NUMRI 7 - IL-BIBBJA IL-KOTBA MQADDSA

Kapitlu 7 Il-konsagrazzjoni tal-artal

¹ Dakinhar li Mosè waqqaf it-tabernaklu, dilku u kkonsagrah, bit-tagħmir kollu tiegħu, dilek u kkonsagra wkoll l-artal u t-tagħmir kollu tiegħu.

² Il-prinċpijiet ta’ Iżrael, il-kapijiet tal-familji ta’ missirijiethom - jiġifieri l-prinċpijiet tat-tribujiet, li ħadu ħsieb l-għadd tal-poplu - ressqu

³ u ġiebu l-offerti tagħhom quddiem il-Mulej: sitt karrijiet mgħottija u tnax-il baqra: karru għal kull żewġ prinċpijiet, u baqra għal kull wieħed, u ġibuhom quddiem it-tabernaklu.

⁴ U l-Mulej kellem lil Mosè u qallu:

⁵ “Ħudhom mingħandhom, biex iservu għas-servizz tat-tinda tal-laqgħa, u qassamhom lil-Leviti, lil kull wieħed skont ix-xogħol tiegħu.”

⁶ U Mosè ħa l-karrijiet u l-baqar, u tahom lil-Leviti.

⁷ Żewġ karrijiet u erba’ baqriet tahom lil ulied Gersun skont is-servizz tagħhom;

⁸ u erba’ karrijiet u tmien baqriet tahom lil ulied Merari, skont is-servizz tagħhom taħt it-tmexxija ta’ Itamar bin Aron, il-qassis.

⁹ U lil ulied Keħat ma tahom xejn, għaliex huma kellhom jieħdu ħsieb it-tagħmir ikkonsagrat, u jerfgħu kollox fuq spallejhom.

L-offerti tal-prinċpijiet

¹⁰ Meta kien midluk u kkonsagrat l-artal tas-sagrifiċċju, il-prinċpijiet ġiebu l-offerta tagħhom; u ġiebu l-prinċpijiet l-għotja tagħhom quddiem l-artal.

¹¹ U l-Mulej qal lil Mosè: “Il-prinċpijiet iressqu l-offerti tagħhom, wieħed kull jum, għall-konsagrazzjoni tal-artal.”

¹² Fl-ewwel jum ressaq l-offerta tiegħu Naħson bin Għamminadab mit-tribù ta’ Ġuda.

¹³ Ġieb platt tal-fidda jiżen mija u tletin xekel; baċil tal-fidda jiżen sebgħin xekel daqskemm jiswa x-xekel tas-santwarju, it-tnejn mimlijin bis-smid imħallat biż-żejt għall-offerta tal-qmuħ;

¹⁴ bieqja tad-deheb tiżen għaxar xwiekel mimlija bl-inċens ifuħ;

¹⁵ għoġol, muntun, ħaruf ta’ dik is-sena għas-sagrifiċċju tal-ħruq;

¹⁶ bodbod għas-sagrifiċċju tal-purifikazzjoni;

¹⁷ u għas-sagrifiċċju tas-sliem: żewġ baqriet, ħames imtaten, ħames bdabad, ħamest iħrief tas-sena. Din kienet l-offerta ta’ Naħson bin Għamminadab.

¹⁸ Fit-tieni jum ressaq l-offerta tiegħu l-prinċep ta’ Issakar, Natanjel bin Sugħar.

¹⁹ Ġieb platt tal-fidda jiżen mija u tletin xekel; baċil tal-fidda jiżen sebgħin xekel daqskemm jiswa x-xekel tas-santwarju, it-tnejn mimlijin bis-smid imħallat biż-żejt għall-offerta tal-qmuħ;

²⁰ bieqja tad-deheb tiżen għaxar xwiekel mimlija bl-inċens ifuħ;

²¹ għoġol, muntun, ħaruf ta’ dik is-sena għas-sagrifiċċju tal-ħruq;

²² bodbod għas-sagrifiċċju tal-purifikazzjoni;

²³ u għas-sagrifiċċju tas-sliem: żewġ baqriet, ħames imtaten, ħames bdabad, u ħamest iħrief tas-sena. Din kienet l-offerta ta’ Natanjel bin Sugħar.

