Números 29 - Mam de Huehuetenango nueva ortografía

Aju ninq'ij tu'n kyq'ajt chun

¹ Tuj tnejel q'ij te twuqin xjaw k'okel jun b'uyj tib'il xjan kyu'ne. Mi jun b'a'n tu'n taq'nan tuj q'ij lu. Atzun q'ij tu'n kyok q'ajtzet qe chun.

² Tujx q'ij lu kb'el kypatune jun tal tor, jun tman ẍne'l ex wuq tal tman ẍne'l ma te jun ab'q'i qe, te jun oyaj at tk'ok'jal in chin tzalaje ti'j, ex kykyaqil qe jlu minti' kypaltil.

³ Kyi'j qe chojb'il lu ktzajel kyq'o'ne arin xyoq'imaj tuk'il aseyt: Ti'j tal tor qaq libr, ti'j tman ẍne'l kyaje libr,

⁴ ex ti'j junjun tal tman ẍne'l kab'e libr.

⁵ Ax ikx ktzajel kyq'o'ne jun tman chip te chojb'il kyile,

⁶ ex part qe oyaj in che kub' patit teyle junjun xjaw, ex part qe chojb'il in che kub' patit tkyaqil q'ij, tuk'ix oyaj ti'j twitz awal ex ta'l twitz uva in xi q'ot kyi'j ik tza'nx in tma'n ley. Tkyaqil jlu jun oyaj te weye patun in kub' at tk'ok'jal in chin tzalaje ti'j.

Qe oyaj tu'n tnajset kyil xjal

⁷ Tuj laj tajlal tex twuqin xjaw ax ikx k'okel jun b'uyj tib'il xjan kyu'ne. Tuj q'ij lu kb'el kyyo'ne we'yaj, ex mi jun b'a'n tu'n taq'nan.

⁸ Kb'el kypatune jun tal tor, jun tman ẍne'l, ex wuq tal tman ẍne'l ma te jun ab'q'i qe, te jun oyaj at tk'ok'jal in chin tzalaje ti'j, ex kykyaqil qe jlu minti' kypaltil.

⁹ Kyi'j qe chojb'il lu ktzajel kyq'o'ne arin xyoq'imaj tuk'il aseyt: Ti'j tal tor qaq libr, ti'j tman ẍne'l kyaje libr,

¹⁰ ex ti'j junjun tal tman ẍne'l kab'e libr.

¹¹ Ax ikx ktzajel kyq'o'ne jun tman chip te chojb'il kyile, ex part qe chojb'il ktzajel kyq'o'ne tu'n tnajset kyile tuj q'ij te najsb'il il, ex part qe chojb'il patun in che kub' tkyaqil q'ij tuk'ix oyaj ti'j twitz awal ex ta'l twitz uva in xi q'ot kyi'j.

Qe oyaj tuj ninq'ij ok kyb'ant tal ja t-xaq tze'yin kywi'

¹² Tuj olaj tajlal twuqin xjaw k'okel jun b'uyj tib'il xjan kyu'ne. Mi jun b'a'n tu'n taq'nan tuj q'ij lu. Wuq q'ij kb'el kyik'sa'ne ninq'ij te nimb'il weye.

¹³ Tuj tnejel q'ij ktzajel kyq'o'ne weye oxlaj tal tor, kab'e tman ẍne'l, ex kyajlaj tal tman ẍne'l ma te jun ab'q'i qe, te chojb'il patun in kub' at tk'ok'jal in chin tzalaje ti'j. Kykyaqil qe jlu minti' kypaltil.

¹⁴ Kyi'j qe chojb'il lu ktzajel kyq'o'ne arin xyoq'imaj tuk'il aseyt: Ti'j junjun tal tor qaq libr, ti'j junjun tman ẍne'l kyaje libr,

¹⁵ ex ti'j junjun tal tman ẍne'l kab'e libr.

¹⁶ Ax ikx ktzajel kyq'o'ne jun tman chip te chojb'il kyile, ex part qe chojb'il patun in che kub' tkyaqil q'ij tuk'ix oyaj ti'j twitz awal ex ta'l twitz uva in xi q'ot kyi'j.

¹⁷ Tuj tkab'in q'ij ktzajel kyq'o'ne kab'laj tal tor, kab'e tman ẍne'l, ex kyajlaj tal tman ẍne'l ma te jun ab'q'i qe, ex kykyaqil qe jlu minti' kypaltil.

¹⁸ Ax ikx ktzajel kyq'o'ne qe oyaj ti'j twitz awal ex ta'l twitz uva kyi'j, ik tza'nx kyajlal tal tor, qe tman ẍne'l, ex qe tal tman ẍne'l, ik tza'nx in tma'n ley.

¹⁹ Ax ikx ktzajel kyq'o'ne jun tman chip te chojb'il kyile, ex part qe chojb'il patun in che kub' tkyaqil q'ij tuk'ix oyaj ti'j twitz awal ex ta'l twitz uva in xi q'ot kyi'j.

²⁰ Tuj toxin q'ij ktzajel kyq'one junlaj tal tor, kab'e tman ẍne'l, ex kyajlaj tal tman ẍne'l ma te jun ab'q'i qe, ex kykyaqil qe jlu minti' kypaltil.

²¹ Ax ikx ktzajel kyq'o'ne qe oyaj ti'j twitz awal ex ta'l twitz uva kyi'j, ik tza'nx kyajlal tal tor, qe tman ẍne'l, ex qe tal tman ẍne'l, ik tza'nx in tma'n ley.

