Mateus 3 - Niu Testament 1956 (Manus PNG)

Johanes i bohernou.

^1-2 Le rang ogo Johanes, ndremda surhi su, gin meher, i da le margoba, le gor Juda, i bohernou, i boi: Garbelueni bern ademu gor lundielang i meher, i da baghege malabo.

³ I ogo, Provet Jesaia i gin hondre le aden: Ngasen i da le marboga, i loholo, i boi: Ghinen sal ad Ndorlaben, ghinen sal aden monen.

⁴ Johanes, salo aden i lomon meh, i hosi i le gogei aden. Gan anen i gusiandas e guner.

⁵ Su masi ber Jerusalem, ma su ber Juda, su gor masi, su da baghege ndran Jordan, su hilou le ndro i.

⁶ I gsurhi su le ndran Jordan. Su boharni longu asu momen.

⁷ Ar i gin ilndri su Pharasi mabosanged, ma su Sadusi, su la born ndro i, i vong le ndro su, i bai: Desa umu meher ndro io mundramed momen, mu ndurmoad ge, sie gin henunuen mu danmu vob le gord ad Jehova i da mehere?

⁸ Garbelueni bern ademu, aga mbuegei hian, i da le gei ademu.

⁹ (aga i vonei bern houen). Mbue hanguruen ogoro: Abraham i da damdu, i da ndro du. Ndangen io boi le ndro mu: Jehova i danen ilgi ndurn le ndro Abraham gle bad lie.

¹⁰ Malabo mordo i da le ngondrngei. Gei heie, sengen aden hian bui, Jehova na gsindrdi i, i gbieni le moan.

¹¹ Io surhi mu ge le ndran, e belueni bern ademu gle houen, muren homo i gmeher i ndoa hanu io de vonei bui, io dari sumianegen. I ge i gsurhi mu gle Meluan Helian, ma gle moan.

¹² I hedi baselsil gle nemen, i abseri lobohonum gle rosan ge. Sengen hian i ghurdi me geherong le um aden, gulgon momen, molhege, i gbieni le moan, moan de somad bui.

Johanes i surhi Jesus.

¹³ Boen Jesu i me Galilea, irgai le ndran Jordan, i la ndro Johanes i lengi Johanes na gsurhi i.

¹⁴ Johanes i mburen, i vong, i boi: Io gsurhi uo derbe, hian surhi io hanu.

¹⁵ Jesu i bode: Bisenden, duoro leng hinen long masi, dege Jehova ia lengi. Muren Johanes i somui ri.

¹⁶ Be Johanes gin surhi Jesus boen, Jesu me belengan lie. Malabo lang i reu. Johanes i ilndri Meluam Jehova i me ndro Jesu, dege bal si.

¹⁷ I hirong ngasen ber lang, i da loh, i bai: I ogo, i nduro goloisden i, io mugueni i.