Números 7 - Mam de Huehuetenango nueva ortografía

Qe oyaj tej t-xjanset ja xb'alun te mojb'ab'l tib'il

¹ Tuj q'ij tej tb'aj b'ant ja xb'alun te mojb'ab'l tib'il tu'n Moisés, b'aj t-xjansa'n tu'n aseyt, junx kyuk'il kykyaqil qe ti'xti ate' tuj ex tuk'ix altar ex kykyaqil qe tmakb'il.

² Atzun qe nejenel kye junjun k'loj kyiyjil aj Israel, aqeju otoq che onin ti'j tu'n tjaw kyajlal xjal, tzaj kyi'n kyoyaj:

³ Ul kyi'n twitz Qman qaq carwaj te iqal iqtz ex kab'laj wakẍ; jun carwaj tu'n kab'e nejenel ex jun wakẍ tu'n junjun. Tkyaqil jlu kub' kyq'o'n twitz ja xb'alun te mojb'ab'l tib'il.

⁴ Xi tma'n Qman te Moisés kyja':

⁵ K'monxa qe carwaj kyuk'ix qe wakẍ, ex q'onxa kye aj Leví tu'n tajb'en kyu'n tuj aq'untl ti'j ja xb'alun te mojb'ab'l tib'il, tza'nx aq'untl kb'antel kyu'n teyle junjun.

⁶ Tzajtzun tk'mo'n Moisés qe carwaj kyuk'ix qe wakẍ ex xi tq'o'n kye aj Leví.

⁷ Xi tq'o'n kab'e carwaj ex kyaje wakẍ kye tiyjil Gersón tu'n kyajb'en tuj kyaq'un.

⁸ Xi tq'o'n kyaje carwaj ex wajxaq wakẍ kye tiyjil Merari tu'n kyajb'en tuj kyaq'un, ex a Itamar aju tky'ajal pal Aarón in q'mante kyaq'un.

⁹ Minti' xi tq'o'n carwaj ex mi wakẍ kye tiyjil Coat, porke qe makb'il xjan, aqeju ate' tuj kykwent, at tu'n t-xi kyi'n twi kysemil.

¹⁰ Tej tb'aj xjanset altar, qe nejenel kye aj Israel xi kyi'n kyoyaj ex kub' kyq'o'n twitz altar.

¹¹ Xitzun tma'n Qman te Moisés kyja': Jun nejenel tu'n ttzaj ti'n toyaj tuj jun q'ij, ex juntl tuj juntl q'ij, okxi kyex b'aj tu'n t-xjanset altar.

¹² Tuj tnejel q'ij xi ti'n Naasón toyaj, aju nejenel kye tiyjil Judá ex tky'ajal Aminadab.

¹³ Aju toyaj xi tq'o'n, atzun jlu: Jun plat saq pwaq ttx'otx'il mas te ox libr talil, ex jun matij laq ax saq pwaq ttx'otx'il, mas te jun libr tuk' mey talil, ik tza'nx malb'il in ajb'en tuj ja xb'alun te mojb'ab'l tib'il, ex kykab'il qe jlu nojni tu'n arin tb'anilxix xyoq'imaj tuk'il aseyt, te jun oyaj ti'j twitz awal;

¹⁴ tuk'ix jun pak' q'an pwaq ttx'otx'il mas te ox ons talil, nojni tuj tu'n storak,

¹⁵ tuk'ix jun tal tor, jun tman ẍne'l ex jun tal tman ẍne'l te jun ab'q'i, te oyaj patun in kub',

¹⁶ tuk'ix jun tman chip te chojb'il il,

¹⁷ kyuk'ix kab'e tor, jwe' tman ẍne'l, jwe' tman chip ex jwe' tal tman ẍne'l te jun ab'q'i, tu'n kyajb'en te chojb'il te mojb'ab'l tib'il. Atzun qe jlu toyaj Naasón aju tky'ajal Aminadab.

¹⁸ Tuj tkab'in q'ij xi ti'n Natanael toyaj, aju nejenel kye tiyjil Isacar ex tky'ajal Zuar.

