Евреите 5 - Нов превод на Новиот Завет 2023

Христос е вистински Првосвештеник, поголем од Арон

¹ Зашто секој првосвештеник, кој се избира од луѓе, се пос­та­вува за луѓето – да служи пред Бога, да принесува да­рови и жртви за гревовите,

² и да може да сочувствува со оние кои се во незнаење и заблуда, бидејќи и сами­от е подложен на слабости;

³ и затоа е должен да принесува жртви за гревовите, како за народот, така и за своите.

⁴ И никој врз себеси не ја прима таквата чест, освен оној кој е повикан од Бога, како што беше Арон.

⁵ Така и Христос не се прослави Самиот Себеси, станувајќи првосвештеник, ту­ку Го прослави Оној што Му рече: „Ти си Мој Син, Јас денес Те родив.“

⁶ Како што и на друго место вели: „Ти си свештеник довека, по чинот Мел­хиседеков.“

⁷ Во деновите на Својот земен живот, Тој со силен вик и солзи упати молби и молитви кон Оној што можеше да Го спаси од смртта, и поради Својата благобојазливост беше услишан.

⁸ Иако беше Син, Тој се научи на послушност од она што го пострада,

⁹ а, откако се усоврши, стана причина за вечно спасение на сите кои Му се послушни,

¹⁰ и од Бога беше наречен Прво­свеш­те­ник по чинот Мелхиседеков.

Да останеме во верата

¹¹ За ова би имале многу да ви зборуваме, што е тешко да се протолкува, би­дејќи сте станале мрзливи за слушање.

¹² Зашто, иако според годините требаше веќе да бидете учители, вие сѐ уште имате потреба некој да ве учи на првите начела на словото Божјо и дојдовте до таква состојба, што имате потреба од млеко, а не од тврда храна.

¹³ Секој што се храни со млеко, е не­вешт во словото на правдата, бидејќи е дете;

¹⁴ а тврдата храна е за совршените, кои преку подвигот ги извежбале чувствата за разликување на доброто од злото.