NONGEN AD APOSTEL PAULUS LE NDRO SU LAO AD JESU BER GOR ROM 2 - Niu Testament 1956 (Manus PNG)

Gus ad Jehova le ndro su Juda.

¹ O ndramed, uo sie, uo da dieni homo, uo gina momen ge, uo da dieni homo le longu momen, ma uo hinen i dege i gin hinen i, gord uo da hinen i le ndro i, gle ndro uo dagara lie, uo da dieni ndramed le longu hendre e hendre uo da hinen i lie.

² Dandu longu hendre, gord ad Jehova i monen ge, le ndro su masigane su da bo longu momen dagara.

³ Uo da hanguruen sa le bergolm, uo ndurndramed, uo da bo gord le ndro su le longu hendre e hendre uo da hinen i lie, uo danem vob le gord ad Jehova derbe?

⁴ Uo da bieni golnsiden ad Jehova, i da belengen uo eluen, uo de danem bui, Jehova i golnisden uo, i ha leng belueni bern adem gle houen?

⁵ Bergolm i ndoun ndoun ge, hanguruen adem i ndoun, gord ad Jehova ir belengen uo, gus aden mandromai, be gord ad Jehova na gmehere.

⁶ I da surien longu asu ndramed masi, ad homo ma homo.

⁷ I hengen le ndro su, su mamaren, su horuan sidesi, su da gin bo longu hian ge, mandrsu de gin berad bui, le bo mburer hian monen ge. Su ha lengi mugueni ad Jehova, su ha lengi, su mamaren ge le gor engerang.

⁸ Gus ad Jehova manden ge ir belengen su, su da bo iil sidesi, delengasu le nongen ad Jehova bui, su da bo mburer momen ge.

⁹ Su gina momen ge, homo ma homo asu, ngendiasu dsoln, nohoasu manden ge, su da bo longu momen. Aga le ndro su Juda, ma le ndro su Grek lie.

¹⁰ Benu ad Jehova ge, engerang aden, ma mugueni aden na gmeher ndro homo ma homo i da bo mburer hian ge, hanu le ndro su Juda, ma le ndro su Grek lie.

¹¹ Jehova de hanguruen mandern ad hom ndramed bui.

¹² Su masi su da gin bo longu momen, de dansu nongen ad Jehova bui, su na glos, su gina momen gane, su ge, nongen ad Jehova i da ndro su, su da bo longu momen, nongen ad Jehova na gdieni su.

¹³ Jehova i da hinen su ge monen, delengasu le nongen aden ge. I de hanguruen su bui, su da hirong nongen aden ge molhe.

¹⁴ Su Haiden, de dansu nongen ad Jehova bui, be su da dogi hian monen ge, dege Jehova i ha lengi i, nongen ad Jehova i da ndro su bui, i da le bergolsu ge.

¹⁵ Be su da dogi monen ge, dege nongen ad Jehova i ha lengi, Jehova gin hondre nongen aden le bergolsu, ngasen i da le bergolsu, hanguruen asu hian, i da bo iil le ngasen momen, le hanguruen asu momen. Ngasen hian, ma ngasen momen i da le bergolsu su bo gord sidesi.

¹⁶ Bersi muren, ar Jehova i gob gord le ndro su ndramed le longu masigane, su da gin gorni le bergolsu, muren dandu, sehe longu i da le borgolsu ndramed. Aga io da gin boharni le ndro su gle ndoui ad Jesu Kristo.

¹⁷ Be uo da hanguruen le bergolm uo homo asu Juda, orgulue meluam, debosan nongen ad Jehova i dege galung uo da medir ri.

¹⁸ Uo danem nongen ad Jehova, uo danem sehe longu i hian, sehe longu i momen.

¹⁹ Uo hanguruen le bergolm, uo danem dulieni su, begmarsu bui le sal hian monen, uo hanguruen, uo sul i da hinganen le gor ndrogmoan.

²⁰ Uo beg henunuen su, dansu hebsa masou, beg henunuen su, su heb ndoa bui, uo ge, uo danem nongen ad Jehova i da le bug adem, su gin hondre gleri, bug ogo i da ndro uo sidesi.

²¹ Uo da henunuen su ndramed, uo de henunuen bergolm ma meluam hebsa bui, uo derbe, be uo da hinen i dagara? Uo da bohernou le ndro su, mbue uo behena ge.

²² Uo bai: I helian mbue sungsou, ma uo bo longu sungsou lie. Uo mbuerem su dirhor le ndro su beld, ma uo hedi memrad asu beld lie, uo behena i.

²³ Uo da mugueni nongen ad Jehova, ma uo boii Jehova gle longu adem momen, uo da bieni nongen ad Jehova leri.

²⁴ Su Haiden boii ngarn ad Jehova, su hal leri gle longu ademu momen mu da gin hinen i, dege homo i da gin hondre dugian:

²⁵ Be su da sindrdi mandrn asu Juda, aga gelman ad Jehova, aga longu hendr hian ge ar uo hinen nongen ad Jehova. Be uo da bieni nongen ad Jehova, gelman ad Ndorlaben i da ndro uo molhege.

²⁶ Be homo asu Haiden i da hinen longu masi dege Jehova i ha lengi i le nongen aden ndangen, gelman ad Jehova i da ndro i bui, Jehova, i ge, i hanguruen hian le aden.

²⁷ Ehe, ar gelman ad Jehova i da ndro homo bui, i da dogi hian monen ge le bormarn ad Jehova, i ogo, i gdieni uo, nongen ad Ndorlaben i da le buk adem, ma gelman ad Ndorlaben i da le mandrm. Meluam ge i gbieni nongen ad Jehova.

²⁸ Ar gelman ad Jehova i da ndro homo, aga i de vonei le ndro hom lao ad Jehova bui, aga gelman molhege su dansu ilndri.

²⁹ Bugane, i ge, i hom Juda, i hom lao ad Jehova hohunan, be gelman ad Jehova i da le bergoln ndangen. Be Jehova gin belueni bern aden gina houen, meluan i rosan ge. Aga gelman hian ge. Meluan Helian gin daui gelman ogo le bergoln. Ndangen su ndramed ge su bamugueni i bui, Jehova, i ge, i gabmugueni hom lao aden dagara.