NONGEN AD APOSTEL PAULUS LE NDRO SU LAO AD JESU BER GOR ROM 6 - Niu Testament 1956 (Manus PNG)

Golnisden ad Ndorlaben i rumburdi du le longu masi momen.

¹ Malabo hi derbe, iou da bo longu momen sidegesi, boen golnisden ad Ndorlaben i da meher ndro du bulhe?

² Bugane, iou da ginmad le longu momen, iou mbuere longu momen i da mamaren le bergoldu.

³ De danmu i bui, su gin surhi du gle ngarn ad Jesu Kristo, iou da ginmad, dege Jesu i ginmad.

⁴ Ndran Helian i gin doni du le ngad, iou dege Kristo, damen gin hingeni i le ngad le ndoui aden ber lang, iou da dogi malabo gle ndoui houen.

⁵ Iou dege i, be iou da ginmad, iou dege i lie, be iou dne, dege i gin ndne,

⁶ dandu longu hendre ogo, Ndorlaben gin dadhe mandru momen sagen le beldigei ad Kristo bersi ge. Mandrn momen ge, i de bo longu momen bui, iou lao dandendegei le longu momen bugane.

⁷ Ar homo i da ginmad longu momen de danen hinen i momen bui.

⁸ Be iou da ginmad bersi le Jesu Kristo iou da mamaren ge bersi ndro i. Aga dandu i hian.

⁹ Dandu longu hendre lie: Kristo, be i gin ndne lie le ngad aden i na gmed bersilie bui, longu hendre momen de danen ndounen i bugane.

¹⁰ I ginmad bersi ge le surien longu momen. I da mamaren ge gle ndoui ad Jehova.

¹¹ Mu dagara lie, mu hanguruen le bergolmu longu momen masi i da ginmad, mu mamaren ge, mu ad Jehova ge gle ndoui ad Jesu Kristo, i Ndorlaben adu.

¹² Orgulue meluamu debosan longu momen ir ndounen mu, mu delengamu le hangungerou momen i da le mandrmu ber boan i da heb ndoa bui.

¹³ Mandrmu de gob mburer le longu momen bui mu ghanguruen longu hendre ge: Mu da ginmad goru, malabo mu da mamaren ge, gob mburer ad Jehova ge mandrmu i ghinen longu hian monen le ndro Jehova.

¹⁴ Longu momen de danen ndounen mu bui. Nongen ad Mose i da ndro mu bui, golnisden ad Ndorlaben, i ge, i da ndro mu.

¹⁵ Malabo hi derbe, nongen ad Mose i da ndro mu bui, malabo iou da gob momen ge, golnisden ad Ndorlaben i esbui longu adu momen giao sidesi? Bugane,

¹⁶ de danmu bui, ar homo i gob mburer ad hom ndorlaben, i lao dandendegei ad ndorlaben ogo, mu dagara lie, mu lao dandendegei ad homo ar delengamu le nongen ad homo. Mu lao dandendegei le longu momen, i da daii su lao aden, de mu lao dandendegei ad ndorlaben homo, i da bolumiamu.

¹⁷ Iou mugueni Jehova, mahanu mu lao dandendegei le longu momen, malabo mu delengan le nongen ad Ndorlaben Jesu Kristo, dege su gin henunuen mu.

¹⁸ I gin rumburdi mu le longu momen masi, malabo mu lao dandendegei le longu hian ge.

¹⁹ Io da bosoui heb nongen ogo, io hanguruen, danmu longu ogo hian ge, aga longu hendre e hendre, dege i da meher ndro mu le gor ademu. Goru, mandrmu da gin bo mburer momen ge, mu da gin hanguruen longu momen ge, hian, malabo mandrmu i gob mburer hian monen ge mu horuan gleri.

²⁰ Be mu lao dandendegei le longu momen goru, mu de gin bo mburer hian hebsa bui.

²¹ Sehe mburer mu da gin hinen i? Bombulmu i mesi malabo le longu ademu, mu da gin hinen i, mu na gmed leri.

²² Malabo ge, Ndorlaben gin rumburdi mu, mu lao dandendegei ad Jehova. I da hengen le ndro mu, mu da rosan ge, bersi muren mu da mamaren ge sidesi le gor lundielang.

²³ Surian le longu momen aga: Su ndramed na gmed leri. Golnisden ad Jehova i ogoro: I hengen le ndro su, su mamaren ge sidesi le gor ad Jehova, gle ndoui ad Ndorlaben Jesu Kristo.