²⁴ Fit-tielet jum ressaq l-offerta tiegħu l-prinċep ta’ wlied Żebulun, Elijab bin Ħelon.

²⁵ Ġieb platt tal-fidda jiżen mija u tletin xekel; baċil tal-fidda jiżen sebgħin xekel daqskemm jiswa x-xekel tas-santwarju, it-tnejn mimlijin bis-smid imħallat biż-żejt għall-offerta tal-qmuħ;

²⁶ bieqja tad-deheb tiżen għaxar xwiekel mimlija bl-inċens ifuħ;

²⁷ għoġol, muntun, ħaruf ta’ dik is-sena għas-sagrifiċċju tal-ħruq;

²⁸ bodbod għas-sagrifiċċju tal-purifikazzjoni;

²⁹ u għas-sagrifiċċju tas-sliem; żewġ baqriet, ħames imtaten, u ħames bdabad, u ħamest iħrief tas-sena. Din kienet l-offerta ta’ Elijab bin Ħelon.

³⁰ Fir-raba’ jum ressaq l-offerta tiegħu l-prinċep ta’ wlied Ruben, Elisur bin Sedewr.

³¹ Ġieb platt tal-fidda jiżen mija u tletin xekel; baċil tal-fidda jiżen sebgħin xekel daqs kemm jiswa x-xekel tas-santwarju, it-tnejn mimlijin bis-smid imħallat biż-żejt għall-offerta tal-qmuħ;

³² bieqja tad-deheb tiżen għaxar xwiekel mimlija bl-inċens ifuħ;

³³ għoġol, muntun, ħaruf ta’ dik is-sena għas-sagrifiċċju tal-ħruq;

³⁴ bodbod għas-sagrifiċċju tal-purifikazzjoni;

³⁵ u għas-sagrifiċċju tas-sliem: żewġ baqriet, ħames imtaten, ħames bdabad, u ħamest iħrief tas-sena. Din kienet l-offerta ta’ Elisur bin Sedewr.

³⁶ Fil-ħames jum ressaq l-offerta tiegħu l-prinċep ta’ wlied Simgħon, Selumjel bin Surisaddaj.

³⁷ Ġieb platt tal-fidda jiżen mija u tletin xekel; baċil tal-fidda jiżen sebgħin xekel daqskemm jiswa x-xekel tas-santwarju, it-tnejn mimlijin bis-smid imħallat biż-żejt għall-offerta tal-qmuħ;

³⁸ bieqja tad-deheb tiżen għaxar xwiekel mimlija bl-inċens ifuħ;

³⁹ għoġol, muntun, ħaruf ta’ dik is-sena għas-sagrifiċċju tal-ħruq;

⁴⁰ bodbod għas-sagrifiċċju tal-purifikazzjoni;

⁴¹ u għas-sagrifiċċju tas-sliem: żewġ baqriet, ħames imtaten, ħames bdabad, u ħamest iħrief tas-sena. Din kienet l-offerta ta’ Selumjel bin Surisaddaj.

⁴² Fis-sitt jum ressaq l-offerta tiegħu l-prinċep ta’ wlied Gad, Eljasaf bin Degħwel.

⁴³ Ġieb platt tal-fidda jiżen mija u tletin xekel; baċil tal-fidda jiżen sebgħin xekel daqskemm jiswa x-xekel tas-santwarju, it-tnejn mimlijin bis-smid imħallat biż-żejt għall-offerta tal-qmuħ;

⁴⁴ bieqja tad-deheb tiżen għaxar xwiekel mimlija bl-inċens ifuħ;

⁴⁵ għoġol, muntun, ħaruf ta’ dik is-sena għas-sagrifiċċju tal-ħruq;

⁴⁶ bodbod għas-sagrifiċċju tal-purifikazzjoni;

⁴⁷ u għas-sagrifiċċju tas-sliem: żewġ baqriet, ħames imtaten, ħames bdabad, u ħamest iħrief tas-sena. Din kienet l-offerta ta’ Eljasaf bin Degħwel.

