta pur horrt kï kõ giling giling'n non, el an: Sadrak kï Mesak kï Abed Nego, ngékïlaþerg lo Luwah Ngetøitøi, i teen, i ðen nëbe. Taa ne, Sadrak kï Mesak kï Abed Nego teen kam horrt kïtïga.

²⁷ Mbaiþeg kï bïra ngekõþeg kï ngékøjtag lo ngar kawïn na kï dødt nølïn rod na oon kad horr ða sed nya mad al, ke dãrod horr õ al, horr ød bisïdød al ho, njalag lod to kari, na dãrod ot horr al.

²⁸ Nebukadnesar el an: Køsïgon kï dø Luwaht lo Sadrak kï Mesak kï Abed Nego, în la kï malaika lon, ad ug ørr ngékïlaþerg lon îgïn þan kula, na telïn rod go mberkïnda lo ngar al, lan dãrod koit kad ðan kïlaþer, na øsïn død ningt nõ Luwaht mad kïðang al, na Luwah lod kï køsï død tã.

²⁹ Kïtø 'nten m'nda mber, m'an, deg ke girrdeg kïdangdang, ke deg kï ta þe lod i dangdang kï a elïn ta kïmajal dø Luwaht lo Sadrak kï Mesak kï Abed Nego a ne, a gangïnd njikïtinjikït a telïn kujg lod þirþit't, kïta Luwah mad kïðang kï asï kug kørr deg lon titbe goto.

³⁰ Kamla ngar tøi Sadrak kï Mesak kï Abed Nego kïdõ kam nusï døningt kï Babilon.

³¹ Ngar Nebukadnesar la maktub mberkïnda 'nten: Ngar Nebukadnesar kïro degt kï girrdeg kïdangdang kï deg kïta þe lod i dangdang ngéndï døningt kï taagbe: Kï i ndïn kï lapia kï ngãi.

³² M'oo nya kam ndilt m'an maj kad kï m'adsï gerïn nyakøjg kï nyag kïyaya în Luwah Ngetøitøi ða sem.

³³ Nyakøjg loa în kïbobo, nyag loa kïyaya in kïngang ngãi, kõþe loa i kõþe kï tokïnõt, a õþe kï ngakat kï ngaka.