Amos 8 - BIBLE MBAÏ 1980

Amos oo nya kïkõsøø kam ndilt: Jàng kï ðoosï kï kand kag kï mbuj

¹ Bïraþe Luwah øjïm nya 'nten: jàng mad kï ðoosï kï kand kag kï mbuj,

² na Luwah ndïjem an: Amos, oo ði a? M'tur m'an: M'oo jàng mad kï ðoosï kï kand kag kï mbuj. Kamla Bïraþe elïm an: Ndø lo deg lom Israel tïga woi mbuj tit kand kag be. M'a m'nyàgo majal lod kø gog al ta.

³ Ndøt'n non pag kï køsï kam kuj kõþet a telïn wui kï kud, kel Bïraþe Luwah. Nin deg a în ngãibe, a ünd kï log paabe. Lo a to juju.

Takïgang dø Israelagt i nderrbe

⁴ Oon dø ta 'nten, în ngésanya lo ngéndøg tube, kï ngétuj de kïdangtg:

⁵ I ndï elïn anan: Kïj nah a tøi ndø ðit kad kï ðaw nyako loj a? Sabat a tïga døkàd ðit kad kï j'øsï ta damg loj kï ðaw gem kïtit kø a? J'a kï j'ad ngo tørr nya i kïdu, na ja kïla gat nyako døt; j'a kï gool deg kï nyambøjnya kïgootal.

⁶ J'a kï ðaw ngendo kï taan l'arjã, na de kïdangt kï taan sanja, J'a kï ðaw bïna nyako ho,

⁷ Bïraþe nda yo kï tøko lo Jakob, an: Rota, kamm a oi dø kïkïða ku kïlaðadt al kïnõt.

⁸ Kïtø 'nten døning'n ðan a yee. Dekïðen kï ngendït a hø ndø. Ã døning'n ðan kïtaagbe a þai tit bah be, døning'n ðan a þai kamla a tel kïber gog tit bah Nil kï døning Ejipt't.

⁹ Nya a ða nya kam ndøt'n non, kel Bïraþe Luwah. M'a m'ad kàd kïða dan þet ud. M'a m'ad til diw dan kàda.

¹⁰ M'a m'ad ða nahg losï telïn ndo kïhø, pag losï tube a telïn pa nõg. M'a m'ad deg døn þod kï kub høndo, m'a m'ad ngïsen dø dekïðen, m'a m'ad deg høn ndo tit'n a høn ne ndo ngon kïkal kïðabe na døboia a i ndø kïkat bang.

¹¹ Oon ndøg ndï ðen, kel Bïraþe Luwah, Lon m'a m'la kï þoo dø døningt'n ðan. A i þoo nyasa ke nyakãi al, na a i þoo koo dø ta lo Bïraþe.

¹² Deg a awïn kï njad dõ þai ko bahbot mad mbã teen bahbot mad, a ãin kï yo kï në, a awïn ho a telïn ho, sahn ta lo Bïraþe na a ngahn al.

¹³ Ndøt'n non ngan kïdë kïmandg ngãi kï ngan kïbasag rod a oi yelel kïta kïnda man.

¹⁴ Kï deg'n ndï ndan yo kïtakul majal lo Samari, ad i yo ngon mang l'ørr, ndï elïn anan: Þebo Dan. Kï yo ngon mang l'ør loi ndï kï døn dõ. Ngendayo kï ðob ða yo lo ngendï Birr Seba son na kï þain al.