Amos 6 - BIBLE MBAÏ 1980

Nujkø kï a tee dø Israelagt

¹ Beto lo deg kï ngendï kari lom kam þebo Siõt, kï deg kï ngendï lom dø mbalbo Samarit. Ad i mbaiþeg lo girrdeg kï kïdasa ku girrdegt kïdangdang'n, ngékïþe lo Israel ndï ðen kïrodt.

² I tøi awïn þebo Kalne, na oon. I þãin nõbe awïn mbã þebo Hamat. Kamla awïn þebo Gat ro Pilistiagt. Kõþeg'n non majïn tøi kõþeg kï Juda kï kï Israel a? Døning lod tat tøi døning losï oo?

³ I ndï øjïn ta kamsït kad øsïn ndø kïmajal kïgog, na adïn nyaða kïgo lo ngetøgt ðe dø degt

⁴ Beto lo deg kï ngéto dø tïragt kï ðan kï ngang ked, to ndajïn rod dø tïra todgt, na san ngan batg kï køt kam þut batgt, kï ngan mangg kï rod bo lublub kam kuj kuldt.

⁵ Ndï øsïn pag kïpãbe kï ndï kund, ndï ðan nyakøsïpag kïkij, tit'n Dabid ðan maði.

⁶ Ndï ãin kasïnduu kam ngogt, ndï wurïn rod kï yib kïmaj tø, na høn ndø kïta tuj kï tee dø ngaka Jojept al.

⁷ Kïtø 'nten tajigla a în kïdasa kad awïn sed kam þe þert, na ronel lo ngékoomajrog'n non a goto.

⁸ Bïraþe Luwah nda yo, Bïraþe Luwah Ngekoosïg an: M'un kumm kø dø døngangt lo Jakob, m'mbet kuj kõþeg loa, m'la þebo Samari kï nyag kï kamt tube ji madngétagt.

⁹ Îla deg nãin asï kïlah kam kujt kïkïða a ne, a oin tu.

¹⁰ Lon de mad a ðe nat kï ngelahorr nin, kad n'øi kïngag kuju teen kïtïga a ne, a ndïje de kïkeme an: De mad i nõ nat sei a? De'n non a tur an: I ndï tai mbo. I kaglo kun tø Bïraþe al ta.

¹¹ Kïtø oo. Bïraþe ndamber, kamla a tetïn kuj kïbo ad nuj kø, a tøn kuj kïdu køsïkøsï tø.

¹² Sïndag a ãin ngød dø mbanggt a? De a ndøø dø mbanggt kï mangg a? Be al, na i mbelïn takïgang kïgoðobat kï kî tøl de, i mbelïn kand nyaða kïdenesew kï nya kï at bangt tit kag mband be. Kïtøði a?

¹³ I ndï ðan ronel kïta nya kïpãbe, anan: I kïtakul ngang loj jî kïþe la kï ngah'n tøg 'nten ale?

¹⁴ În ngékïþe lo Israel, oon maj. Bïraþe Luwah Ngekoosïg el an: M'a m'þai kï girrdeg madg kad ðøøn sesï ko þebo Hamat't ko þodo mbã kï bah Arabat kam ko døø.