Mateus 20 - Niu Testament 1956 (Manus PNG)

Heb nongen dohongein le su bo mburer le beleng.

¹ Gor lundielang i dege hom ndorlaben, i gina madourang, beg eloh su ndramed, su gob mburer le beleng aden.

² I gin ilndri su holel, beg hengen le ndro su moni si, aga surien le mburer asu, muren i rendegien su le beleng aden.

³ Mabing, mernal la belengen, i gina lie, i ilndri su holel, su lugdo im logna bah, mburer asu bui.

⁴ I vong le ndro su, i bai: Mu gal beleng ordo lie gob mburer leri, io beg hengen le ndro mu surien monen le mburer ademu.

⁵ Malabo su iao le mburer. Heb eluen bui muren ndorlaben hinen dagara.

⁶ Mernal i mesar, i ilndri su holel, mburer asu bui, i vong le ndro su, i bai: Desa mu de bo mburer bui, hengang ge?

⁷ Su bode: Mburer adu bui, homo de homo de gin loh du le mburer bugane. I vong le ndro su, i bai: Mu gal beleng ordo lie.

⁸ Lobing gin me, ndorlaben ber beleng ogo i vong le ndro bos aden: Eloh su, su da gin bo mburer le beleng, hengen le ndro su surian le mburer asu. Hanu le ndro su, su gin meher muren.

⁹ Su da gin meher, mernal i mesar, su gin hedi moni si le mburer asu.

¹⁰ Su da gin me hanu, be su gin ilndri, moni asu si, su gin me muren, su hanguruen le bergolsu, i hengen le ndro su moni maruo de madolo. Dagara bui. Su lie, gin hedi moni si, homo ma homo.

¹¹ Be su gin hedi moni asu, su bangondrngondr le ad ndorlaben,

¹² su bai: Su da gin me muren, mburer asu heb dsoln bui, uo gin hengen le ndro su dege le ndro du lie, iou da gin bo mburer le rang gane, mernal da ngendehan me ndro du.

¹³ Ndorlaben i vong le ndro homo asu: Gous, io de bo momen de la ndro uo bui, uo gin somui, le moni si de bui?

¹⁴ Hedi moni adem, al le um adem, aga mburer ordo ge, ar io hengen le ndro su dege le ndro uo.

¹⁵ Aga mburer ordo ge de bui? Io dono hinen i, dege io lengi, aga memrad ordo ge. Desa ndrnem i irgu, be uo da ilndri, io bo hian le ndro su.

¹⁶ Dagara su gin me hanu, su la muren, su da gin me muren, su la hanu. Io gin loh su mabosanged, io somui le asu holel ge.

Heb nongen le ngendian ad Jesu.

¹⁷ Jesu beg gobad le gor Jerusalem, i hedi su lao aden masongul e rumou lendi, i vong le ndro su le sal aden.

¹⁸ Iou gobad le gor Jerusalem malabo. Ndurndramed la nemesu ndurhian, e ndremda hernou asu, su gdieni i na gmed.

¹⁹ Su daui i le nemesu Haiden, su boii i, su rii i, su dadhe i le gei, madolo muren i gedne lie.

²⁰ Nanen ndursor Sebedeus i la ndro i, ndursor la born ndro i, i los le boan, i soling le ndro i le longu hendre.

²¹ Jesu ndemani i: Uo ha lengi sa? I bode: Io lengi, uo hengen le ndro sor nduro marmou, homo i lugdo im logna adem le nemem sengen, homo le nemem gameao le gor adem.

²² Jesu i bode: Danmor nongen admor bui, mor ndoun le longu masi momen su ghinen i me ndro mor, dege su ghinen i me ndro io lie? Su bode: Ehe, iou oro ndoa leri.

²³ I bode: Ndangen su ghinen ndro mor, dege su beg hinen me ndro io. Io de dono hengen le ndro mor logna, i da le nemo sengen, ma nemo gameao, bugane. Aga mburer ordo bui, aga mburer ad Bo Domo, i hengen i, dege i lengi.

²⁴ Su masongul, be su gin hirong nongen asoro, ndrnesu i irgu le asoro.

²⁵ Jesu i loh su, i vong le ndro su: Danmu su ndurhian ber boan, su gob iil le ndro su gor, su labenen, su ndounen su ndramed.

²⁶ Io mbure mu dagara lie. Homo i lengi labenen ber gor ordo, i gob mburer ad hom lao.

²⁷ Be homo i lengi hanu le ademu, i hinen mburer ad hom lao dandendegei le ndro mu.

²⁸ Ndurndramed lie i mbueren hom labenen ademu, i gin me le bo mburer, i hengen ndoui aden, beg rumburdi su ndramed mabosanged ri.

JESU LA GOR JERUSALEM, MA MBURER ADEN DARI I regurdueni begmarsor bui.

²⁹ Boen i bieni Jerigo, su ndramed mabosanged su do ndrbon.

^30-31 Sor ndramed marmou, begmarsor bui, sor da mandrgos sal. Su hirong Jesu me dala, su loholo su bai: Ndorlaben golmgisden iouoro, uo ndur David. Su masi su sendraini sor, su boi, sor simge. Sor loholo le ngase ndoun: Ndorlaben, golmgisden iouoro, uo Ndur David.

³² Malabo Jesu de dogi bui, i loh sor, i ndemani sor, i bai: Mor lengi sa?

³³ Sor bode: Ndorlaben iouoro lengi begmardoro i greu.

³⁴ Jesu ibdi gahaloseli le ndro sor, i boro begmarsor, dansor lele hian. Sor ndrbon Jesu le sal aden.