Lukas 9 - Niu Testament 1956 (Manus PNG)

Jesu rendegien su lao aden.

¹ Jesu i loh su masongul e rumou le goure, i hengen le ndro su ndoui ber lang, ndoui le robuldi su ngongong, ma le regurdueni su ndramed le iab asu.

^2-3 Boen i rendegien su le gor hoger e hoger, su bohernou le ndro su ndramed, longu ber gor ad Jehova, su gregurdueni su ndramed. I vong le ndro su i bai: Mbue hedi memrad gle sal ademu, ndes bui, ndob bugane, gan bui, moni bugane. Su sab salo hendr ge.

⁴ I bai: Ar mu gmeher le um hom, mu da ndon le um ogo, mbue al le um hom lie.

⁵ Be su ndramed su mburesu ademu, bieni gor asu, mbue de hedi heb memrad asu, su momen ge.

⁶ Su lao aden su dne, la sal, su dogi le gor hoger hoger, su boharni le ndro su longu ber lang, su regurdueni su ndramed lie.

Heb nongen le Herodes.

⁷ Herodes, ndurhian asu, gin hirong le longu ad Jesu, ndrnen i da noh, su holel su gin bai: Aga Johanes, i da gin dne lie le ngad aden.

⁸ Su holel su gin hanguruen: Elia gin meher lie, su holel gin bai: Homo asu Provet ber nandugian gin ndne lie.

⁹ Herodes i bode: Io gin sindrdi balen ad Johanes, aga i sie, i da hinen gelman ndoun dagara? I ha leng ilndri Jesu.

Gelman Jesu le gan.

¹⁰ Su lao ad Jesu, su gin mul, su bosoui le ndro Jesu longu masigane, i hedi su lendi, i la gor hoger ngarn Betsaida, su ge su roh.

¹¹ Su ndramed, be su gin hirong i, Jesu la gor Betsaida, su ndrbon. I de sendraini su bui, i bosoui le ndro su longu ber lang, i regurdueni su, iab i da ndro su.

¹² Mernal baghege beg lol, su lao aden masongul e rumou su la ndro i, su vong le ndro i, su bai: Bai le ndro su ndramed, su gal gor hoger, su gal sim gan, aga marboga ge.

¹³ Jesu i bodeie: Hengeni le gan ansu. Su bode: Suslong malima, ma ni marmou, aga gan anu. Aga i de vonei bui, iou beg sim gan le ansu masi derbe?

¹⁴ Su da gin me goure, su gamel malibou. I vong le ndro su lao aden, mu ghinen i, su lugdo im boan. Ogo malimungul, ogo malimungul.

¹⁵ Su hinen i dege i gin bai.

¹⁶ Boen Jesu i hedi suslong malima, e ni marmou, i dendrai le belengan, i bamugueni Jehova, i iendri suslong, i hengen i le ndro su lao aden, su hur le ndro su masi.

¹⁷ Su masi su ien, mosesu. Boen su nhui nogden, su da dandon le ndob ma ndobsungolerhed.

¹⁸ Bersi muren, Jesu i la marboga, beg lodu, su lao aden su la born ndro i, su ge. I ndemani su, su ndramed su hanguruen sa, io sie?

¹⁹ Su bode: su holel su bai, uo Johanes, Ndremda Surhi su; su holel su bai, uo Elias; su holel su bai, uo hom Provet ber goru, i da gin ndne lie.

²⁰ Malabo i ndemani su: Mu ge, mu de hanguruen sa, io sie? Petrus i vong le ndro i, i bodeie: Uo Kristo, Ndur Jehova, hohunan.

²¹ I sendraini su, mbue su de vong de la ndro homo gleri.

²² Boen i vong le ndro su, su labenen, su ndurhian, ma su ndremda hernou su gob momen le ndro Ndurndramed su bieni i, su ga rii i, madolo muren i gedne lie.

²³ Boen i vong le ndro su masi: Ar homo beg dogi sal ordo, beg ndrbon, i gbieni longu aden masi, i hedi beldigei aden bing si e rang si ie hauen, i ndrbo.

