यहोशवा 12 - पवित्र शास्त्र RV (Re-edited) Bible (BSI)

मोशेने पराभूत केलेले राजे

¹ ज्या राजांना ठार मारून त्यांचे यार्देनेपलीकडे उगवतीकडील आर्णोन खोर्‍यापासून हर्मोन पर्वतापर्यंत असलेले प्रदेश आणि पूर्वेकडील सर्व इस्राएल लोकांनी काबीज केले ते राजे हे :

² अमोर्‍यांचा हेशबोननिवासी राजा सीहोन; आर्णोन खोर्‍याच्या कडेवरल्या अरोएर नगरापासून व त्याच खोर्‍याच्या मध्यापासून अम्मोनी लोकांच्या सीमेवरील यब्बोक नदीपर्यंत असलेल्या अर्ध्या गिलादावर,

³ आणि पूर्वेस किन्नेरोथ सरोवरापासून बेथ-यशिमोथाच्या वाटेवरल्या अराबापर्यंत म्हणजे पूर्वेकडील अराबाच्या समुद्रापर्यंत किंवा क्षार समुद्रापर्यंत आणि दक्षिणेस पिसगाच्या उतरणीपर्यंत त्याची सत्ता होती;

⁴ उरलेल्या रेफाई लोकांतला बाशानाचा राजा ओग; हा अष्टारोथ व एद्रई येथे राहत असे,

⁵ आणि हर्मोन पर्वत, सलका, गशूरी व माकाथी ह्यांच्या सीमेपर्यंतचा सगळा बाशान प्रांत आणि हेशबोनाचा राजा सीहोन ह्याच्या राज्याच्या सीमेपर्यंत अर्ध्या गिलादावर त्याची सत्ता होती.

⁶ ह्यांचा मोड परमेश्वराचा सेवक मोशे आणि इस्राएल लोक ह्यांनी केला होता; आणि परमेश्वराचा सेवक मोशे ह्याने तो रऊबेनी, गादी व मनश्शेचा अर्धा वंश ह्यांना वतन म्हणून दिला होता. यहोशवाने पराभूत केलेले राजे

⁷ यार्देनेच्या पश्‍चिमेस लबानोन खोर्‍यातील बाल-गादापासून सेईरास जाणार्‍या घाटातील हालाक डोंगरापर्यंत ज्या राजांचे देश होते व ज्यांचा यहोशवा व इस्राएल लोक ह्यांनी मोड केला ते हे : (हा देश यहोशवाने इस्राएलवंशांना त्यांच्या हिश्शांप्रमाणे वतन म्हणून दिला,

⁸ तेथील डोंगराळ प्रदेशात, तळवटीत, अराबात, उतरणीत, रानात आणि नेगेबात, हित्ती, अमोरी, कनानी, परिज्जी, हिव्वी व यबूसी राहत होते.)

⁹ यरीहोचा राजा, बेथेलाच्या बाजूस जे आय त्याचा राजा,

¹⁰ यरुशलेमाचा राजा, हेब्रोनाचा राजा,

¹¹ यर्मूथाचा राजा, लाखीशाचा राजा,

¹² एग्लोनाचा राजा, गेजेराचा राजा,

¹³ दबीराचा राजा, गेदेराचा राजा,

¹⁴ हर्माचा राजा, अरादाचा राजा,

¹⁵ लिब्नाचा राजा, अदुल्लामाचा राजा,

¹⁶ मक्केदाचा राजा, बेथेलाचा राजा,

¹⁷ तप्पूहाचा राजा, हेफेराचा राजा,

¹⁸ अफेकाचा राजा, लशारोनाचा राजा,

¹⁹ मादोनाचा राजा, हासोराचा राजा,

²⁰ शिम्रोन-मरोनाचा राजा, अक्षाफाचा राजा,

²¹ तानखाचा राजा, मगिद्दोचा राजा,

²² केदेशाचा राजा, कर्मेलातील यकनामाचा राजा,

²³ नाफत-दोर येथील दोराचा राजा, गिलगाल1 येथील गोयीमाचा2 राजा,

²⁴ तिरसाचा राजा; ह्याप्रमाणे नगरागणिक एक असे एकंदर एकतीस राजे होते.