Números 26 - Biblia Mam de Quetzaltenango

Jaw jumajtl kyajlal aj Israel

¹ Tik'lenxi'ju' yab'il nb'iyon lu, tzaj tma'n Qman Dyos kye Moyses exju' Eleasar tk'wal pale Aaron kjalu:

² Kyiq'i'nktze' jun kyajlal kykyaqil aj Israel teyle junjun ja, ktzajel qe kyuk'i'lju' te winqi'n ab'q'iqe', b'a'nqe' te q'oj, chij.

³ Kychaq'tzun Moysestz ex Eleasar kye aj Israel toju' plan tx'otx' te Moab', ttzi a' Jordan, jlaj Jeriko,

⁴ tu'n kytz'ib'ante kyib' kykyaqil, tzajx kyuk'i'lju' te winqi'n ab'q'iqe' kse'nxju' tchaq' Qman Dyos te Moyses. Aye' aj Israel ja'lu e'etz toj Ejipt:

⁵ Aye' k'loj tyajajil Rub'en, tnejel tk'wal Israel, aye' kyyajajil Enok, Palu,

⁶ Esron ex Karmi;

⁷ Japun kyb'aju' tyajajil Rub'en toj jo'mutx' b'eljojk'al qaqnaq lajoj (43,730) ichan, kse'nxju' kyajlal jaw.

⁸ Aju' Palu a tk'walju' Elyab',

⁹ atzu'n Elyab' aye' tk'walju' Menwel, Datan ex Ab'iram. Aye' Datan ex Ab'iram ju' e' q'on nab'l junx tuk'i'l Kore, jawkyiq'i'nkyib' ti'j Qman Dyos ex kyi'j Moyses ex Aaron,

¹⁰ xi'tzun k'ab'chaju' tx'otx' ex exi' qob'chaj kykab'il junx tuk'i'l Kore, exqe' xjal moje kytzi kyuk'i'l e'kyim, kab'lajnaq lajoj (250) ichan e'kyim tu'n q'aq'. Ajb'en ja'lu te jun nab'l kyeju' txqantl.

¹¹ Aye'tzu'n tk'wal Kore minti' e'kyim.

¹² Aye' k'loj tyajajil Simeon aye' kyyajajil Nemwel, Jamin, Jaquim,

¹³ Sera ex Sawul;

¹⁴ japun kyb'aju' tyajajil Simeon toj kab'mutx' o'lajk'al lajnaq (22,200) ichan, kse'nxju' kyajlal jaw.

¹⁵ Aye' k'loj tyajajil Kad aye' kyyajajil Sepon, Awi, Suni,

¹⁶ Osni, Eri,

¹⁷ Arod ex Arelyi;

¹⁸ Japun kyb'aju' tyajajil Kad toj jo'mutx' junk'al jo'naq (40,500) ichan, kse'nxju' kyajlal jaw.

¹⁹ E'kyimju' Er ex Onan kyxolju' tk'wal Juda toju' tx'otx' Kanaan,

²⁰ qu'mtzun aye' k'loj tyajajil Juda aye' kyyajajil Sela, Pares ex Sera.

²¹ Aye' k'loj tyajajil Pares aye' kyyajajil Erson ex Amul;

²² Japun kyb'aju' tyajajil Juda toj b'eljojmutx' junlajk'al jo'naq (76,500) ichan, kse'nxju' kyajlal jaw.

²³ Aye' k'loj tyajajil Isakar aye' kyyajajil Tola, Pub'a,

²⁴ Jasub' ex Simron;

²⁵ Japun kyb'aju' tyajajil Isakar toj wajxaqmutx' o'lajnaq (64,300) ichan, kse'nxju' kyajlal jaw.

²⁶ Aye' k'loj tyajajil Sab'ulon aye' kyyajajil Sered, Elon ex Jaleel;

²⁷ Japun kyb'aju' tyajajil Sab'ulon toj wuqmutx' junlajk'al jo'naq (60,500) ichan, kse'nxju' kyajlal jaw.

²⁸ Aye' k'loj tyajajil Jse ju' kyyajajil Manases ex Eprayin.

²⁹ Aye' tyajajil Manases, aju' k'loj tyajajil Makyir; aye' tyajajil Makyir, aju' k'loj tyajajil Kalaad;

³⁰ aye' tyajajil Kalaad, aye' k'loj kyyajajil Leser, Elek,

³¹ Asryel, Sikyem,

³² Semida ex Eper.

³³ Aju' Selopead, tk'wal Eper mixti' ten tk'wal, o'qe'kx tmyal, aye' Maala, Noa, Okla, Milka ex Tirsa.

³⁴ Japun kyb'aju' tyajajil Manases toj qaqmutx' junlajk'al jo'naq (52,700) ichan, kse'nxju' kyajlal jaw.

³⁵ Aye' k'loj tyajajil Eprayin aye' kyyajajil Sutela, B'akyer ex Taan.

³⁶ Aye' tyajajil Sutela, aye' k'loj tyajajil Eran.

