NONGEN AD APOSTEL PAULUS LE NDRO SU LAO AD JESU BER GOR ROM 7 - Niu Testament 1956 (Manus PNG)

Be homo i hom lao ad Jesu, Jesu gin rumburdi le lo ad Mose.

¹ Mu ndere hian, io da bai le ndro mu, danmu nongen ad Mose, danmu i hian, nongen ad Mose le ndro su ndramed ge ber boan.

² Dege longu hendre ogo: Be hom gamel gin ibdi hom bihin le nambulen, i nambulen ad gamel be i do da le boan. Be gamel na gmed, i nambulen ad gamel ogo bui, i danen hinen i, dege i ie lengi.

³ Be gamel i da le boan, a bihin bieni gamel, aga nambulen i ibdi hom gamel le nambulen lie, aga momen, i bo longu sungsou. Be nambulen ogo i ginmad, i danen hinen i dege i lengi, i danen ibdi hom gamel le nambulen lie, aga longu sungsou bui.

⁴ Mu ndere hian, mu dagara lie, mu ginmad, nongen ad Mose i da mamaren le bergolmu bui, Kristo i ginmad malabo mu aden ge, i da gin hingeni Jesu le ngad, hian mu gob mburer ad Ndorlaben Jehova ge.

⁵ Mahanu, be iou da le boan, mandru masi gin somui le longu momen, mandru masi gin hangungerou sidesi momen ge, longu adu momen manden ge, iou gmad gleri Aga be nongen ad Mose gin bai mbue hinen longu ogoro, de longu ogoro.

⁶ Malabo iou da ginmad le nongen ad Mose i de ndounen du bui, iou da bo mburer le bern ad Meluan ge, iou da hanguruen nongen ber goru bui, su da gin hondre le buk.

⁷ Malabo hi derbe, nongen ad Mose i momen ge? Bugane, io de dono longu momen bui, hanu nongen ad Mose gin bai: Mbue hinen i. Io de dono bui hangungerou le longu hendre i momen, malabo nongen ad Mose i vong, i bai: Mbue hangungerou.

⁸ Malabo longu momen i da bo iil me ndro io, hangungerou momen gina le bergolo, nongen ad Mose i bai: Mbue hangungerou, malabo hangungerou ordo i da bo iil le nongen ad Mose. Mahanu dagara bui, mahanu io do dono longu hendre e hendre momen bui, nongen ad Mose i gin boharni, be nongen ad Mose bui, longu momen bugane.

⁹ Be nongen ad Mose de gin meher me ndro io masou, io do da le boan molhege, io de dono longu hian, io de dono longu momen bugane. Boen nongen ad Mose gin meher, i vong i bai: Mbue hinen longu ogoro, aga momen ge, ghinen longu ogoro, aga hian ge. Malabo bergolo i hanguruen longu momen sidesi, io gina momen ge.

¹⁰ Io na gmed, nongen ad Mose ogo i da gin meher ndro io, beg sobani io, i gin daii io, gin dieni io na gmed.

¹¹ Longu momen i bo iil me ndro io, i gin ndounen io, i bahilou me ndro io, io gina momen ri.

¹² Nongen ad Mose, aga nongen hian, helian ge, nongen ad Jehova i hian monen gane.

¹³ Longu hendre hian i gin daii io derbe, bugane, longu momen, i ge, i gin daii io, io dono le nongen ad Mose sehe longu i momen.

¹⁴ Dandu i hian, nongen ad Mose i nongen ad Jehova ge, Meluan ad Jehova gin hondre, io ge, io sengen ber boan ge, longu momen i gin ndounen io.

¹⁵ Io de dono i bui, longu ordo i hi derbe, io mbuere longu hendre e hendre momen, ma io hinen i. Io ha leng hinen longu hendre e hendre hian ge, io de ndoa le hinen i bui.

¹⁶ Be io da hinen longu hendre, io mbuere hinen i, io dono, nongen ad Mose i da hian ge, i ha lengi dege io lengi i.

¹⁷ Io ge, aga meluo, i de bo momen bui, longu momen i da le sengen ordo, i ge, i hinen i.

¹⁸ Io dono, heb longu hian i da le sengen ordo bugane, io ha leng bo longu hian ge, io de dono hinen i bui.

¹⁹ Io de hinen longu hian bui, dege io ha lengi, io da bo longu momen, sidesi io mbuere hinen i.

²⁰ Be io da hinen longu hendre, io mbuere hinen i, io ge, io de hinen i bui, aga longu momen i da le sengen ordo, i ge, i hinen i.

²¹ Malabo io dono longu hendre ogo, longu hian, io da ha leng hinen i, io de hinen i bui, sidesi io da bo longu momen ge.

²² Meluo, bergolo, i ha somui le nongen ad Jehova.

²³ Ndoui hendre i da le mondro, i da bo iil le ndro hanguruen ordo, hian ge, i da hosi io, i da ndounen io, i da bo mburer momen le mondro.

²⁴ Io ndramed momen ge, sie i beg rumburdi io le mondro ogo momen?

²⁵ Io bamugueni Jehova, Jesu Kristo i gin hinen i, i Ndorlaben adu ge. I dege ogoro: Io ge, bergolo, e meluo, i ha lengi nongen ad Jehova ge, sengen ordo i da bo longu momen.