¹⁹ Aju toyaj xi tq'o'n, atzun jlu: Jun plat saq pwaq ttx'otx'il mas te ox libr talil, ex jun matij laq ax saq pwaq ttx'otx'il, mas te jun libr tuk' mey talil, ik tza'nx malb'il in ajb'en tuj ja xb'alun te mojb'ab'l tib'il, ex kykab'il qe jlu nojni tu'n arin tb'anilxix xyoq'imaj tuk'il aseyt, te jun oyaj ti'j twitz awal;

²⁰ tuk'ix jun pak' q'an pwaq ttx'otx'il mas te ox ons talil, nojni tuj tu'n storak,

²¹ tuk'ix jun tal tor, jun tman ẍne'l ex jun tal tman ẍne'l te jun ab'q'i, te oyaj patun in kub',

²² tuk'ix jun tman chip te chojb'il il,

²³ kyuk'ix kab'e tor, jwe' tman ẍne'l, jwe' tman chip ex jwe' tal tman ẍne'l te jun ab'q'i, tu'n kyajb'en te chojb'il te mojb'ab'l tib'il. Atzun qe jlu toyaj Natanael aju tky'ajal Zuar.

²⁴ Tuj toxin q'ij xi ti'n Eliab toyaj, aju nejenel kye tiyjil Zabulón ex tky'ajal Helón.

²⁵ Aju toyaj xi tq'o'n, atzun jlu: Jun plat saq pwaq ttx'otx'il mas te ox libr talil, ex jun matij laq ax saq pwaq ttx'otx'il, mas te jun libr tuk' mey talil, ik tza'nx malb'il in ajb'en tuj ja xb'alun te mojb'ab'l tib'il, ex kykab'il qe jlu nojni tu'n arin tb'anilxix xyoq'imaj tuk'il aseyt, te jun oyaj ti'j twitz awal;

²⁶ tuk'ix jun pak' q'an pwaq ttx'otx'il mas te ox ons talil, nojni tuj tu'n storak,

²⁷ tuk'ix jun tal tor, jun tman ẍne'l ex jun tal tman ẍne'l te jun ab'q'i, te oyaj patun in kub',

²⁸ tuk'ix jun tman chip te chojb'il il,

²⁹ kyuk'ix kab'e tor, jwe' tman ẍne'l, jwe' tman chip ex jwe' tal tman ẍne'l te jun ab'q'i, tu'n kyajb'en te chojb'il te mojb'ab'l tib'il. Atzun qe jlu toyaj Eliab aju tky'ajal Helón.

³⁰ Tuj tkyajin q'ij xi ti'n Elisur toyaj, aju nejenel kye tiyjil Rubén ex tky'ajal Sedeur.

³¹ Aju toyaj xi tq'o'n, atzun jlu: Jun plat saq pwaq ttx'otx'il mas te ox libr talil, ex jun matij laq ax saq pwaq ttx'otx'il, mas te jun libr tuk' mey talil, ik tza'n malb'il in ajb'en tuj ja xb'alun te mojb'ab'l tib'il, ex kykab'il qe jlu nojni tu'n arin tb'anilxix xyoq'imaj tuk'il aseyt, te jun oyaj ti'j twitz awal;

³² tuk'ix jun pak' q'an pwaq ttx'otx'il mas te ox ons talil, nojni tuj tu'n storak,

³³ tuk'ix jun tal tor, jun tman ẍne'l ex jun tal tman ẍne'l te jun ab'q'i, te oyaj patun in kub',

³⁴ tuk'ix jun tman chip te chojb'il il,

³⁵ kyuk'ix kab'e tor, jwe' tman ẍne'l, jwe' tman chip ex jwe' tal tman ẍne'l te jun ab'q'i, tu'n kyajb'en te chojb'il te mojb'ab'l tib'il. Atzun qe jlu toyaj Elisur tky'ajal Sedeur.

³⁶ Tuj tjwe'yin q'ij xi ti'n Selumiel toyaj, aju nejenel kye tiyjil Simeón ex tky'ajal Zurisadai.

