Mateus 17 - Niu Testament 1956 (Manus PNG)

Engerang Jesu ndre bahali.

¹ Bing manono muren Jesu hedi Petrus, Jakobus ma ndern Johanes, i dulieni su ndre bahali manden, su ge.

² I belueni mandrn le bormarsu, bormarn hinganen dege marnal, salo aden i beren gane, hengerang ge.

³ Malabo Mose, sor Elias meher, sor vong le ndro i.

⁴ Petrus i vong le ndro Jesu i bai: Ndorlaben gor ogo i hian ge, be uo lengi io mengseni bandrol madolo, hom adem, hom ad Mose, hom ad Elia.

⁵ I da vong ndon, ndoulang beren i meher, i ndrodhi su. Ngasen si i da ndoulang, i vong, i bai: Aga nduro, goloisden i, io bamugueni i, ha hirong nongen aden.

⁶ Be su lao aden su hirong nongen ogo, su los le boan, su borni bormarsu, su noh manden.

⁷ Malabo Jesu i la ndro su, i boro mandrsu, i vong le ndro su, i bai: Edne, mbue mu go noh.

⁸ Be su lele, su ilndri Jesu ge.

⁹ Be su gina le dogun, Jesu i vong le ndro su: Mbue bosoui longu mu da gin ilndri le ndro homo, mu simge, mabenan Ndurndramed i gedne lie le ngad aden.

¹⁰ Su lao aden su ndemani i: Su ndremda hernou su henunuen su derbe, su da bai, Elia i gmeher hanu.

¹¹ I vong le ndro su i boi: Elia i gmehere ndangen, i ghinen longu masi gmonen.

¹² Io boi le ndro mu: Elia i gin meher boen, su ge, su dansu le aden bui, su gin bo momen le ndro i, dege su lengi. Su gob momen dagara le ndro Ndurndramed.

¹³ Malabo su lao aden, su dansu Jesu gin vong le ad Johanes, ndremda surhi su.

Jesu regurdueni Ndurgamel homo.

¹⁴ Be su gin mul le ndro su ndramed, hom gamel i me ndro i, i los le boan,

¹⁵ i vong le ndro i, i bai: Ndorlaben, golnisden io, ibdi gahaloseli le ndro nduro. Beld i rii i, i gina momen ge, I bieni i le ndran, ma le moan.

¹⁶ Io gin dulieni i le ndro su lao adem, de dansu regurdueni i bui.

¹⁷ Jesu i bode: Bern ademu heb monen bui, danmu boro ndoui ordo heb hian masou, eluen io da le dogromu. Mu hedi ndurgamel me ndro io.

¹⁸ Jesu i boii ngongong, i bieni ndurgamel, i gineao. Ndurgamel i horuan, mamaren ge.

¹⁹ Boen su lao aden su la ndro Jesu, be su ndramed masi gin bieni i, su bai: Desa iou de heb ndoa bui le robuldi ngongong le ndrnen mbunana ogo?

²⁰ I vong le ndro su, i bode: De danmu boro ndoui ordo hian bui. Ndangen io boi le ndro mu: Ar mu boro heb le ndoui ordo mandehege, danmu vong le bahali ogo: Bahali alndi, i glendi. Mu ndoa le longu masigane.

²¹ Ngongong ogo i de bieni hom ndramed roud bui, homo danen robuldi i, be i da raring, be i da bandri.

Heb nongen le ngendian ad Jesu lie.

²² Boen su dogi le gor asu Galilea. Jesu i vong le ndro su: Heb eluen bui muren Ndurndramed i da le nemesu ndramed momen.

²³ Su daii i, bing madolo muren i gedne lie. Su da gin hirong nongen aden, bergolsu gosusngo ri.

Heb nongen le moni.

²⁴ Su gin mul gor Kapernaum, su ndremda moni ber um ad Jehova su ndemani Petrus su bai: Ndorlaben ademu i da hengen moni le um ad Jehova lie, de bui?

²⁵ Petrus i bode: Ehe, i hengen i. Be i gin me le um aden, Jesu i la ndro i, i ndemani i: Simon, uo hanguruen sa, su ndurhian ber boan, sie hengen le ndro su moni? Su ndursu de su lao asu?

²⁶ I bode: Su lao asu. Jesu i bode: Su ndursu de dansu hengen moni de la ndro su bui.

²⁷ Io mbuere su bangondrngondr le adu, al le leng, bieni gao le hur ni, ni homo i da hanu, hedi i, glele bohon, moni si i dari. Hedi i, hengen i le ndro ndremda moni, i vonei le moni ordo ma adem lie.