Salmos 1 - Mam de Huehuetenango nueva ortografía

LIBRO I SALMOS 1-41 Aju tzalajb'il axix tok

¹ At tzalajb'il teju xjal minti' in xi tb'i'n kyconsej qe b'inchal mya b'a'n, minti' in b'et tuj kyb'e aj il, ex minti' in kub' qe' kyxol qe xjal in che xmayin ti'j Dios,

² noq o'kx in tzalaj ti'j tley Qman Dios, ex kukx in ximan ti'j q'ijl ex qonik'an.

³ Aju xjal lu ik tten ik tza'n jun wi' tze' awa'n ttzi nima, in tq'o'n twitz tujxix tq'ijlalil ex minti' in tzqij t-xaq. Tkyaqilju in tb'incha'n b'a'n nne'la.

⁴ Atzun qe b'inchal mya b'a'n, mya ik kyten, kyja' in che ok ik tza'n mu'p in xi iqan tu'n kyq'iq'.

⁵ Kyja'tzun mlayx che klet qe b'inchal mya b'a'n tuj tq'ijlalil jwisi; ex mlay che ten qe aj il kyxol qe xjal tz'aqlxix.

⁶ Ex kwentin qeju tz'aqlxix tuj kyb'e tu'n Qman; atzun kye qe mya b'a'n, atzun in xi' kyb'e tuj najen.