³⁷ Aju toyaj xi tq'o'n, atzun jlu: Jun plat saq pwaq ttx'otx'il mas te ox libr talil, ex jun matij laq ax saq pwaq ttx'otx'il, mas te jun libr tuk' mey talil, ik tza'nx malb'il in ajb'en tuj ja xb'alun te mojb'ab'l tib'il, ex kykab'il qe jlu nojni tu'n arin tb'anilxix xyoq'imaj tuk'il aseyt, te jun oyaj ti'j twitz awal;

³⁸ tuk'ix jun pak' q'an pwaq ttx'otx'il mas te ox ons talil, nojni tuj tu'n storak,

³⁹ tuk'ix jun tal tor, jun tman ẍne'l ex jun tal tman ẍne'l te jun ab'q'i, te oyaj patun in kub',

⁴⁰ tuk'ix jun tman chip te chojb'il il,

⁴¹ kyuk'ix kab'e tor, jwe' tman ẍne'l, jwe' tman chip ex jwe' tal tman ẍne'l te jun ab'q'i, tu'n kyajb'en te chojb'il te mojb'ab'l tib'il. Atzun qe jlu toyaj Selumiel aju tky'ajal Zurisadai.

⁴² Tuj tqaqin q'ij xi ti'n Eliasaf toyaj, aju nejenel kye tiyjil Gad ex tky'ajal Deuel.

⁴³ Aju toyaj xi tq'o'n, atzun jlu: Jun plat saq pwaq ttx'otx'il mas te ox libr talil, ex jun matij laq ax saq pwaq ttx'otx'il, mas te jun libr tuk' mey talil, ik tza'nx malb'il in ajb'en tuj ja xb'alun te mojb'ab'l tib'il, ex kykab'il qe jlu nojni tu'n arin tb'anilxix xyoq'imaj tuk'il aseyt, te jun oyaj ti'j twitz awal;

⁴⁴ tuk'ix jun pak' q'an pwaq ttx'otx'il mas te ox ons talil, nojni tuj tu'n storak,

⁴⁵ tuk'ix jun tal tor, jun tman ẍne'l ex jun tal tman ẍne'l te jun ab'q'i, te oyaj patun in kub',

⁴⁶ tuk'ix jun tman chip te chojb'il il,

⁴⁷ kyuk'ix kab'e tor, jwe' tman ẍne'l, jwe' tman chip ex jwe' tal tman ẍne'l te jun ab'q'i, tu'n kyajb'en te chojb'il te mojb'ab'l tib'il. Atzun qe jlu toyaj Eliasaf aju tky'ajal Deuel.

⁴⁸ Tuj twuqin q'ij xi ti'n Elisama toyaj, aju nejenel kye tiyjil Efraín ex tky'ajal Amiud.

⁴⁹ Aju toyaj xi tq'o'n, atzun jlu: Jun plat saq pwaq ttx'otx'il mas te ox libr talil, ex jun matij laq ax saq pwaq ttx'otx'il, mas te jun libr tuk' mey talil, ik tza'nx malb'il in ajb'en tuj ja xb'alun te mojb'ab'l tib'il, ex kykab'il qe jlu nojni tu'n arin tb'anilxix xyoq'imaj tuk'il aseyt, te jun oyaj ti'j twitz awal;

⁵⁰ tuk'ix jun pak' q'an pwaq ttx'otx'il mas te ox ons talil, nojni tuj tu'n storak,

⁵¹ tuk'ix jun tal tor, jun tman ẍne'l ex jun tal tman ẍne'l te jun ab'q'i, te oyaj patun in kub',

⁵² tuk'ix jun tman chip te chojb'il il,

⁵³ kyuk'ix kab'e tor, jwe' tman ẍne'l, jwe' tman chip ex jwe' tal tman ẍne'l te jun ab'q'i, tu'n kyajb'en te chojb'il te mojb'ab'l tib'il. Atzun qe jlu toyaj Elisama aju tky'ajal Amiud.

⁵⁴ Tuj twajxaqin q'ij xi ti'n Gamaliel toyaj, aju nejenel kye tiyjil Manasés ex tky'ajal Pedasur.