⁴⁸ Fis-seba’ jum ressaq l-offerta tiegħu l-prinċep ta’ wlied Efrajm, Elisama bin Għammiħud.

⁴⁹ Ġieb platt tal-fidda jiżen mija u tletin xekel; baċil tal-fidda jiżen sebgħin xekel daqskemm jiswa x-xekel tas-santwarju, it-tnejn mimlijin bis-smid imħallat biż-żejt għall-offerta tal-qmuħ;

⁵⁰ bieqja tad-deheb tiżen għaxar xwiekel mimlija bl-inċens ifuħ;

⁵¹ għoġol, muntun, ħaruf ta’ dik is-sena għas-sagrifiċċju tal-ħruq;

⁵² bodbod għas-sagrifiċċju tal-purifikazzjoni;

⁵³ u għas-sagrifiċċju tas-sliem: żewġ baqriet, ħames imtaten, ħames bdabad, u ħamest iħrief tas-sena. Din kienet l-offerta ta’ Elisama bin Għammiħud.

⁵⁴ Fit-tmien jum ressaq l-offerta tiegħu l-prinċep ta’ wlied Manassi, Gamaljel bin Pedaħsur.

⁵⁵ Ġieb platt tal-fidda jiżen mija u tletin xekel; baċil tal-fidda jiżen sebgħin xekel daqskemm jiswa x-xekel tas-santwarju, it-tnejn mimlijin bis-smid imħallat biż-żejt għall-offerta tal-qmuħ;

⁵⁶ bieqja tad-deheb tiżen għaxar xwiekel mimlija bl-inċens ifuħ;

⁵⁷ għoġol, muntun, ħaruf ta’ dik is-sena għas-sagrifiċċju tal-ħruq;

⁵⁸ bodbod għas-sagrifiċċju tal-purifikazzjoni;

⁵⁹ u għas-sagrifiċċju tas-sliem: żewġ baqriet, ħames imtaten, ħames bdabad, u ħamest iħrief tas-sena. Din kienet l-offerta ta’ Gamaljel bin Pedaħsur.

⁶⁰ Fid-disa’ jum ressaq l-offerta tiegħu l-prinċep ta’ wlied Benjamin, Abidan bin Gidegħoni.

⁶¹ Ġieb platt tal-fidda jiżen mija u tletin xekel; baċil tal-fidda jiżen sebgħin xekel daqskemm jiswa x-xekel tas-santwarju, it-tnejn mimlijin bis-smid imħallat biż-żejt għall-offerta tal-qmuħ;

⁶² bieqja tad-deheb tiżen għaxar xwiekel mimlija bl-inċens ifuħ;

⁶³ għoġol, muntun, ħaruf ta’ dik is-sena għas-sagrifiċċju tal-ħruq;

⁶⁴ bodbod għas-sagrifiċċju tal-purifikazzjoni;

⁶⁵ u għas-sagrifiċċju tas-sliem: żewġ baqriet, ħames imtaten, ħames bdabad, u ħamest iħrief tas-sena. Din kienet l-offerta ta’ Abidan bin Gidegħoni.

⁶⁶ Fl-għaxar jum ressaq l-offerta tiegħu l-prinċep ta’ wlied Dan, Aħigħeżer bin Għammisaddaj.

⁶⁷ Ġieb platt tal-fidda jiżen mija u tletin xekel; baċil tal-fidda jiżen sebgħin xekel daqskemm jiswa x-xekel tas-santwarju, it-tnejn mimlijin bis-smid imħallat biż-żejt għall-offerta tal-qmuħ;

⁶⁸ bieqja tad-deheb tiżen għaxar xwiekel mimlija bl-inċens ifuħ;

⁶⁹ għoġol, muntun, ħaruf ta’ dik is-sena għas-sagrifiċċju tal-ħruq;

⁷⁰ bodbod għas-sagrifiċċju tal-purifikazzjoni;

⁷¹ u għas-sagrifiċċju tas-sliem: żewġ baqriet, ħames imtaten, ħames bdabad, u ħamest iħrief tas-sena. Din kienet l-offerta ta’ Aħigħeżer bin Għammisaddaj.

