Ester 10 - Mam de Huehuetenango Bible

Tej toc k'o'n Mardoqueo te ma' toclen

¹ Cub tk'o'n rey Asuero jun chojenj tuj tcyakil tx'otx' at tjak' tcawbil, ax icx cyuj ke tx'otx' ate'cx tmij mar.

² Tcyakil aju tbincha tuc'il toclen ex tipumal, ax icx ti'j toclen Mardoqueo ma'xix xi tk'o'n, atzun tz'iban tuj libro jatum in cu'x tz'ibet cycyakil keju in che baj tuj cycawbil ke rey cye aj Media ex aj Persia.

³ Ate Mardoqueo aju xjal Judiy, toc toclen te tnejel nejenel ttxlaj rey Asuero, ax icx oc te ma'xix toclen cyxol ke xjal Judiy, ex o c'ujlanjtz cyu'n cycyakil ke t-xjalil, porque oc tilil tu'n tu'n tbinchante ba'n cyi'j ke ttanamil, ax icx oc tilil tu'n tu'n cyten ke t-xjalil tuj txubtxaj.