NONGEN AD APOSTEL PAULUS LE NDRO SU LAO AD JESU BER GOR ROM 13 - Niu Testament 1956 (Manus PNG)

Su Kristen delengasu le Gaverment.

¹ Homo ma homo i delengan le nongen asu ndorlaben ber gor, Jehova i gin daui su le gor, su gobgulue su ndramed, ndangen Jehova gin daui su.

² Ar homo i bo iil le ndro su ndorlaben ber gor, i bo iil le ndro Jehova. Su da bo iil dagara, Jehova i surien longu asu.

³ Su do dogi monen ge, su de noh su labenen bui, su ge, su da bo longu momen. Gob mburer hian ge, boen uo de noh su Ndorlaben, ma gord asu bui, su gabmugueni uo le longu adem hian.

⁴ Su ndorlaben ber gor, su da bogulue su ndramed, su da bo mburer ad Jehova, beg sobani uo, be uo da bo longu momen, ha noh ndoui asu, mordo borla i da le nemen molhe bui. I da bo mburer ad Jehova, i da surien longu momen asu ndramed momen le gord asu.

⁵ Delengam le nongen asu Ndorlaben, aga hian ge, muren uo de noh hebsa bui, uo ghinen i ge, dege ngasem i da le bergolm gin bai.

⁶ Mu gu hengen le ndro su le moni ademu, beg surien heb mburer asu hian, su da hinen i le gor, ndangen, su dege lao ad Jehova.

^7-8 Hengen le ndro su longu asu: Taks le ndro su ndorlaben dege i monen, moni le ndro su labenen, dege i da monen, noh su, su da ndorlaben ber gor, gabmugueni su gle hian, be su gin sobani uo gle memrad asu, hengen mul le ndro su roud, golmugisden homo ma homo, ar homo i golnisden homo, i da gin hinen nongen ad Jehova boen.

⁹ Nongen ad Jehova: Mbue sungsou, mbue rii homo, mbue behena, mbue hangungerou, ma nongen ad Jehova masigane, i da le heb nongen hendre ogo: Golmgisden ndramed i da baghege ndro uo, dege uo voamiso mandrm.

¹⁰ Golnisden ad homo i de bo momen de la ndro ndramed, i da baghege bui, ar homo golnisden su, i da hinen nongen ad Jehova masigane.

¹¹ Hian ghinen longu ogo masigane, hanguruen rang, i da gin me, aga rang hian ge, edne mu da medir ge, rang i da baghege Ndorlaben i beg rumburdi du, i dege mahanu bui.

¹² Lobing baghege gina boen, rang houen beg mehere, hian iou gbieni longu masi momen ber ndrogmoan, iou beg ibdi longu ber rang.

¹³ Hian iou ha dogi monen ge, dege su dogi lorang. Iou gbieni gous adu manden, iou gbieni sungsou, e longu momen, iou gbieni iil e bahun.

¹⁴ Ehe, iou beg ibdi bern ad Ndorlaben Jesu Kristo, iou da beg hanguruen longu le mandru ber boan gle monen ge, debosan hangungerou ir ndounen du.