Ester 10 - Mam de Huehuetenango nueva ortografía

Tej tok q'o'n Mardoqueo te ma' toklen

¹ Kub' tq'o'n rey Asuero jun chojenj tuj tkyaqil tx'otx' at tjaq' tkawb'il, ax ikx kyuj qe tx'otx' ate'kx tmij mar.

² Tkyaqil aju tb'incha tuk'il toklen ex tipumal, ax ikx ti'j toklen Mardoqueo ma'xix xi tq'o'n, atzun tz'ib'an tuj libro jatum in ku'x tz'ib'et kykyaqil qeju in che b'aj tuj kykawb'il qe rey kye aj Media ex aj Persia.

³ Ate Mardoqueo aju xjal Judiy, tok toklen te tnejel nejenel ttxlaj rey Asuero, ax ikx ok te ma'xix toklen kyxol qe xjal Judiy, ex o k'ujlanjtz kyu'n kykyaqil qe t-xjalil, ex ok tilil tu'n tu'n tb'inchante b'a'n kyi'j qe ttanamil, ax ikx ok tilil tu'n tu'n kyten qe t-xjalil tuj txub'txaj.