⁷² Fil-ħdax-il jum ressaq l-offerta tiegħu l-prinċep ta’ wlied Aser, Paggħijel bin Għokran.

⁷³ Ġieb platt tal-fidda jiżen mija u tletin xekel; baċil tal-fidda jiżen sebgħin xekel daqskemm jiswa x-xekel tas-santwarju, it-tnejn mimlijin bis-smid imħallat biż-żejt għall-offerta tal-qmuħ;

⁷⁴ bieqja tad-deheb tiżen għaxar xwiekel mimlija bl-inċens ifuħ;

⁷⁵ għoġol, muntun, ħaruf ta’ dik is-sena għas-sagrifiċċju tal-ħruq;

⁷⁶ bodbod għas-sagrifiċċju tal-purifikazzjoni;

⁷⁷ u għas-sagrifiċċju tas-sliem: żewġ baqriet, ħames imtaten, ħames bdabad, u ħamest iħrief tas-sena. Din kienet l-offerta ta’ Paggħijel bin Għokran.

⁷⁸ Fit-tnax-il jum ressaq l-offerta tiegħu l-prinċep ta’ wlied Naftali, Aħira bin Għenan.

⁷⁹ Ġieb platt tal-fidda jiżen mija u tletin xekel; baċil tal-fidda jiżen sebgħin xekel daqskemm jiswa x-xekel tas-santwarju; it-tnejn mimlijin bis-smid imħallat biż-żejt għall-offerta tal-qmuħ:

⁸⁰ bieqja tad-deheb tiżen għaxar xwiekel mimlija bl-inċens ifuħ;

⁸¹ għoġol, muntun, ħaruf ta’ dik is-sena għas-sagrifiċċju tal-ħruq;

⁸² bodbod għas-sagrifiċċju tal-purifikazzjoni;

⁸³ u għas-sagrifiċċju tas-sliem: żewġ baqriet, ħames imtaten, ħames bdabad, u ħamest iħrief tas-sena. Din kienet l-offerta ta’ Aħira bin Għenan.

⁸⁴ Dawn kienu l-offerti tal-prinċpijiet ta’ Iżrael dak in-nhar li kkonsagraw l-artal u żanżnuh; tnax-il platt tal-fidda, tnax-il baċil tal-fidda, u tnax-il bieqja tad-deheb;

⁸⁵ kull platt tal-fidda kien jiżen mija u tletin xekel; il-baċili tal-fidda kienu jiżnu sebgħin xekel kull wieħed; dawn il-fided kollha kienu jiżnu elfejn u erba’ mitt xekel tas-santwarju,

⁸⁶ tnax-il bieqja tad-deheb mimlija bl-inċens ifuħ jiżnu għaxar xwiekel il-waħda daqskemm jiswa x-xekel tas-santwarju, b’kollox mija u għoxrin xekel;

⁸⁷ baqar għas-sagrifiċċju tal-purifikazzjoni kien hemm: tnax-il għoġol, tnax-il muntun, tnax-il ħaruf tas-sena bl-offerta tagħhom, tnax-il bodbod għas-sagrifiċċju tal-purifikazzjoni;

⁸⁸ baqar għas-sagrifiċċju tas-sliem, erbgħa u għoxrin għoġol, sittin muntun, sittin bodbod u sittin ħaruf tas-sena. Dawn kienu l-offerti meta kien ikkonsagrat l-artal u żżanżan.

⁸⁹ Meta Mosè kien jidħol fit-tinda tal-laqgħa biex jitkellem mal-Mulej kien jisma’ l-leħen jitkellem minn fuq l-għatu tal-arka tax-xhieda miktuba, minn bejn il-kerubini; u hekk kien ikellmu.