Oseas 3 - Mam de Huehuetenango Bible

Oseas ex aju xu'j aj pajil

¹ Tzaj tma'n Kman juntl maj weye: Txi'ya ex c'ujlama aju xu'j at tyaẍ ex aj pajil, ic tza'n in che oc nc'ujla'ne ke aj Israel masque in che oc lpe' cyi'j junxitl dios, ex in che lo'n ti'j twitz uva tzkijsa'maj aju in pon cyi'n te oyaj cywitz cydios, chi Dios tzaj tma'n weye.

² Cnettzun jun xu'j wu'ne tu'n toc te nxu'jile, ex chjet olaj tajlal sak pwak twi' ex jun iktz tuc' mey sebad.

³ Xi nma'ne te: Nim tyemp ctele wuc'ile, cyja'tzun mi'n yaẍina ex mi'n txi'ya tuc'il juntl xinak, ax icx weye oc nbincha'ye teya icju, nchiye te.

⁴ Porque nim tyemp che tel aj Israel minti' cyrey ex minti' nejenel cyxol, mlay txi cyk'o'n chojbil te Dios ex mlay che c'ulun cywitz abj xjansamaj, minti' tcapiẍay pal ctel cyuc'il ex minti' tilbilal ctel tuj cyja.

⁵ Te tibajxi jlu che ajetz meltz'aj aj Israel juntl maj, ex che oquel ten jyolte Kman aju Cydios ex jyolte David aju cyrey. Tuj mancbil tk'ijlalil che ul tuc'il Kman ex tuc'il tchiylal che nimal te, ex cxel cyc'mo'n aju t-xtalbil cxel tk'o'n cye.