⁵⁵ Aju toyaj xi tq'o'n, atzun jlu: Jun plat saq pwaq ttx'otx'il mas te ox libr talil, ex jun matij laq ax saq pwaq ttx'otx'il, mas te jun libr tuk' mey talil, ik tza'nx malb'il in ajb'en tuj ja xb'alun te mojb'ab'l tib'il, ex kykab'il qe jlu nojni tu'n arin tb'anilxix xyoq'imaj tuk'il aseyt, te jun oyaj ti'j twitz awal;

⁵⁶ tuk'ix jun pak' q'an pwaq ttx'otx'il mas te ox ons talil, nojni tuj tu'n storak,

⁵⁷ tuk'ix jun tal tor, jun tman ẍne'l ex jun tal tman ẍne'l te jun ab'q'i, te oyaj patun in kub',

⁵⁸ tuk'ix jun tman chip te chojb'il il,

⁵⁹ kyuk'ix kab'e tor, jwe' tman ẍne'l, jwe' tman chip ex jwe' tal tman ẍne'l te jun ab'q'i, tu'n kyajb'en te chojb'il te mojb'ab'l tib'il. Atzun qe jlu toyaj Gamaliel aju tky'ajal Pedasur.

⁶⁰ Tuj tb'elaji'n q'ij xi ti'n Abidán toyaj, aju nejenel kye tiyjil Benjamín ex tky'ajal Gedeoni.

⁶¹ Aju toyaj xi tq'o'n, atzun jlu: Jun plat saq pwaq ttx'otx'il mas te ox libr talil, ex jun matij laq ax saq pwaq ttx'otx'il, mas te jun libr tuk' mey talil, ik tza'nx malb'il in ajb'en tuj ja xb'alun te mojb'ab'l tib'il, ex kykab'il qe jlu nojni tu'n arin tb'anilxix xyoq'imaj tuk'il aseyt, te jun oyaj ti'j twitz awal;

⁶² tuk'ix jun pak' q'an pwaq ttx'otx'il mas te ox ons talil, nojni tuj tu'n storak,

⁶³ tuk'ix jun tal tor, jun tman ẍne'l ex jun tal tman ẍne'l te jun ab'q'i, te oyaj patun in kub',

⁶⁴ tuk'ix jun tman chip te chojb'il il,

⁶⁵ kyuk'ix kab'e tor, jwe' tman ẍne'l, jwe' tman chip ex jwe' tal tman ẍne'l te jun ab'q'i, tu'n kyajb'en te chojb'il te mojb'ab'l tib'il. Atzun qe jlu toyaj Abidán aju tky'ajal Gedeoni.

⁶⁶ Tuj tlaji'n q'ij xi ti'n Ahiezer toyaj, aju nejenel kye tiyjil Dan ex tky'ajal Amisadai.

⁶⁷ Aju toyaj xi tq'o'n, atzun jlu: Jun plat saq pwaq ttx'otx'il mas te ox libr talil, ex jun matij laq ax saq pwaq ttx'otx'il, mas te jun libr tuk' mey talil, ik tza'nx malb'il in ajb'en tuj ja xb'alun te mojb'ab'l tib'il, ex kykab'il qe jlu nojni tu'n arin tb'anilxix xyoq'imaj tuk'il aseyt, te jun oyaj ti'j twitz awal;

⁶⁸ tuk'ix jun pak' q'an pwaq ttx'otx'il mas te ox ons talil, nojni tuj tu'n storak,

⁶⁹ tuk'ix jun tal tor, jun tman ẍne'l ex jun tal tman ẍne'l te jun ab'q'i, tu'n kyajb'en te oyaj patun in kub',

⁷⁰ tuk'ix jun tman chip te chojb'il il,

⁷¹ kyuk'ix kab'e tor, jwe' tman ẍne'l, jwe' tman chip ex jwe' tal tman ẍne'l te jun ab'q'i, tu'n kyajb'en te chojb'il te mojb'ab'l tib'il. Atzun qe jlu toyaj Ahiezer aju tky'ajal Amisadai.

⁷² Tuj tjunlajin q'ij xi ti'n Pagiel toyaj, aju nejenel kye tiyjil Aser ex tky'ajal Ocrán.

