Mateus 22 - Niu Testament 1956 (Manus PNG)

Heb nongen dohongein le gous ad King.

¹ Boen Jesu i bohernou le ndro su heb nongen dohongein lie i bai:

² Gor lundielang i dege hom King i da bo gous manden le ndro ndurn.

³ I rendegien su lao dandendegei aden, su vong le ndro su, su gmeher le gous. Su mburesu.

⁴ Ndorlaben i rendegien su lao dandendegei aden bersilie le ndro su, i vong le ndro su i bai: Bai le ndro su: E lele, io gin sueri gous ordo boen. Io gin dueni su bulmagou, longu masi ber gous. Ama le gous ordo.

⁵ Su de hanguruen nongen ad Ndorlaben bui, su gina le mburer asu, homo i gina le beleng aden, homo i la bah.

⁶ Su holel, su hosi su lao dandendegei ad Ndorlaben, su bo momen le ndro su, boen su daii su.

⁷ Gus ad King manden ge. I rendegien su Polisboi aden, i daii su, moan i dilmui gor asu.

⁸ Muren i vong le ndro su lao dandengei aden: Iou gin dueni gous adu, su ge iou gin ndemani su le gous, su de vonei gous adu bui.

⁹ Malabo mu iao le sal, mu eloh su ndramed masi mu da ilndri.

¹⁰ Su lao aden su iao la sal, su dulieni su masi, su gin ilndri su le sal, su hian ma su momen, la um ber gous. Um i beb le su ndramed.

¹¹ King i la um aden, beg ilndri su ndramed ber gous. I ilndri ndramed homo salo aden ber gous bui.

¹² I vong le ndro i, i boi: Gous ordo; derbe uo gin meher le lundieum ordo salo adem ber gous bui? Ndramed ogo i simge, de vong hebsa bui.

¹³ Boen King i vong le ndro su lao dandendegei aden, e hosi nemen e ndegen, e bieni i le gor ndrogmoan, i da gu dang, i da undri lehen.

¹⁴ Io gin loh su mabosanged, io somui le asu holel ge.

Heb nongen le moni ad Kiab.

¹⁵ Boen su Pharisi su la goure, su vong beg seslaini Jesu, beg dieni na gmed.

¹⁶ Su rendegien su lao asu holel, dagara su lao ad Herodes, su endemani i su bai: Ndorlaben, dandu i nongen adem monen ge, uo henunuen su ndramed le sal lundielang hian ge, uo de hanguruen mandrsu ndramed bui, su labenen de su molhege.

¹⁷ Absou me ndro du, i monen de bui, iou da hengen moni le ndro Sesar?

¹⁸ Jesu i danen hanguruen asu momen, i vong le ndro su, i boi: Desa mu seslaini io ie? Mu ndramed momen ge.

¹⁹ Moni hendre gme ndro io. Su huri moni.

²⁰ I ndemani su: Balen ad sie? Hondre ad sie i dari?

²¹ Su bode: Ad Sesar. Malabo i vong le ndro su: Ghengen le ndro Sesar longu ad Sesar, ghengen le ndro Jehova longu ad Jehova.

²² Be su gin hirong nongen ogo, meluasu i ieb leri, su bieni i.

Heb nongen le ndro su Sadusi.

^23-24 Le rang ogo su Sadusi su la ndro i, su da vong su bai: Su ndramed de dansu ndne le ngad asu bui, su ogo su ndemani i, su boi: Ndorlaben Mose i gin boi: Gamel homo na gmed nambulen i dandon ndurn bui, ndern gamel ibdi naoen ndern le nambulen, i gini ndurn gle surian ndern.

²⁵ Malabo su gamel manondrdilmou su ndern su da le gor adu, ndern hanu i gin ibdi bihin homo le nambulen, i gin mad, ndurn bui, Ndern i hedi bihin ogo le nambulen.

²⁶ Su manondrdilmou homo ma homo, su gin mad, ndursu bui.

²⁷ Boen bihin ogo nambulsu manondrdilmou i gin mad lie.

²⁸ Bihin ogo i nambulen ad sie le gor ad Jehova, be su gedne le ngad asu? Le boan ogo i nambulen asu manondrdilmou.

²⁹ Jesu i bode: Hanguruen ademu momen ge, de danmu Nongen Helian bui, de danmu ndoui ad Ndorlaben Jehova bugane?

³⁰ Be su na gmed, su gedne lie, su de bo bihin bui, su de iosu bui, su dege su Angelo su da gor lundielang.

³¹ Longu hendre lie: Mu de gin ilndri nongen ad Jehova masou, i da vong i da bai:

³² Io Jehova, Ndorlaben ad Abraham, Ndorlaben ad Isaak, e Ndorlaben ad Jakob. Jehova i Ndorlaben asu, su da gin mad boen bugane, i Ndorlaben asu mamaren ge.

³³ Su ndramed masi su da gin hirong i, meluasu i ieb le henunuen aden.

Su Pharasi, su ndemani Jesu lie.

³⁴ Be su Pharisi gin hirong, su Sadusi su gina momen le nongen asu, su la goure.

³⁵ Homo asu, i danen nongen ad Mose hian ge, i seslaini Jesu, i ndemani i, i bai:

³⁶ Ndorlaben, sehe nongen i da Buk Helian, i manden hanu le nongen masi?

³⁷ Jesu i bode: Golmgisden Jehova, Ndorlaben adem, le bergolm gane, gle hanguruen adem gane, gle meluam gane.

³⁸ Aga nongen, i manden hanu.

³⁹ Heb nongen i da muren i dege ogoro: Golmgisden ndramed, i da baghege ndro uo, dege voamiso mandrm.

⁴⁰ Longu marndr ogo, aga i vonei nongen ad Mose, ma nongen asu Provet ber goru masigane.

Jesu i ndemani su heb longu.

⁴¹ Be su Pharisi su la goure, Jesu i ndemani su, i bai:

⁴² Mu hanguruen sa, Messias i ndur ad sie? Su bode: I ndur David.

⁴³ Jesu i bodeie: David i da bosoui i le ndoui ad Meluan Helian: “Ndorlaben,” derbe, be i da vong:

⁴⁴ Ndorlaben i gin vong le ndro Ndorlaben ordo: Im lugdo im logna le nemen sengen ordo, mabenan io ndounen su ndremda rah adem, io daui su baghege ndro uo. Ndegem i hengang gle mandrsu.

⁴⁵ Ar David i bosoui i Ndorlaben, i ndur ad David Derbe?

⁴⁶ Homo de danen vong heb de la ndro i gleri bugane. Su de bieni su de ndemani i bersilie heb nongen bugane.