Amos 5 - BIBLE MBAÏ 1980

Luwah kun Israelag kad telïn kïront

¹ În deg kï Israel i nelïn mbisï oon ne dø ta 'nten kï pa nõ høndo'n m'ndï m'øsï kïtasï nõ.

² Israel i tit ngomand kï koi so, na asï þai dõ, nyana kïnõbe døningt loa, de mad kad una kï dõ goto.

³ Kïtø titbe Bïraþe Luwah elïn an: Þebo mad a la kï dekïdïngãg dub ta ðøø; na a telïn kï þe þu koon; dekïdïngãg þu a teen kam þebot mad, a awïn ðøø, ngon þe mad a la kï dekïdïngã þu ta ðøø na a telïn kï þe lo Israel kïlah koon.

⁴ Kïtø Bïraþe el ngékïþe lo Israel titbe: I sahmïn a ne, a i ndïn kï døsï dõ.

⁵ Ot sahmïn kam kuj ndub Luwah kï Betel. Ot kawïn kam kuj ndub Luwaht kï Gilgal. Ot tøin dø ðob kawïn kam kuj ndub Luwaht kï Birr Seba. Kïtø rota, deg kï Gilgal kïtaagbe a awïn þer, deg kï Betel tø a telïn nya kïtuj.

⁶ I sahn Bïraþe a ne, a i ndïn kï døsï dõ Na þeta ndu bip tit horr be dan ngaka Jojept ad horr'n non õ nya kï Betelt mugj na de kï ngetøla goto

⁷ În ngétuj takïgang kïgoðobat kad tel nya kïkad kam deg at bang, în ngéþa dø nyaða kïdenesew kï njasï,

⁸ Bïraþe îla i ngeða þut kïmëdeg kï tød i Ngamand kï Bisïtuþatal, I ngembel til kï diw kirir. I ngembel lokïkáda kad tel lo kï diw til. I ngekun man kï bahbokat't, kad mbel kï døningt; tøa i Bïraþe.

⁹ A ad nujkø tee pat dø degt kï tøgd i ngãi, a ad nujkø ðe dø kuj ngom dø þet tø.

¹⁰ Ndï øsïn ta de ngendángd lo gangtat, na unïn kumd kø dø det kï ngekel rota.

¹¹ Kïtø 'nten, tit kan hã i ndï i þan ne dø de kïdangt mbujmbuj kïber, na i ndï taan nyako lo kadkarit kï lo ngetøgt, i ndï ðan kujg kï mbalg kï tøsï ye, a i ndïn kamdt al. I høn ndøø nduug kïmaj ngãi, na a i ãin kasïnduu al.

¹² Kïtø m'ger tøidøtag losï în ngãi, majalg losï bïlan kïdøtdøt tø, i ndï dan kum deg kïdenesew ndo, i ndï i taan kadkari kut dø ta, i ndï i tujïn ta lo ngendo lo gangtat.

¹³ Kïtø 'nten la de'ni ngegosï a ne, a ndïn tan mbo kaglot'n non kïta i kaglo kïmajal.

¹⁴ I sahn go maj, na majal al. Kïtakad i ndïn kï døsï dõ. Titbe tø Bïraþe Luwah Ngekoosïg a i nat sesï, tit'n i ndï elïn ne nõ.

¹⁵ I mbetïn majal, na i ndigïn maj. Adïn nyaða kïdenesew õþe lo gangtat. Maj a ne, Bïraþe Luwah Ngekoosïg a oo kumtondo lo ndeg ngaka Jojep kï nãi.

¹⁶ Kïtø 'nten, Bïraþe Luwah Ngekoosïg, Bïraþe an: Deg a nõn kam natlogt tube, a elïn anan: Beto. Beto dø ðobgt tube. A kunïn ngéndøøg kad ðe høn ndo, a kunïn ngégoosï pa nõ kad ðe nõn.

¹⁷ Deg a nõn kam ndøø nduugt tube, kïta m'a m'tøi dansït, kel Bïraþe.

Ndø lo Bïraþe

¹⁸ Beto losï în kï i ngégeen ndø lo Bïraþe. Kïtøði i geen ne ndø lo Bïraþe a? A i ndø til, na i ndø kunj al.

¹⁹ A i tit de'n ãi tubo na so ta dã urst, ke and kuju, na nda jin kad børrt kad ndïnan ron a ne, li dõa.

²⁰ Ndø lo Bïraþe, a i kunj a? A til kï diw kïrir kanj lokar

²¹ M'mbet ða nahg losï, m'kid'd, na m'ngah ronel dø kawnagt losï al.

²² Ke neni i admïn kadkarig kïlahorrt kïðaibe kï kadkari nduj nyakog kaa, m'oo majd al. M'ða ronel dø kadkarigt kïkad kamsøllom kï dãg losï kï bon mbulmbul al tø.

²³ I ðan sãi m'ndig ko dø ndi pa losï al. M'a m'oo dø ndi kïndehg losï al tø.

²⁴ Kï adïn nyaða kïgoðobat ãi tit man bah be, nyaða kïdenesew to tit bah kï nü kanj nya ta.

²⁵ În ngékïþe lo Israel, þal døsøø kam dïlalot ye, i lan kadkarig kïjakø kï kadkarig kïdangdang admïn e?

²⁶ Tajigla i ton kujkub lo ngar losï Sikut kï kïmë yo losï Kïyun, I ðan þakumta nyag kïtasï.

²⁷ Mî tø m'a m'aw sesï þert gid þebo Damasït nu, kel Bïraþe kï tøa i Luwah Ngekoosïg.