Aje 2 - BIBLE MBAÏ 1980

Bïraþe søl kam deg lon

¹ Bal ngar Darius kï ngekõjoo kï nah kïkõtanãimïta kï ndø kïdøjoo gidaikïða lo nah'n non ye. Ta lo Bïraþe ðe kïtakul Aje, ngekelta kïta Luwaht, an:

² I el Jorobabel ngon Salatiel, ngekõþe kï Juda, kï Jojue ngon Josadak bïradø ngejanyamosï kï ndeg deg, an:

³ Nõ nãi kusït în oo kuj'n ðan kï majkooa kïkete a? na tajigla i oona titbãi a? I tit nya kïkari takumsït ale?

⁴ Kïtø 'nten la mî Bïraþem ndï m'eli m'an: Î Jorobabel i hø roi ngangtajigla î Jojue ngon Josadak bïradø ngejanyamosï, i høn rosï ngang în girrdeg tube kï døningt, I ðan kïla kïta mî nat sesï kel Bïraþe Ngekoosïg,

⁵ kïgo kunkøt'n hã m'un m'adsï kaglot kï i teen Ejipt't kïtïga Ndilm hølondï dansït. Kïtø 'nten, ot þoolïn.

⁶ Kïtø mî Bïraþe Ngekoosïg la m'el an: Nãi kaglo sî kad m'a m'yee dørãg kï døning kï bahbo kï ning kïtut nja kïða þaitø.

⁷ M'a m'yee girrdeg tube kïtakad nyamajg lo girrdeg tube a ðen na m'a m'ad kuj'n ðan ðoosï kï majkoo, I mî Bïraþe Ngekoosïg laa m'un ndim titbe ye.

⁸ Nar arjã i lom, nar ør i lom, kel Bïraþe Ngekoosïg.

⁹ Majkoo kuj'n ðan kïdøboit a tøi kïdasa, kel Bïraþe Ngekoosïg, na kam lot'n ðan m'a m'ad lapia i tit, I mî Bïraþe Ngekoosïg la m'elta titbe ye.

Nya kïkar kï nya kïyerr

¹⁰ Þal kï ngekõjoo kam naht jikïða ndø kï døjoo gidaisøø'n ngar Darius õnþe ye, Bïraþe kï ngekoosig elta ngekelta kï ta Luwaht Aje gog an:

¹¹ Titbe kel Bïraþe Ngekoosïg: I ndïje ngejanyamosï ta 'nten do mberkï ndat;

¹² Îla de mad to dan kïjaþat ta kubt lon na kub loa ød bîna, ke nyasa, ke man nduu, ke yib, ke nyasa kïðang, nya'n non a tel kïjaþat a? Ngejanyamosï turïn anan: A'a.

¹³ Kamla Aje el an: Îla de mad tel kïyerr kïta kod nin a ne na ød nya kïða ku nyagt 'nten ye, nya 'nten a tel kïyerr to a? Ngéjanyamosï turïn anan: A tel kïyerr.

¹⁴ Kamla Aje tur an: Titbe tø la deg'n ðan kï girrdeg'n ðan kïnomt, kel Bïraþe. Titbe kïlaða jid tube kï kadkarig kï lan admïn nõ în kïyerr.

¹⁵ Na tajigla m'kosï kad i gan kamsï maj dø nyat'n hã a ða nya nëbe kïnõt. Kete lon ndan mbal dø mbalt kam kujt kïjaþat lo Bïraþe al þaitø nya ði ða nya a?

¹⁶ Lon awïn lot'n bukïn nya tit asï ngo tørr nya døjoo a ne, ngahn kamt kïlahbe koon na lon awïn ta gor man ndut kad ødïn asï ngo tørr nya dømi a ne, ngahn kamt døjoobe koon.

¹⁷ M'ndasï kï kand kïlaðasï tube, m'ad ndulo kï ba muro kï tuj kïtakul køsïndii, be kaa i telïn kïromt al, kel Bïraþe.

¹⁸ I gan kamsï døt maj, ndot kïdøjoo gidaisøø lo nah kïkõjikïða, ndø'n ndan ne girr kuj kïjaþat lo Bïraþe, i gan kamsï døt maj.

¹⁹ Kumnya nãi kam damt nõ ale? Ke nduu, ke kag mbaiþood, ke kag grenadie, ke kag olibie, andïn ale? Nëbe kïnõt m'a m'ad maj urrsï.

Jorobabel, þer lo Bïraþe

²⁰ Ndø kïdøjoo gidaisøø lo nah'n non ye, ta lo Bïraþe ðe ro Ajet nja kï ngekõjoo, an:

²¹ El Jorobabel, ngekõþe kï Juda, an: M'a m'ye dørãg kï døning,

²² m'a m'nuj pong kõþeg tube, m'a m'nuj tøg kõþeg lo girrdeg tube, m'a m'tøsï pusïðøøg kï ngekald tu, m'tïla, sïndag kï ngékald a tuson, dekïðen a so kïta nyakat lo madïn.

²³ Na kam ndøt'n non, m'a mla kïla kïbo jiit Jorobabelt kad ða kïta în Jorobabel î þer lom, m'a m'ndai tit kase køsïdønya be kïta m'køti, 'Nten la i takelïm mî Bïraþe Ngekoosïg ye.