Titus 2 - Niu Testament 1956 (Manus PNG)

Bern hian le molengasu Kristen.

¹ Hian, uo dagara bui, ghenunuen su le longu hian ge.

² Su gamel hian de gilmui dsoln bui, su ha dogi monen ge, su ha boro ndoui ber lang monen, golnisden asu i monen lie, dansu belengen su, su heb ndoa bui.

³ Henunuen su labihin, su girgai monen le bormarn ad Jehova, su dege su ndremda henunuen su hian, mbue su hilou le um hom ma le um hom, mbue su gabsou nongen dsoln molhege, mbue su gilmui ndrunvain dsoln, hian su ndremda henunuen su le longu hian ge.

⁴ Su ghenunuen su ndurbihin le longu hian, le mburer monen ge: Golsugisden nambulsu, ma ndursu.

⁵ Bergolsu e meluasu ghanguruen rosan, su gobgulue um asu gle hian, delengasu le nongen asu nambulen, debosan su ndramed boii nongen ad Jehova, i da le molengasu.

⁶ Ghenunuen su ulhou dagara lie, su ha dogi monen ge.

⁷ Su ha lele dogi adem le longu hendre e hendre. Henunuen su monen ge, hian ge.

⁸ Boen su da bo iil le ndro uo, bombulsu i mesi be de dansu danoni heb longu momen adem bui.

⁹ Henunuen su lao dandendegei, delengasu le nongen asu Ndorlaben voasuiso asu, mbue su gob iil le ndro su le nongen asu.

¹⁰ Mbue su gbehena longu hendre e hendre, su gob mburer asu hian monen ge, dansu nongen ad Jehova, i da bolumiadu, su gabmugueni ngarn aden le longu hendre e hendre su da hinen i.

¹¹ Golnisden ad Jehova gin mbsig le ndro su ndramed masigane, i ha leng sobani su.

¹² I ha leng henunuen du, iou gbieni longu hendre e hendre momen ma hangungerou momen ber boan, i ha lengi, iou irgai monen ge sal adu le boan ogo.

¹³ I ha lengi, iou belengeni memrad adu ber lang, iou ha belengeni engerang ad Jehova, Ndorlaben adu manden ge, be Jesu Kristo i mbsig me ndro du, i Bolumiadu.

¹⁴ I da gin daui me ndro du mandrn e ndrai aden, beg rumburdi du le longu adu masi momen. I beg surhi bergoldu na ge rosan ge, boen iou aden ge, iou bo mburer hian monen ge. Iou ghanguruen leri sidesi.

¹⁵ Absou longu ogo le ndro su e ndemani su, su ha somui ri. Vong ndoun le ndro su, mbue homo i hanguruen molhe le aden.