⁷³ Aju toyaj xi tq'o'n, atzun jlu: Jun plat saq pwaq ttx'otx'il mas te ox libr talil, ex jun matij laq ax saq pwaq ttx'otx'il, mas te jun libr tuk' mey talil, ik tza'nx malb'il in ajb'en tuj ja xb'alun te mojb'ab'l tib'il, ex kykab'il qe jlu nojni tu'n arin tb'anilxix xyoq'imaj tuk'il aseyt, te jun oyaj ti'j twitz awal;

⁷⁴ tuk'ix jun pak' q'an pwaq ttx'otx'il mas te ox ons talil, nojni tuj tu'n storak,

⁷⁵ tuk'ix jun tal tor, jun tman ẍne'l ex jun tal tman ẍne'l te jun ab'q'i, te oyaj patun in kub',

⁷⁶ tuk'ix jun tman chip te chojb'il il,

⁷⁷ kyuk'ix kab'e tor, jwe' tman ẍne'l, jwe' tman chip ex jwe' tal tman ẍne'l te jun ab'q'i, tu'n kyajb'en te chojb'il te mojb'ab'l tib'il. Atzun qe jlu toyaj Pagiel aju tky'ajal Ocrán.

⁷⁸ Tuj tkab'lajin q'ij xi ti'n Ahira toyaj, aju nejenel kye tiyjil Neftalí ex tky'ajal Enán.

⁷⁹ Aju toyaj xi tq'o'n, atzun jlu: Jun plat saq pwaq ttx'otx'il mas te ox libr talil, ex jun matij laq ax saq pwaq ttx'otx'il, mas te jun libr tuk' mey talil, ik tza'nx malb'il in ajb'en tuj ja xb'alun te mojb'ab'l tib'il, ex kykab'il qe jlu nojni tu'n arin tb'anilxix xyoq'imaj tuk'il aseyt, te jun oyaj ti'j twitz awal;

⁸⁰ tuk'ix jun pak' q'an pwaq ttx'otx'il mas te ox ons talil, nojni tuj tu'n storak,

⁸¹ tuk'ix jun tal tor, jun tman ẍne'l ex jun tal tman ẍne'l te jun ab'q'i, te oyaj patun in kub',

⁸² tuk'ix jun tman chip te chojb'il il,

⁸³ kyuk'ix kab'e tor, jwe' tman ẍne'l, jwe' tman chip ex jwe' tal tman ẍne'l te jun ab'q'i, tu'n kyajb'en te chojb'il te mojb'ab'l tib'il. Atzun qe jlu toyaj Ahira aju tky'ajal Enán.

⁸⁴ Atzun qe oyaj lu pon kyi'n qe nejenel kye aj Israel tej tb'aj xjanset altar; xi kyq'o'n kab'laj plat saq pwaq kytx'otx'il, kab'laj laq matij saq pwaq kytx'otx'il ex kab'laj pak' q'an pwaq kytx'otx'il.

⁸⁵ Teyle junjun plat saq pwaq ttx'otx'il mas te ox libr talil, ex teyle junjun laq matij ax saq pwaq ttx'otx'il, mas te jun libr tuk' mey talil. Aju talil saq pwaq, kytx'otx'il qe plat tuk'ix qe laq matij, japun jun tajlal te 60 libr tu'n tkyaqilx, tza'nx malb'il in ajb'en tuj ja xb'alun te mojb'ab'l tib'il.

⁸⁶ Ex kab'laj pak' q'an pwaq kytx'otx'il nojni tu'n storak, mas te ox ons talil junjun, ik tza'nx malb'il in ajb'en tuj ja xb'alun te mojb'ab'l tib'il. Aju talil q'an pwaq, kytx'otx'il qe pak' japun jun tajlal te ox libr tu'n tkyaqilx.

⁸⁷ Aju kyajlal alumaj tu'n kykub' patit, o b'ant kab'laj tal tor, kab'laj tman ẍne'l, kab'laj tal tman ẍne'l te jun ab'q'i, kyuk'ix qe oyaj ti'j twitz awal ex kab'laj tman chip te chojb'il il.

⁸⁸ Qe alumaj te chojb'il te mojb'ab'l tib'il, japun jun kyajlal te 24 tal tor, 60 tman ẍne'l, 60 tman chip ex 60 tal tman ẍne'l te jun ab'q'i. Atzun qe oyaj lu e tzaj q'o'n tu'n tik'set tq'ij altar, tb'ajlenxi xjansa'n.

⁸⁹ Ok tokx Moisés tuj ja xb'alun te mojb'ab'l tib'il tu'n tyolin tuk'il Qman, in tb'i'n nne'tz yolin Qman tib'aj tmaqsil kax k'ub'l tley Dios kyxol qe kab'e querubín, ex in yolin tuk'il.