Salmos 150 - La'aqtaqa Ñim Lo'onatac 'Enauacna 2013

Da llo'oxonnataxanaxac 'enauac na huetalecna

¹ ¡Qaỹo'oxoren qome Ñim Nataxala'! Qavio'oxoyiñi Ñim Lo'onatac 'Enauacna, da qoviita'a ca npe'l maye lanataqa' Ñimaye, qavio'oxoyiñi Ñimaye 'enauac qami' maye qoviito'ot na piguem.

² Qavio'oxoyiñi Ñimaye souaxat na lta'araicpi ỹo'otpi, qavio'oxoyiñi Ñimaye souaxat da qalochiguiñi la'amaqchec.

³ Qavio'oxoyiñi Ñimaye qauauoita'a aca nasheerepi, qataq qauauoita'a aca nviquepi arpa qataq aca salterio.

⁴ Qavio'oxoyiñi Ñimaye qauasocheeta'ai' aca nasaquiaxanatapi, qavio'oxoyiñi qauauoita'a aca nasheerepi qataq aca nviquepi maye huo'o na lquetpi.

⁵ Qavio'oxoyiñi qauauoita'a ca natoviaxanatacpi, qavio'oxoyiñi qauauoita'a ca ỹataqta alam natoviaxanatacpi.

⁶ Qaq 'enauac na huo'oi naua la'a'che ñaq ỹo'oxoren qome Ñim Nataxala'. ¡Qaỹo'oxoren qome Ñim Nataxala'!