Mateus 24 - Niu Testament 1956 (Manus PNG)

Nongen ad Jesu le longu momen i da beg mehere.

¹ Boen Jesu i bieni um ad Jehova, i gina. Su lao aden su la born ndro i, beg bosilieni i um ad Jehova hian, laben ge.

² I vong le ndro su i bode: Malabo danmu lele um gorbo. Ndangen io boi le ndro mu: Heb eluen bui muren bad maruo de da besbas bui, su ndumbue sumburdi.

³ Boen i lugdo im boan ndre bahali Oliva. Su lao aden, su la ndro i. Be su masi su gin bieni i, su ndemani i, su bai: Abui gme ndro du, gehere longu ogo na gmehere, sehe gelman na gmehere, be uo gmeher le boan lie?

⁴ Jesu i bode: Or gulue meluamu,

⁵ debosan su henunuen mu momen ge, su bosilieni mu sal momen ge.

⁶ Mu gu hirong le bahun asu, ngarnongen gleri i hilou le gor masi. Orgulue mu, mbue mu go noh. Longu masi ogo na gmeher hanu, longu masi de bomud roud masou.

⁷ Gor si i gob iil le ndro gor si, gor hoger manan i gob bahun le ndro su ber hoger manan lie. Song hilou le gor le ndro su ndramed masi, boan i rerr, u nunueie, gor da, ma le gor hoger manan.

⁸ Aga heb gelman i da gmeher hanu.

⁹ Boen su bo momen le ndro mu su gdaii mu, gor ma gor bosanged su irgu le ademu mu da lao dandendegei ordo.

¹⁰ Boen su mabosanged su hangaini io, homo i hevani homo, homo bergoln i irgu le ad homo.

¹¹ Su Provet bahilou ge, su mabosanged, su gmehere, su ghenunuen su ndramed monen ge.

¹² Be longu momen manden i hilou le gor dagara, su lao ordo mabosanged golnisden asu na giao, su ngenda dege mahanu bui, neldun ge.

¹³ Homo ma homo i da ndoa, io rumburdi i le longu momen masi.

¹⁴ Nongen le longu ber lang, le gor ad Jehova, i da hilou le gor masigane boen longu ogo na gmehere.

¹⁵ Ar mu ilndri longu momen i gin me le um ad Jehova dege Daniel gin hondre, i gin boharni leri mahanu,

¹⁶ hanguruen i, mu gvob ge, mu gbieni gor asu Juda, mu vob la bahali manden ge.

¹⁷ Homo i de da lundieum aden bui, mbue gle lundieum, le hur memrad aden.

¹⁸ Homo i da beleng aden, mbue gmul le gor, le bur salo aden.

¹⁹ Su bihin, ndursu i da le ndrnen, ndursu i da le nemesu, su gina momen le rang ogo.

²⁰ Endemani Jehova, ar lengen de ma sal ademu bui, ar sabbath de meher le rang ogo bugane.

²¹ Rang momen mandromai i da ndro su ndramed, longu momen dogoro i de meher masou mabenan range, i de gmeher de la ndro su ndramed dagara bersilie bui.

²² Ar Jehova de sobani mu bui homo ber boan i de heb ndoa le longu ogo masi bugane. Jehova i hinen rang ogo murai ge, debosan su lao aden na glos.

²³ Ar homo i vong le ndro mu: E lele, Kristo gor da, de su bai: Am ogo, Kristo gorbo, mbue hirong nongen asu.

²⁴ Su Kristo bahilou ge, ma su Provet momen ge, su gob gelman manden, su ghinen longu ndoun, su beg seslaini su lao ad Jehova gleri, beg dulieni su sal momen ge.

²⁵ Ha hirong io gin bosoui longu ogo masi le ndro mu. Be su vong le ndro mu:

^26-27 Kristo i da le marboga, mbue hilou le marboga. Be su bai: I da le lundieum gorbo, mbue hirong nongen asu, dege ndremla i da hai, i hilou roud le rai i da hinganen manden, dagara Ndurndramed, ar i gmeher le boan lie.

²⁸ Be numbuen i da lonhou, ndorgan i me i ieni.

²⁹ Longu ogo masi gin me, boen mernal de hinganen bui, vara, i ndrogum ge. Su biri ber lang na glos, ndoui ber belengan na gimbul.

³⁰ Muren su ilndri gelman ad Ndurndramed i da le lang, su ndramed ber gor boan su loholo, su dang, be su ilndri Ndurdramed, i da gmeher le ndoulang ber lang, le ndoui aden manden ge, ma le engerang aden.

³¹ Boen i rendegien su Angelo aden, su bo musik manden ge, su la bur su lao aden ber gub, ber rai, bai hai, ma ber ndolou, ber gor, ma gor bosanged.

³² Mu ilndri vovei, ghanguruen heb longu dohongein ogo: Be loun mahouen i gmeher le ndrandran, danmu, loumandri i da baghege.

³³ Dagara umu ar mu ilndri longu ogo, danmu ndurndramed i da baghege.

³⁴ Ndangen io boi le ndro mu: Su ndramed ber gor ogo su do dandon, longu ogo masi na gmehere.

³⁵ Lang e boan na glos nongen ordo de glos bui, i monen ge sidesi.

³⁶ Hom ndramed ber boan de danen rang, longu ogo beg meher bui, dagara su Angelo ber lang bui, ndurn bugane, Damen ge, i ge, i daneni.

³⁷ Su ndramed, le rang be Ndurndramed na gmehere, su dege su ndramed ber mahanu, ber rang ad Noah lie.

³⁸ Su ghinen i, dege su ber rang ad Noah su gin hinen i, ndran mandromai de gin me le boan masou: Su gin ien, su gin bo gous, su gin ibdi bihin le nambulsu, mabenan rang gin me, Noah i gina le ndol mandromai.

³⁹ Su de gin hanguruen heb longu ogo bui, ndran gin meher, su masi su gin mad. Dagara su ndramed ber rang ad Ndurndramed ber lang.

⁴⁰ Sor gamel marmou sor da le lonhou, ndorlaben i rui homo, homo i dandon.

⁴¹ Sor bihin marmou, sor gob mburer le gan ansor, Ndorlaben i hedi homo, homo i dandon boan.

⁴² Gobgulue meluamu, mu danmu bui gehere Ndorlaben ademu na gmehere.

⁴³ Longu ogo mu danmu hian: Be hom labenen, i danen i gehere ndremda behena beg meher um aden lobing, i de medir bui, irgulue um aden.

⁴⁴ Dagara mu masi, ir belengen Ndurndramed, i da gmeher le rang mu de hanguruen leri bui.

⁴⁵ Hom lao ad ndorlaben hian monen ge, i da oho? I da gob mburer ad ndorlaben hian ge, ir gulue su lao dandendegei ad ndorlaben monen ge, hengen gan ansu sidesi?

⁴⁶ Ar homo i da bo mburer aden monen dagara, i hian ge, ar ndorlaben i gmul, i ilndri mburer aden monen.

⁴⁷ Ndangen io boi le ndro mu: Ir bogulue memrad ad ndorlaben masigane muren.

⁴⁸ Be lao ad Ndorlaben i gob mburer aden momen ge, i da hanguruen le bergoln: Ndorlaben ordo de me masou,

⁴⁹ boen i rii su lao dandendegei aden, i bo gous ge, i ilmui ndrunvain dsoln,

⁵⁰ ndorlaben aden i gmeher roud le ndro i, i de gin hangurueni bugane.

⁵¹ Muren i rii lao aden momen, i surien longu aden momen gle momen i da gu dang, i da undri lehen.