Markus 11 - Niu Testament 1956 (Manus PNG)

Jesu dogi le gor Jerusalem.

¹ Su me baghege Jerusalem, me Betvage e Betanien, bahali ge si ngarn Oliva i dandon, i rendegien sor lao aden marmou.

² I boi: Mor gal gor mandehe gorda, mor gal ri mor gal ilndri donki si, ndurn, homo ma de gin lug im donki masou, mor ge dari mor ghedi me ndro io.

³ A hom ge ndemani moro: Mor hisa? Mor bode: Ndorlaben i ie lengi, muren i rendegieni.

⁴ Sor la sor danoni donki i da bersang sal marsel, sor rumburdi i.

⁵ Su holel su da ri su bode: Hisa mor rumburdi donki ogo ie?

⁶ Sor bosou nongen ad Jesu me ndro su, su somui.

⁷ Sor hur donki me ndro Jesu, su daui salo asu le ndren; i lugdo imri.

⁸ Su mabosanged su daui salo asu ir ge sal; su holel su ha sindrdi lougei me le sal.

⁹ Su masi su me hanu, su masi su do muren su loholo su boi: Hosiana, du gabmugueni i, i meher le ngarn Jehova.

¹⁰ Du gabmugueni gor ad damu David a i gme le ngarn Jehova! Hosiana, ber belengan!

¹¹ Jesu gin me Jerusalem le numo lodu asu i ilndri longu masigane, ibia su la Betanien su medir dari e su masongul e rumou.

Jesu boii gei beie, e robuldi su ndremda simsim le numo lodu asu Juda.

¹² Mabing su iao molden Betanien ie mundrul.

¹³ I ilndri vovei heie manan hebe loun mabosanged, i la ri le gahi heb sengen. I me ri lougei ge, heb sengen bui masou.

¹⁴ Jesu i boii vovei, i boi: Mbue hom gieni sengem lie! Su lao aden su hirong i.

¹⁵ Su me Jerusalem; Jesu le numo lodu lie, i robuldi su ndremda simsim ma longu asu i sberi geiao asu ndremda moni, asu ndramed sima bal.

¹⁶ I sendraini su, mbue hom ghedi longu hendre le numo lodu,

¹⁷ i henunuen su i boi: Su de hondre dugian bui, um ad Jehova numo lodu asu gor masigane? Hi derbe mu ghinen i gle lognasu daian ndramed?

¹⁸ E su ndremda dohernou su ndurhian su hirong i, be su garii Jesu. Su noh aden ge, su ndramed masi meluasu i ieb le nongen aden.

¹⁹ Ibia su iao lendi su bien gor.

²⁰ Mabing ge su me sal lie, su ilndri vovei gin meng sumburdi.

²¹ Petrus i hanguruen i, i boi me ndro Jesu: Ndorlaben, ilndri vovei, bihe uo abii, gin meng.

²² Jesu i vong mul lie i boi: Hian mu hanguruen i, Jehova i ndoun.

²³ Ndangen, io boi me ndro mu: Homo i gvong gle ndro bahali ogo i bode: Aiu al ndas, i danen Jehova i ndoundoun, bahali i iao.

²⁴ Io boi me ndro mu: Be mu ge ndemani Jehova gle longu hendre, uomu danmu Jehova i ndoun, i ghengen mu.

²⁵ Ar mu dne mu gvong le ndro Jehova, hian mbue de mu ga hanguruen longu momen asu, boen Damu le lundielang i esbui longu momen ademu lie.

²⁶ Mu ghanguruen longu momen asu, Damu le lundielang hanguruen longu momen ademu, i danen de bieni bui.

Heb nongen le ndro su labenen ber Jerusalem.

²⁷ Su me Jerusalem lie. I da numo lodu asu, su ndurhian su ndremda bohernou su labenen su me ndro Jesu,

²⁸ su ndemani i su bode: Sie ilgi uo gle ndorlaben, uo hinen longu ndoun sidesi?

²⁹ Jesu i boi: Io ge ndemani mu le longu hendre la, mu gvong, boen io gu boi gme ndro mu, ndoui ordo bern erhe.

³⁰ Johanes Ndremda Surhi su, i hom lao ad Jehova de i molhege. Mu gabui gme ndro io.

³¹ Su hanguruen i le bergolsu su bode: Gle iou gabui, Johanes hom lao ad Jehova, Jesu na gbode: Hisa mu de hirong nongen aden bui?

³² Gle iou gabui, i ndramed molhege, iou noh su lao adu, su masi su bode: i lao ad Jehova hohunan.

³³ Su vong me ndro Jesu su boi: Iou dandu i bui. Jesu i boi me ndro su: Uomu danmu bui, io de boharni de me ndro mu bui, sie ilgi io Ndorlaben, io hinen longu ndoun.