NONGEN AD APOSTEL PAULUS LE NDRO SU LAO AD JESU BER GOR ROM 12 - Niu Testament 1956 (Manus PNG)

Heb nongen le ndro su ber lodu ad Jesu. Su hengen le ndro Jehova mandrsu, ma ndoui asu.

¹ Mu ndere hian, io ndemani mu, hanguruen gahaloseli ad Jehova manden le bergolmu e dirhor le ndro i mandrmu. Aga dirhor helian, hian, mamaren ge. Jehova i mugueni dirhor dagara. I ha lengi lodu ademu le ndro i dege ogoro.

² Mbue mu dogi dege su ndramed masi ber gor, ha belueni bern ademu, ibdi bern houen, boen danmu, sehe longu i hian, sehe longu i momen, danmu, sehe longu Jehova i ha lengi, danmu hanguruen longu masi hian, longu masi monen ge.

³ Io ha lengi gle ndoui ad Jehova, gle golnisden aden, i da le bergolo, mbue hanguruen hian manden ge le ademu, mu hanguruen longu masi monen le bergolmu, gle ndoui ad Ndorlaben, i da gin boro i, aga memrad ber lang Jehova gin daui le bergoln ad homo ma homo.

⁴ Ida le mandru, ndegen e nemen, begmarn e delengan, hendre e hendre, ndegen i da bo mburer aden, nemen i da bo mburer aden, begmarn i bo mburer aden.

⁵ Iou mabosanged dagara, iou masigane mandrn ad Jesu Kristo. Iou longu hagi e hagi ber mandrn ad Jesu Kristo.

⁶ I gin daui me ndro du mburer heb le ndro homo, ma heb le ndro homo, dege i ha lengi.

⁷ Ar Jehova gin hengen le ndro homo, i danen bohernou hian, i ghinen mburer ogo gle ndoui ad Ndorlaben. Ar homo i danen sobani su ndere le memrad, de gle mburer aden, i ghinen mburer ogo. Ar homo i danen henunuen su hian i ghinen mburer ogo ad hom ndremda henunuen su.

⁸ Ar homo i danen bogulue su, i gob mburer ogo hian, ar homo i sobani su ndramed gle memrad aden, i ghengen le ndro su gmonen ge. Su ndremda bogulue su, su gob mburer asu hian ge, su da bo mburer le golnisden asu, su mugmug ge le mburer asu.

⁹ Golnisden ademu i gmonen ge, mbue bahilou gleri. E bieni longu masi momen, ghanguruen longu hian ge.

¹⁰ Homo i golnisden ndern hian monen ge, homo i mugueni homo monen ge.

¹¹ Mandrmu i de berad bui le mburer hian, gob mburer ad Ndorlaben gle meluamu ndoa.

¹² Gu mugmug ge, ar mu belengeni longu ber muren. Ndrnemu de gus bui le rang ademu momen, mu ha raring ge sidesi.

¹³ Be su lao ad Jehova, su de horuan bui le gor ademu, osbani su. Ha somui su ber gor manan, su da gin meher le um ademu.

¹⁴ Hengen hian ge le ndro su, su da hingismad ademu, hengen hian le ndro su ge, mbue boii su.

¹⁵ Ha mugmug ge, bersi le ndro su, su da mugmug. Ha dang, bersi be su da dang.

¹⁶ Lug benu le ndro su, su da baghege ndro mu. Mbue hanguruen longu manden ge, dege su labenen su ghinen i, hian mu da le molengasu ndramed molhe lie. Mbue hanguruen, danmu longu masigane.

¹⁷ Mbue surien longu momen gle momen. Hanguruen longu hendre e hendre hian ge dege su ndramed mugueni i.

¹⁸ Benu i da ndro mu, lug beno le ndro homo ma homo.

¹⁹ Mu ndere hian, mbue surien longu momen gle momen, ha daui gord le ndro Jehova, gus aden ge i gsurien i, dege su gin hondre goru: Mburer le surian ordo ge, io beg surien longu asu momen, aga nongen ad Jehova.

²⁰ Be ndremda rah adem i mundrul, ghengen le ndro i le gan, be goln i mar, ghengen le ndro i le ndran, be uo da hinen dagara, longu ademu i dege moan le ndro i, i da le borbalen.

²¹ Longu momen de ndounen uo bui, e ndounen longu momen, surien longu momen gle hian ge.