Markus 16 - Niu Testament 1956 (Manus PNG)

Jesu i dne le ngad aden.

¹ Sabbath asu bomud, Maria Magdalena, Maria hondonreen, be su gilgi le bor salo me ndro Jesu.

² Su me ngaibad mabing ge, mernal gobad.

³ Su vong ie goure su bode: Sie girbei bad le marbongai?

⁴ Su lele su ilndri, bad gineao, bad mandromai.

⁵ Su la lundiengad su ilndri hom ulhou i dari, salo aden beren deluen, meluasu i ieb.

⁶ I boi le asu: Mbue mu go noh! Mu gahi Jesu ber Nasaret su dadhe ir gei: I gin nde gineao. Ogo lognan su gin daui gin me ri.

⁷ Mu gaiu mu gal bai gle ndro su lao aden e Petrus, Jesu le Galilea hanu, mu gal ndro i, gilndri, dege i boi me ndro mu goru.

⁸ Su hilou lendi, su vob ngaibad noh asu soln su rerr. Su de bai de la ndro su bui su noh manden.

Jesu i mbsig le ndro Maria ma le ndro su lao aden.

⁹ Jesu i gin dne mabing ge i me hanu ndro Maria Magdalena, goru i robuldi beld manondrdolo ir ndren.

¹⁰ I bihin i iao i boi le ndro su lao aden su do da ndon su do da dang.

¹¹ Su hirong i Jesu i maren, gin me ndro i, su de hirong nongen aden bui, su bode i bahilou ge.

¹² Muren sor marmou asu sor la gor hoger, Jesu i meher me ndro sor le mandrn hendre lie.

¹³ Sor la ndro su lie sor boharni me ndro su, su de hirong nongen asor ge bugane.

¹⁴ Boen su masongul e homo su mi da gherong le gan ansu, Jesu i me ndro su i boii su, golsu ndoun, su de hirong nongen asu bui su boi su ilndri Jesu i gin dne.

¹⁵ I boi le ndro su: Uomu gal gor masigane, mu ghenunuen su ndramed masi le Nongen Helian.

¹⁶ Su hirong nongen ademu, mu gsurhi su le ndran, su do da hian gane; su de hirong nongen ademu bui su da dieni su, su momen gane.

¹⁷ Jehova ilgi ndoui me ndro su, su hirong nongen aden, su robuldi beld le ngoro, su bohernou le nongen houen,

¹⁸ ndrondrhun i vob ndro su, a su ge ilmui longu dungian su de so mad bui; su daui nemesu ie balsu ndramed iab e beld i rii su, su maren lie.

Jesu i gobad gor lundielang.

¹⁹ Nongen ad Ndorlaben Jesu boen, i voh le lundielang, i lugdo le nemen sengen ad Jehova.

²⁰ Su lao ad Jesu su iao, su la bohernou le gor masigane, Ndorlaben i ndoa le asu, nongen asu ndoun ma gelman ber lang.