ĠENESI 10 - IL-BIBBJA IL-KOTBA MQADDSA

Kapitlu 10 Nisel Noè

¹ U dan hu n-nisel ta’ wlied Noè: Sem, Ħam u Ġafet, u tweldulhom ulied wara d-dilluvju.

Ulied Ġafet

² U wlied Ġafet kienu: Gomer, Magog, Madaj, Ġawan, Tubal, Mesek u Tiras.

³ Ulied Gomer kienu: Askenaż, Rifat u Togarma.

⁴ Ulied Ġawan kienu: Elisa, Tarsis, il-Kittin u r-Rodanin.

⁵ Minnhom ħarġu l-popli tax-xtajtiet tal-ġnus. Dawn kienu wlied Ġafet f’artijiethom, kull wieħed skont ilsienu, u skont il-familji tagħhom fi ġnushom.

Ulied Ħam

⁶ U wlied Ħam kienu: Kus, Misrajm, Put u Kangħan.

⁷ Ulied Kus kienu: Seba, Ħawila, Sabta, Ragħma u Sabteka; u wlied Ragħma kienu Seba u Dedan.

⁸ Kus wiled lil Nimrod, li kien l-ewwel wieħed setgħan fl-art.

⁹ Kien kaċċatur qalbieni f’għajnejn il-Mulej: u għalhekk kienu jgħidu: “Bħal Nimrod kaċċatur qalbieni f’għajnejn il-Mulej.”

¹⁰ U l-bidu tas-saltna tiegħu kienu: Babel, Erek, Akkad, Kalni, fl-art ta’ Singħar.

¹¹ Minn din l-art mar l-Assirja u bena ’l Ninwè, ’l Reħobot-għir, u ’l Kalaħ,

¹² u ’l Resen, bejn Ninwè u Kalaħ; u din kienet il-belt il-kbira.

¹³ Misrajm wiled lil-Ludim, lill-Għanamin, lil-Leħabin, lin-Naftuħin,

¹⁴ lill-Patrusin, lill-Kasluħin, li minnhom ħarġu l-Filistin u l-Kafturin.

¹⁵ U Kangħan wiled lil Sidon, ibnu l-kbir, lil Ħet,

¹⁶ lill-Ġebusin, lill-Amurrin u lill-Girgasin,

¹⁷ lill-Ħiwwin, lill-Għarakin, lis-Sinin,

¹⁸ lill-Arwadin, lis-Semarin, lill-Ħamatin. U wara nfirdu l-familji tal-Kangħanin.

¹⁹ U l-medda ta’ art il-Kangħanin kienet tibda minn Sidon u tibqa’ sejra lejn Gerar sa Gaża, imbagħad tieħu lejn Sodoma u Gomorra, u lejn Edom u Sebojim sa Lasa.

²⁰ Dawk kienu wlied Ħam skont il-familji tagħhom, ilsienhom, artijiethom u ġnushom.

Ulied Sem

²¹ U ’l Sem tweldulu t-tfal lilu wkoll. Hu missier l-ulied kollha ta’ Għeber, u kien ħu l-kbir ta’ Ġafet.

²² Ulied Sem kienu: Għelam, Assur, Arfaksad, Lud u Aram.

²³ Ulied Aram kienu: Għus, Ħul, Ġeter u Mas.

²⁴ Arfaksad wiled lil Selaħ, u Selaħ wiled lil Għeber.

²⁵ Lil Għeber tweldulu żewġt itfal, wieħed kien jismu Peleg, għax fi żmienu tqassmet l-art, u isem ħuh kien Ġoktan.

²⁶ U Ġoktan wiled lil Almodad, lil Salef, lil Ħasarmawt, lil Ġeraħ,

²⁷ lil Ħedoram, lil Użal, lil Dikla,

²⁸ lil Għobal, lil Abimajel, lil Seba,

²⁹ lil Ofir, lil Ħawila, lil Ġobab. Dawn kollha wlied Ġoktan.

³⁰ U l-art fejn kienu jgħammru kienet tieħu minn Mesa lejn Sefar sal-muntanji tal-Lvant.

³¹ Dawn kienu wlied Sem skont il-familji tagħhom, ilsienhom, artijiethom u ġnushom.

³² Dawn kienu l-familji ta’ wlied Noè skont in-nisel tagħhom, fi ġnushom; u minnhom ħarġu l-ġnus ta’ fuq l-art wara d-dilluvju.