Titus 3 - Niu Testament 1956 (Manus PNG)

Delengan le nongen ad gaverment ma heb nongen hian le born.

¹ Ghenunuen su, delengasu le nongen asu Ndorlaben ber boan, su gob mburer hian ge le boan ogo.

² Mbue su boii su ndramed, voasuiso benu ge. Mbue delengasu ndoun ndoun, su ghanguruen monen ge le ndro su ndramed masigane.

³ Goru dandu hebsa bui, delengadu le nongen ad Jehova bugane, iou gin irgai sal momen ge, iou gin hangungerou longu hendre e hendre momen ber boan. Ndrnedu gin mah le asu ndramed, su ndramed ndrnesu gin mah le adu, iou da gin bo iil hom le ndro homo.

⁴ Boen golnisden ad Jehova gin meher ndro du, i Bolumiadu.

⁵ Aga i gin hinen i le golnisden aden ge, i gin rumburdi du, gin ibdi gahaloseli me ndro du, i gin surhi du, i gin daui me ndro du bern houen, i gin ilgi Meluan Helian me ndro du. Ndangen aga le surien mburer adu hian bui, aga golnisden aden ge.

⁶ I gin ilgi Meluan Helian dsoln me ndro du gle ndoui ad Jesu Kristo, i Bolumiadu.

⁷ Golnisden aden gin hinen du monen ge, i ha lengi, iou hilou, iou ngab le memrad ber lang, ir belengen du le gor lundielang.

⁸ Nongen ogo i monen ge, io ha lengi, uo absou hanguruen adem gle nongen ogo: Su da gin boro ndoui ad Jehova su gob longu hian ge, su ghanguruen leri. Aga longu mamali ge, i danen sobani su ndramed ber boan.

⁹ Mbue hanguruen nongen asu molhege, nongen i da le buk asu, su bo iil gleri le nongen asu sidegesi. Longu dege ogoro aga i molhege.

¹⁰ Hom ndramed, i da bo iil sidesi, mbue la ndro i, be uo gin vong le ndro i bersi de maberuo, i de delengan le nongen adem bui.

¹¹ Uo danem ndramed dege ogoro i gina le sal momen i gina malold.

¹² Be io rendegien Artemas de Tigikus le ndro uo, hian, am ndro io roud le gor Nikopolis, io ha leng gsou le gor ogo le taim ber lengen.

¹³ Be Senas, ndremda hernou sor Apolos sor gmehere ndro uo, hian osbani sor gle memrad adem, sor dogi hian ge le sal asor.

¹⁴ Boen su lao ad Jehova dansu ilndri bern ogo hian ge, su osbani su lao ad Jesu gle memrad asu. Aga i dege sengen hian ber gei heie monen ge.

¹⁵ Su masi, su da ndro io, su beani nongen hian le ndro uo. Beani nongen hian le ndro su masi, golsuisden du gle ndoui ber lang. Golnisden ad Jehova i da ge ndro mu masi.