Amos 3 - BIBLE MBAÏ 1980

Kïla lo de kï ngekelta kï ta Luwaht

¹ În deg kï Israelt, oon dø ta'n Bïraþe ndï el døsït, ad i dø girr Israelagt tube'n m'tee sesï døning Ejipt't kïtïga.

² În kïkïðasï be la m'mbedsï ku girrdegt kï døningt tube, kïta 'nten la m'a m'nda m'øjsï'n kïta ðagootal losï tube.

³ Deg joo a ndian nat, kanj kad kød so go nat e?

⁴ Tubo a ko kam kùt, kanj hø dã a? Ngon tubo a ko kam hoolþent, kanj hø nya a?

⁵ Yel a so døningt kam gum kï ya kanj nya kamt e? Ke gum a kïla kanj hø nya a?

⁶ Tow ðøø a ko kam þebot, kanj kad deg þoolïn e? Tuj a so dø þebot mad, kanj kad Bïraþe i ngela kï tuj'n non e?

⁷ Rota, Bïraþe Luwah a ða nya mad, kanj kad tee dø takïmund lon ad þerg lon, ngékelta kï tant, gerïn girra al.

⁸ Lon tubo ko a ne, nõ a þool al a? Bïraþe Luwah elta a ne, nõ a mbet kelta kï taat a?

Tuj kï a so dø døning Samarit

⁹ I lan mberta 'nten kam kuj kõþegt kï þebo Asdod, kï kam kuj kõþegt kï døning Ejipt, anan: I kawïn na dø mbalbot kï Samari. Oon burþukït kïbobe i nõ. Oon dakumndo kïbobe kï kamat tø.

¹⁰ Bïraþe el an: Deg kï Samari gerïn ða nya kïgoðobat al, ndï mbõn nyag'taan ji degt kï lo ngetøgt kï deg kï ngéþoog kam kuj kõþegt lod.

¹¹ Kïtø 'nten, Bïraþe Luwah elïn an: Î Samari, Madngétag a gugïn døi, a tujïn ndogbørr loi a taan tøgi, na a tirïn nyag kï kam kuj kõþegt loi pur.

¹² Bïraþe el an: Tit'n ngekulnya a narïn nja nyakul lon joo kï gaj mbia kïða taa ji tubot ye, titbe tø la, Israelg'n ndïn døning Samarit, na ton kam tïra tot kï nya kï søllom lom to oon maja ye, a narïnd taand ji madngétagt ho ye.

¹³ Oon dø. I man naj dø ngaka Jakobt, kel Bïraþe Luwah, Luwah Ngekoosïg:

¹⁴ Ndøt'n m'a m'nda m'øj Israelag kïta tøidøtag lod, m'a m'nuj dïngïr kadkarig kï Betel, na gajg kïdø dïngïr kadkarit a tet son ber.

¹⁵ Kujg kï deg a ndïnt þala kï kujg kï deg a ndïnt þara m'a m'tøsï m'tïlad, Kujg kï ðan kï ngang ked a nujïn, na kuj kïbobog a goton, kel Bïraþe.