²² Ax ikx ktzajel kyq'o'ne jun tman chip te chojb'il kyile, ex part qe chojb'il patun in che kub' tkyaqil q'ij tuk'ix oyaj ti'j twitz awal ex ta'l twitz uva in xi q'ot kyi'j.

²³ Tuj tkyajin q'ij ktzajel kyq'o'ne laj tal tor, kab'e tman ẍne'l, ex kyajlaj tal tman ẍne'l ma te jun ab'q'i qe, ex kykyaqil qe jlu minti' kypaltil.

²⁴ Ax ikx ktzajel kyq'o'ne qe oyaj twitz awal ex ta'l twitz uva kyi'j, ik tza'nx kyajlal tal tor, qe tman ẍne'l, ex qe tal tman ẍne'l, ik tza'n in tma'n ley.

²⁵ Ax ikx ktzajel kyq'o'ne jun tman chip te chojb'il kyile, ex part qe chojb'il patun in che kub' tkyaqil q'ij tuk'ix oyaj ti'j twitz awal ex ta'l twitz uva in xi q'ot kyi'j.

²⁶ Tuj tjwe'yin q'ij ktzajel kyq'o'ne b'elaj tal tor, kab'e tman ẍne'l, ex kyajlaj tal tman ẍne'l ma te jun ab'q'i qe, ex kykyaqil qe jlu minti' kypaltil.

²⁷ Ax ikx ktzajel kyq'o'ne qe oyaj ti'j twitz awal ex ta'l twitz uva kyi'j, ik tza'nx kyajlal tal tor, qe tman ẍne'l, ex qe tal tman ẍne'l, ik tza'nx in tma'n ley.

²⁸ Ax ikx ktzajel kyq'o'ne jun tman chip te chojb'il kyile, ex part qe chojb'il patun in che kub' tkyaqil q'ij tuk'ix oyaj ti'j twitz awal ex ta'l twitz uva in xi q'ot kyi'j.

²⁹ Tuj tqaqin q'ij ktzajel kyq'o'ne wajxaq tal tor, kab'e tman ẍne'l, ex kyajlaj tal tman ẍne'l ma te jun ab'q'i qe, ex kykyaqil qe jlu minti' kypaltil.

³⁰ Ax ikx ktzajel kyq'o'ne qe oyaj ti'j twitz awal ex ta'l twitz uva kyi'j, ik tza'nx kyajlal tal tor, qe tman ẍne'l, ex qe tal tman ẍne'l, ik tza'nx in tma'n ley.

³¹ Ax ikx ktzajel kyq'o'ne jun tman chip te chojb'il kyile, ex part qe chojb'il patun in che kub' tkyaqil q'ij tuk'ix oyaj ti'j twitz awal ex ta'l twitz uva in xi q'ot kyi'j.

³² Tuj twuqin q'ij ktzajel kyq'o'ne wuq tal tor, kab'e tman ẍne'l, ex kyajlaj tal tman ẍne'l ma te jun ab'q'i qe, ex kykyaqil qe jlu minti' kypaltil.

³³ Ax ikx ktzajel kyq'o'ne qe oyaj ti'j twitz awal ex ta'l twitz uva kyi'j, ik tza'nx kyajlal tal tor, qe tman ẍne'l, ex qe tal tman ẍne'l, ik tza'nx in tma'n ley.

³⁴ Ax ikx ktzajel kyq'o'ne jun tman chip te chojb'il kyile, ex part qe chojb'il patun in che kub' tkyaqil q'ij tuk'ix oyaj ti'j twitz awal ex ta'l twitz uva in xi q'ot kyi'j.

³⁵ Tuj twajxaqin q'ij k'okel jun b'uyj tib'il xjan kyu'ne. Mi jun b'a'n taq'nan tuj q'ij lu.

³⁶ Ktzajel kyq'o'ne weye jun tal tor, jun tman ẍne'l, ex wuq tal tman ẍne'l ma te jun ab'q'i qe, te jun chojb'il patun in kub' at tk'ok'jal in chin tzalaje ti'j, ex kykyaqil qe jlu minti' kypaltil.

³⁷ Ax ikx ktzajel kyq'o'ne qe oyaj ti'j twitz awal ex ta'l twitz uva kyi'j, ik tza'nx kyajlal tal tor, qe tman ẍne'l, ex qe tal tman ẍne'l, ik tza'nx in tma'n ley.

³⁸ Ax ikx ktzajel kyq'o'ne jun tman chip te chojb'il kyile, ex part qe chojb'il patun in che kub' tkyaqil q'ij tuk'ix oyaj ti'j twitz awal ex ta'l twitz uva in xi q'ot kyi'j.

³⁹ Atzun qe chojb'il lu ktzajel kyq'o'ne weye kyuj qe ninq'ij b'animaj kyi'j, ex part kyoyaje ktzajel kyq'o'ne ok tjapun jun kyyole otoq tzaj kytziyane weye, ex qe kyoyaje tu'n kyexe kygan ktzajel kyq'o'ne; qa jun chojb'il patun in kub', qa jun oyaj ti'j twitz awal, qa jun oyaj ti'j ta'l twitz uva, ex qa jun oyaj te mojb'ab'l tib'il, chi Qman te Moisés.

⁴⁰ Atzunte Moisés xi tma'n kye aj Israel tkyaqil aju otoq tma Qman te.