NONGEN AD APOSTEL PAULUS LE NDRO SU LAO AD JESU BER GOR ROM 11 - Niu Testament 1956 (Manus PNG)

Bersi muren Ndorlaben i rumburdi su Israel lie.

¹ Malabo io ndemani: Jehova gin bieni su lao aden gane? Bugane, io homo asu Israel lie, io homo asu ndur Abraham lie, io homo ber um ad Beniamin.

² Bugane Jehova i de gin bieni su lao aden bui, i da gin loh su nandugian gle lao aden, de danmu nongen Helian bui, i da bosoui le Elia: Be i da reng le ndro Jehova le longu asu Israel, i bai:

³ Ndorlaben, su gin daii su Provet adem, su gin ndumbue logna dirhor adem. Io ge, io homo dandon, malabo su ha leng daii io lie.

⁴ Jehova i bode sa le ndro i ie? I bai: Su gamel manondrdilbou su dandon, su de gin godurhu ngondrnegesu de la ndro beld Baal bugane.

⁵ Dagara malabo, su holel dandon, su lao ad Jehova, Jehova i da gin loh su.

⁶ Gle golnisden ad Jesu Kristo ge, gle mburer asu bui. Be su lao ad Jesu gle mburer asu hian, golnisden ad Ndorlaben i molhege ndro su.

⁷ Malabo hi derbe, Israel ha leng ibdi gor lundielang gle asu, su de gin ibdi i bui. Su holel ge asu, Jehova gin loh su leri, su ge, su gin ibdi i. Su mabosanged bergolsu ndoun ndoun.

⁸ Dege su gin hondre goru: Jehova gin daui le ndro su meluan ndoun ndoun, begmarsu dansu lele hebsa bui, delengasu dansu hirong nongen aden bugane, mabenan range.

⁹ David i bai: Geao asu na ge momen le ndro su, su glos, le surien longu asu momen.

¹⁰ Begmarsu na ge momen, debosan su ilndri hian, ndounen su, su godurhu sidesi.

¹¹ Malabo io ndemani i: Su da gin los dagara, Jehova ha lengi su glos dege ogoro? Bugane, Su gin los le rang ogo memrad ber lang gina le ndro su Haiden. Jehova i ha lengi i, be su ilndri memrad ber lang gina le ndro su Haiden, su garbelueni bern asu, su ibdi memrad ber lang le ndro su lie.

¹² Su da gin los dagara, longu asu momen su da gin hangaini Jehova leri, gin sobani su ndramed ber boan, be su holel asu, su da gin boro ndoui ad Ndorlaben, gin bo hian le ndro su Haiden, sehe longu beg meher le ndro su ndramed ber boan, be su masigane ber Israel gmul le ndro Jehova lie.

¹³ Malabo io beg vong le ndro mu Kristen, mahanu mu Haiden ge: Io hom Apostel Jesu Kristo le ndro su Haiden, ma io mugmug le mburer ordo.

¹⁴ Io bo mburer lie le ndro su Juda, su ndere ordo, io ha leng dulieni su holel asu le ndro Jesu lie.

¹⁵ Hangaini asu gin sobani su Haiden ber gor masi, sehe longu na gmehere be su da ibdi bern ad Jesu Kristo, ndangon, meluasu ginmad su gedne lie, su mamaren ge.

¹⁶ Be heb le gan i hian rosan, gan masigane i hian rosan lie. Be ngondrn ad gei i hian helian ge, ndrandran masi ber gei i helian hian lie.

¹⁷ Be su ndrandran holel ber gei gin los ma uo, uo ndrandran molhege ber gei heie, Jehova gin reberengeni uo le gei ogo, malabo uo dege drandran hian ber gei ogo, ngondrn asu i ngondrm lie, sengen asu i sengen adem lie.

¹⁸ Mbue hanguruen, uo hian hanu le su ndrandran ber gei masi ber gei ogo, be uo hanguruen dagara, hian hanguruen longu hendr lie: Ngondrn ber gei i adem bui, uo ndrandran ge ad ngondrn ber gei ogo.

¹⁹ Malabo uo beg bai, ehe, su ndrandran holel gin los, Jehova i ha leng reberengeni io le surien ndrandran i da gina momen ge.

²⁰ Aga i hian, aga ndangen, su da momen ge, de gin boro ndoui ad Ndorlaben bui, su gin los leri. Jehova gin ibdi uo le surien su, su da gin los. Mbue hanguruen momen le bergolm malabo. Hian orgulue meluam.

²¹ Be Jehova i gin sindrdi ndrandran hian ber gei ogo, su da gina momen ge, i ghinen i le ndro uo dagara lie.

²² Hanguruen golnisden ad Ndorlaben, ma gus aden dagara lie, gus aden, i da gina le ndro su, su da gin los, golnisden aden i da ndro uo ge, be uo da ndro Jehova ma golnisden aden, i da le bergolm. Debosan i sindrdi uo lie, dege i gin hinen i le ndro su ndrandran momen.

²³ Jehova i ha leng reberengeni su lie, be su belueni bern asu gle houen. Ndorlaben i ndoa ge le hinen i.

²⁴ Uo ndrandran ber gei momen, molhege, Jehova i gin hedi uo, i gin reberengeni uo le gei hian ge. Ndangen, i danen reberengeni su ndrandran ber gei hian monen ge, le gei asu lie. Su do da ri dege mahanu.

²⁵ Mu ndere hian, io beg boharni le ndro mu longu ogo, debosan mu hanguruen hian ge le ademu. Su mabosanged asu Israel bergolsu ndoun ndoun malabo. Le rang ogo su Haiden su dogi le gor lundielang.

²⁶ Be su gin danoni sal ber gor lundielang, boen Ndorlaben i rumburdi su Israel masi, dege homo gin hondre: Homo beg meher i homo ber Sion i da rumburdi su ber um ad Jakob le longu asu momen masigane.

²⁷ Boen io beg hinen i boen dege io gin bai goru, io beg esbui longu asu momen giao.

²⁸ Ehe, malabo de delengasu le nongen ad Jehova bui, su ndremda rah ad Jehova ge, Ndorlaben i ha leng gahi uomu Haiden. Bersi muren, Jehova i ha somui le asu, su lao aden ber goru. Jehova golnisden su, be i hanguruen su ndurn asu lao ad Jehova.

²⁹ Jehova i gin loh su goru, i de danen bahilou le ndro su bui.

³⁰ Mahanu mu gin bo iil le ndro Jehova ge, de gin hirong nongen aden bui, malabo Jehova be i gin bieni su Israel, su da gin hangaini i i gin ibdi mu gle lao aden, mu asu Haiden ge.

³¹ Su Juda su da gin hangaini Jehova malabo, bersi muren Jehova ibdi gahaloseli le ndro su, dege i gin hinen i le ndro mu dagara lie.

³² Su ndramed masigane ber boan gin los, gin hangaini Jehova ge, malabo i ibdi gahaloseli le ndro su masigane lie.

³³ Sehe golnisden ad Jehova, sehe mburer aden ge, i mandromai ge. Sie danen hanguruen gord aden heb hian monen le bergoln, sie i danen sal ad Ndorlaben?

³⁴ Sie i danen hanguruen ad Ndorlaben, sie gin henunuen i le longu aden?

³⁵ Sie i da gin hengen hebsa le ndro i, sie i danen belengeni surien le heb longu i da gin hengen le ndro Ndorlaben?

³⁶ Ehe, iou aden ge, i gin mengseni du, longu masigane i aden ge. Iou bamugueni i bing si e rang si, sidegesi. Amen.