Masalimo 1 - IBAYIBOLO 2024

Ibuku Ilyakwanda Masalimo 1-41 Ubuhobosu ubwenecho

¹ Musayiwa umuntu, yuyo atakwenda na bantu ababibi, pamo pakwimilila muzila, izya babomba imbibi, pamo pakwikala mukabukatila aka bantu abalobezyo,

² mubuzilo bwache akuhoboka pakwivwila indaghilo izya Mwene, sona akuzyinong'ona pamusanya na pabusiku bulo.

³ Umuntu yunuyu ayanite bulo nikwi ilya mulubazu ulwalusoko, lilyo likwela ivikomwa pakabalilo kache, amani ghache ghatakufoka. Vyosi vivyo akubomba vikumwendela akiza.

⁴ Zinizi te momumo zibeleye na bantu ababibi, awe! Abantu ababibi bayanite bulo ni lyelelo, lilyo likupupuziwa bulo ni mpepo.

⁵ Bo u Chala akubalonga abantu ababibi, batakwiza pakwimilila, sona akwiza pakubefya ababomba mbibi pakasi pabantu abagholosu.

⁶ Pakuti u Mwene akuyennya inkalo iya bantu abagholosu, loli abantu ababibi bakwiza pakuzimila.