Salmos 13 - La'aqtaqa Ñim Lo'onatac 'Enauacna 2013

Da atamnaxac da qaiỹaxanaique ca ntaunaxanaxac

¹ 'Am Nataxala', ¿chaq laguio' da ivirec da aỹem 'aucoua'ai? ¿Chaq laguio' da ime da aỹem 'anqañoxottapiisop?

² ¿Chaq laguio' da imeuo da ñeque'eenaxac, qataq da ỹaquicoxo 'enauaque naua na'axa'te? ¿Chaq laguio' qaq inoxonec da 'eetec da aỹem ỹamaqtac na ñepa'aguenaxauapi?

³ 'Am Nataxala' maye 'Am Ñatamnaxala', ñaq aỹem 'anamataña, aỹem 'auasateguet qataq nauaachiyiñi 'anqa'en naua ỹa'ai'te. Yaqto' saishet da so'ochiỹaigui da nleuaxa.

⁴ Yaqto' na ñepa'aguenaxauapi saishet qome da 'eeta': «Mashe ỹoxonec ñimaye.» Qataq saishet da ntootapeguec da souañi.

⁵ Aỹem ỹataqta sepi'iỹa'a da 'arsoxoyec, qataq da iquiyaqteỹaxac machiguiñi souaxat da aỹem 'anca'alaxatec.

⁶ Qaq so'on ca ỹo'onec da sho'oxoren Ñim Nataxala' souaxat na ỹaỹamaqchiguiñipi maye aỹem ỹo'otec.