³⁷ Japun kyb'aju' tyajajil Eprayin toj kyajmutx' junk'al jo'naq (32,500) ichan, kse'nxju' kyajlal jaw. Aye'tzun tyajajil Jse ju' kse'nx ttxolil toj k'loji'n kywitze'l kyib'.

³⁸ Aye' k'loj tyajajil B'enjamin aye' kyyajajil B'ela, Asb'el, Ayram,

³⁹ Sepupam ex Upam.

⁴⁰ Aye'tzu'n k'loj tyajajil B'ela aye' kyajajilju' tk'wal, Ard ex Naaman.

⁴¹ Japun kyb'aju' tyajajil B'enjamin toj jo'mutx' kyajlajk'al (45,600) ichan, kse'nxu' kyajlal jaw.

⁴² Aye' tyajajil Dan aju' k'loj tyajajil Swam.

⁴³ Japun kyb'aju' tyajajil Suwam toj wajxaqmutx' junk'al (64,400) ichan, kse'nxju' kyajlal jaw.

⁴⁴ Aye' k'loj tyajajil Aser aye' kyyajajil Imna, Isuy ex B'eriya.

⁴⁵ Aye' k'loj tyajajil B'eriya aye' kyyajajil Eb'er ex Malkyel.

⁴⁶ Ten jun tmyal Aser, a tb'iju' Sera.

⁴⁷ Japun kyb'aju' tyajajil Aser toj qaqmutx' oxlajk'al lajnaq (53,400) ichan, kse'nxju' kyajlal jaw.

⁴⁸ Aye' k'loj tyajajil Neptali aye' kyyajajil Jaseel, Kuni,

⁴⁹ Jeser ex Silem.

⁵⁰ Japun kyb'aju' tyajajil Neptali toj jo'mutx' oxlajk'al lajnaq (45,400) ichan, kse'nxju' kyajlal jaw.

⁵¹ Japun kyb'aju' aj Israel toj oxnaq o'lajmutx' kyajk'al qaqnaq lajoj (601,730) ichan tu'n kykyaqil, kse'nxju' kyajlal jaw.

Nuk'b'il tu'n tkub' pa'nju' tx'otx'

⁵² Tzaj tma'n Qman Dyos te Moyses kjalu:

⁵³ Kb'el pa'yetju' tx'otx' kyxolju' xjal lu, kse'nxju' kyajlal xtz'ib'et.

⁵⁴ Nimju' tx'otx' kxel tq'o'na kyeju' tnej nim kyb'aj, atzu'n kyeju' tnej mya nim kyb'aj naqjni'x kxel tq'o'na. Teyile junjun tnej kxe'l jun tal tnejil kytx'otx' kse'nxju' kyajlal xjaw.

⁵⁵ Kxel pa'yitju' tx'otx' kse'nxju' makub' tz'aq kye. Teyile junjun ktk'ma'ju' tetzb'il tojxju' k'loj junx kyyajilb'en ti'ju' kxel q'et teju' kyman.

⁵⁶ Kxel sipetju' tx'otx' kse'nxju' makub' tz'aq kye, kyxolju' tnej nim kyb'aj ex kyxolju' tnej mya nim kyb'aj, chi Dyos.

Jaw kyajlal aj Leb'i

⁵⁷ Aye'ju' k'loj tyajajil Leb'iju' jaw kyajlal aye' kyyajajil Kerson, Koat ex Merari.

⁵⁸ Exqe' k'loj kyyajajil Lib'ni, Eb'ron, Mali, Musi, ex kori, tyajajil Leb'iqe'. Aju' Amram tk'wal Koat.

⁵⁹ Mje Amram tuk'i'l jun tmyal Leb'i Jokab'ed tb'i, itz'ji tej atixtoq Leb'i Ejipt. Aye' Amram ex Jakob'ed kyman Aaron, Moyses ex Mariy.

⁶⁰ Aye'tzu'n tk'wal Aaron aye' Nadab', Ab'yu, Eleasar ex Itamar.

⁶¹ Aye'tzu'n Nadab' ex Ab'yu, e'kyim tej tkub' kyq'o'n jun q'aq' junxi'tl twitz Qman Dyos.

⁶² Kab'mutx' wuqlajk'al lajnaq (23,000) japuna' kyajlalju' q'a tyajajil Leb'i tu'n kykyaqil, tzajx kyuk'i'lju' te jun xjaw qe'. Na'mtoq kytz'ib'et kyuk'i'lju' txqantl aj Israel, qu'n na'mtoq t-xi' q'et kyetzb'il.

⁶³ Atzun kyajlal aj Israel jaw kyu'n Moyses tuk'i'lju' pale Eleasar kyoju' plan tx'otx' te Moab', ttzi nin a' Jordan jlaj Jeriko.

⁶⁴ Mixti' jun kyeju' jaw kyajlal kyu'n Moyses ex Aaron toju' chq'ajlaj Sinayi kyxol kykyaqil ja'lu,

⁶⁵ qu'n ojetoq tma Qman Dyos kye qa oktoq che kyimel toj chq'ajlaj. Majx e mankun kykyaqil, naq o'kx Kaleb' tk'wal Jepone ex Joswe tk'wal Num e'kyajten.