Matthai 1 - Lautu New Testament

Zingsuv Thukina

¹ Abraham samingsahlaa, David samingsahlaa ta a cuopa Messiah Zingsuv thukina ca hinghaahingtana a cuo.

² Abraham ca Isak paa ta a cuo, Isak ca Jakob paa ta a cuo, Jakob ca Judah hne a nuta zaw paa ta a cuo,

³ Judah ca Perez hne Zerah paa ta a cuo (Ama nung ca Tamar ta a cuo), Perez ca Hezron paa ta a cuo, Hezron ca Aram paa ta a cuo,

⁴ Aram ca Amminadab paa ta a cuo, Amminadab ca Nahshon paa ta a cuo, Nahshon ca Salmon paa ta a cuo,

⁵ Salmon ca Boaz paa ta a cuo (A nung ca Rahab ta a cuo), Boaz ca Obed paa ta a cuo (a nung ca Ruth ta a cuo), Obed ca Jesse paa ta a cuo,

⁶ Jesse ca Siepahruo David paa ta a cuo. David ca Solomon paa ta a cuo (a nung ca Uriah napuvnung khata na a cuo),

⁷ Solomon ca Rehoboam paa ta a cuo, Rehoboam ca Abijah paa ta a cuo, Abijah ca Asaph paa ta a cuo,

⁸ Asaph ca Jehoshafat paa ta a cuo, Jehoshafat ca Joram paa ta a cuo, Joram ca Uzziah paa ta a cuo,

⁹ Uzziah ca Jotham paa ta a cuo, Jotham ca Ahaz paa ta a cuo, Ahaz ca Hezekiah paa ta a cuo,

¹⁰ Hezekiah ca Manasseh paa ta a cuo, Manasseh ca Amos paa ta a cuo, Amos ca Josiah paa ta a cuo,

¹¹ Josiah ca Jekhoniah hne a nuta zaw ama paa ta a cuo, capa cuo lieca Israel ming ca Babilon ruo luo sii ta amaa da.

¹² Babilon luo sii ta amaa da khu taata: Jaekhoniah ca Salathiel paa ta a cuo, Salathiel ca Zerubbabel paa ta a cuo,

¹³ Zerubbabel ca Abiud paa ta a cuo, Abiud ca Eliakim paa ta a cuo, Eliakim ca Azor paa ta a cuo,

¹⁴ Azor ca Zadok paa ta a cuo, Zadok ca Akhim paa ta a cuo, Akhim ca Eliud paa ta a cuo,

¹⁵ Eliud ca Eleazar paa ta a cuo, Eleazar ca Matthan paa ta a cuo, Matthan ca Jakob paa ta a cuo,

¹⁶ Jakob ca Josef paa ta a cuo, Josef ca Mary navaapa ta a cuo, Mary ca Messiah tapa Zingsuv nung khata a cuo.

¹⁷ Cacuonakaw Abraham taata David te chuohraa hlyipaliy, David taata Babilon luo sii ta amaa dana te ta chuohraa hlyipaliy, Sii ta amaa dana taata Messiah puvna te ta chuohraa hlyipaliy ta a cuo.

Zingsuv Khrih Puvnapa

¹⁸ Zingsuv Khrih a puvna zya ca hinghaahingta a cuo. A nung Mary ca Josef ta pahaa te cuorasala amaa hlaw hluo khata Thlaapa Pathe ta nu a hnyi aa tapa kha pachang sa pata a cuo.

¹⁹ A navaapa Josef ca a dangsapa ta cuote, Mary kha zaapuv pachang ta thuo pachipa a khing li nakawta a paruvta tah a che riypata khue a khuo.

²⁰ Cahaa cata tue riypa a pacuo nguoluoning kha Abyipa avuoming pakha ta a muo lie zaa luo te, “David saming Josef, Mary hing napuv ta a la riypata ciy kha, nu a phyapa hing Thlaapa Pathe taata tlihing a cuo.

²¹ Ama ta saacapaa hnyi'a te a ming ca Zingsuv tapata na paphya aa, tahematapakieca ama ta a cawsaa zaw kha ama suena taata a khuo'a yi.

²² Hingpa bangkhuo a cuopa hing Abyipa ta profet pakaa taata a ripa a tlingna riypatana a cuo:

²³ “Mang tie, Lesaa pathepa pakha ta nu phya'a te saacapaa pakha a hnyi aa, ama ca Immanuel tapata ming ama paphya aa,” a ri khingna ca, “Khazing ca kiema'a liena a aw,” tana pata a cuo.

²⁴ Josef ca aa hmungna taata aa kya cha tiyta Abyipa avuoming ta ama changpa haakhata Mary ca napuv ta aa la.

²⁵ Cuorasala saacapaa a sa hluo bangkhuo nung hne vaa cuo khyi vyi. Saacapaa ca Zingsuv tapata ming a sa.