Mateus 6 - Niu Testament 1956 (Manus PNG)

Jesu i boii bern asu Pharisi.

¹ Hian gobgulue meluamu. Mbue hinen longu hian le bormarsu ndramed, mu lengi su masi su ilndri longu ademu, su gabmugueni mu leri. Be mu bo hian dagara, Damu ber lang i de danen surien longu ademu hian bui.

² Mbue hengen le ndro su gle memrad adem le bormarsu masi. Mbue loholo leri dege su holel asu Pharisi su hinen i le skul asu, le sal asu, le bormarsu ndramed masi. Su ie lengi, su ndramed masi su lele i, su gabmugueni su leri. Ndangen io boi le ndro mu. Surien asu gina boen.

³ Mbue hinen dagara ar mu hengen le ndro su gle memrad ademu. Nemen sengen de danen i bui, she longu nemem gameao gin hengen le ndro homo.

⁴ Gorni memrad adem uo da beg hengen le ndro homo, debosan su ilndri i. Damen le lundielang, i ge, i gin ilndri i, i danen leri, i surien longu adem hian gle memrad ber lang.

Heb nongen le lodu asu.

⁵ Be mu lodu, mbue hinen i dege su Pharisi. Su da lodu le skul asu, su da dendrai, su da raring le sal lie le bormarsu masi. Su ha lengi su masi, su ilndri su, raring asu dagara molhege.

⁶ Be uo lodu, beg raring le ndro Jehova, al le lundieum adem, vadi babi, lodu le ndro Damen le lundieum. Damem i lele uo, i delengan le raring adem, i surien lodu adem gle hian ge.

⁷ Be mu raring, mbue absou nongen mabosanged molhege dege su Haiden masi su hinen i. Su hanguruen, be su bosoui nongen dsoln, be su raring eluen ge, su beld su hirong i.

⁸ Mbue hinen dagara lie. Damu i da lundielang i danen longu masigane mu ie lengi.

⁹ Ar mu raring absoui nongen ogoro: Damu le lundielang, hian su hangurueni, ngarn Jehova Helian.

¹⁰ Gor adem i gmehere, su lao dandendegei adem ber boan, su gob mburer adem, dege su lao dandendegei adem ber lang su hinen i.

¹¹ Eruar u ob gan me anu masi mosen,

¹² Esbui longu adu momen, dogoro io gol de la ri bugane longu momen su hinen ndro io.

¹³ Or gulue du le longu momen. Rumburdi du le longu masi momen.

¹⁴ Ar golmu de la ri bugane longu momen asu su gin hinen ndro mu, Damdu ber lang i hinen i dagara le ndro mu lie.

¹⁵ Ar golmu de ndud longu asu momen, su gin hinen ndro mu, bugane, Damu ber lang de esbui longu ademu momen bugane lie.

Heb nongen le bandri

¹⁶ Ar mu bandri, bormarmu de gosusngo leri bui, dege bormarsu Pharisi, su da lengi, su ndramed masi, su ilndri bandri asu, su gabmugueni su leri. Ndangen io boi le ndro mu: Surien le bandri asu i gina boen le ndro su.

¹⁷ Uo ge, ar uo leng bandri, daui ndrelgei ngohondonreen le borbalem, surhi manderm.

¹⁸ Sie i danen malabo uo da bandri i? Bugane. Damen ge le lang, i ge, i danen ilndri bandri adem i gsurien i le longu ber lang.

Heb nongen le memrad adu.

¹⁹ Mbue ilgi memrad ber boan le goure, ul ma rosd i gieni i, su ndremda behena, su mbuserei um, su behena memrad adem.

²⁰ Memrad adem gle lang, ul e rosd de danen ieni bui, su ndremda behena de dansu mbuserei lundielang bui, su de dansu behena memrad adem bugane.

²¹ Bergolmu e hanguruen ademu i da sidesi baghege le memrad ademu.

²² Begmarm danen lele mandern masi, ar begmarm i horuan, i danen lele hian.

²³ Ar begmarm i med, mandern masi i ndrogum ge. Be sul adem i da ndirem i gina ndrogum uo derbe muren, le ndrogmoan manden ge.

²⁴ Homo i de danen bo mburer le sor ndorlaben marmou bui. Ar ndrnen i irgu le homo i golnisden homo lie, le bergoln i voaniso homo, i mburen homo. Mu dagara lie, danmu bo mburer ad Jehova, ma mburer le memrad molhe ber boan bersi bugane.

Heb nongen le gan e salo.

²⁵ Io boi le ndro mu: Mbue hanguruen sidesi longu le mandrmu ge. Mbue bai: Du gien sa, du gilmui sa, mbue hanguruen salo le mandrmu ge, mandrmu i hian hanu le gan anmu, i hian hanu le salo ademu lie.

²⁶ E lele su ndorgan ber lang, su de lug gan le numen asu bui. Su de daui gan le goure le um asu bugane. Damu ber lang i hengen gan me ansu masi. Mu hian hanu le su dorgan ber lang de bui?

²⁷ Sie ademu i danen daui heb rang gle rang aden, be i da hanguruen leri sidesi, de danen hinen i bui.

²⁸ Desa mu hanguruen sidesi salo ademu ie? E lele nonou ber lonhou i reg derbe. I de bo mburer bui, i de hanguruen salo aden bugane.

²⁹ Ndangen io boi le ndro mu: Salo ad Salomo i hian, hian ge, salo ad nonou, i da lonhou i hian hanu le salo ad Salomo.

^30-31 Be Jehova i hanguruen lomondriu ber lonhou dagara, i da range ge, mo i gina meng, su bieni i le moan, ar Jehova i hengen salo hian le ndro su, i de danen hengen salo de la ndro mu bugane, mu ndramed momen, desa umu danmu boro ndoui ad Jehova bui? Mbue hanguruen, mbue vong: Du gien sa, du gilmui sa, du hedi salo gle oho?

³² Su Haiden masi su hanguruen dagara. Damu le lang i danen longu ademu masigane, i hengen i le ndro mu.

³³ Hian hanguruen hanu memrad masi ber lang, longu ber gor ad Jehova, aga memrad hian ge. Muren longu ogo molhe ber boan i gmeher ndro mu lie.

³⁴ Mbue hanguruen gan anmu ber mo mu da gien sa. Bing si rang si mu ghanguruen gan le rang si ge.