²⁴ Homo i da hanguruen mandern ge, bogulue i sidesi, na glos, homo i da bo mburer ordo, ghengen ndoui aden ndro io, i da horuan mamaren ge.

²⁵ Be hom ndramed i hedi me goure memrad masi ber boan, meluan na glos, i horuan derbe?

²⁶ Homo bombulen i da mesi le nongen ordo, gle ordo, Ndurndramed, bombulen i mesi le aden lie, be i da le engerang aden, le engerang ad Damen, le bormarsu Angelo helian.

²⁷ Ndangen io boi le ndro mu: Su holel gorbo su de somad bui, su ilndri hanu gor lundielang.

Engerang ad Jesu ndre bahali.

²⁸ Manondruo muren Jesu hedi Petrus, Johanes e Jakobus, su gobad ndre bahali si, beg lodu.

²⁹ Be i da raring, mandrn ir belueni, salo aden i beren gane, i hengerang.

³⁰ E lele, sor gamel marmou, sor la born ndro i, aga Mose sor Elia.

³¹ Engerang ber gor lundielang i da ndro sor, sor vong le ndro i le longu masi, i da beg meher ndro i le gor Jerusalem.

³² Petrus, Jakobus e Johanes, su madilmou su medir ge. Be su mamed, su ilndri engerang, ma sor gamel marmou la born ndro Jesu.

³³ Be sor marmou beg dogi, Petrus i vong le ndro Jesu: Ndorlaben, logna gorbo i hian ge. Iou beg mengseni bandrol madiluum, hom le ndro uo, hom le ndro Mose, hom le ndro Elia. I de danen i bui, i abde sa.

³⁴ I da vong ndon, ndoulang ber lang gin me, i ndrodhi su, su no manden, be su da le lundiendoulang.

³⁵ Ngasen si i do meher le ndoulang, i bai: Aga nduro, goloisden i, ghirong nongen aden.

³⁶ Ngasen ogo boen, su ilndri Jesu ge. Su madilmou su de gin bosoui hebsa bugane le ndro homo, le longu su da gin ilndri.

Jesu regurdueni hom ndurgamel.

³⁷ Bing si muren, su bieni bahali, su la ndogun lie. Su ndramed mabosanged so da sohal sal le ndro su.

³⁸ Hom ndramed le dogrosu masi i vong le ndro i, i bai: Ndorlaben, io soling ndro uo, golmgisden nduro i homo ge.

³⁹ E lele, ngongong i rii i, i da loholo ndoun ndoun, i da rosni i, i rui le horo ma le horo, ndorngon i muh, de bieni i bui, ndoui aden masi baghege gina boen.

⁴⁰ Io gin soling ndro su lao adem, su grobuldi ngongong giao, de dansu i bui.

⁴¹ Jesu i bode: Mu ndramed heb monen bui, bern ademu momen ge. Io da ndro mu eluen, gehere mu belueni bern ademu? Dulieni ndurm meher ndro io.

⁴² Mbunana i da le sal, ngongong gin me, gin rosni i ndoun. Jesu i boii ngongong, i regurdueni ndurgamel, boen hengen i mul le ndro damen.

⁴³ Su masi, meluasu i ieb manden ge, be su gin ilndri ndoui ad Jehova mandromai, meluasu masi gin ieb dagara, i vong le ndro su lao aden, i bai:

⁴⁴ Nongen ordo, io beg bosoui malabo le ndro mu, gle delengamu ndangen. Heb eluen bui muren su daui Ndurndramed le nemesu labenen, beg ga rii i,

⁴⁵ de dansu nongen aden bui, de dansu bui, sehe longu Jesu gin hanguruen, su de ndemani i leri bui, su noh.

⁴⁶ Su da gin hanguruen le bergolsu, sie i da hian, i da manden hanu le asu masi.

⁴⁷ Jesu i danen hanguruen asu i da le bergolsu, i hedi mbunana la bage ndro i.

⁴⁸ Boen i vong le ndro su: Be homo ir bogulue mbunana ogo le ngoro, i somui me ordo, homo i da somui me ordo, i da somui le aden ge i gin rendegien io. Be homo i da mandehege le hanguruen aden, i homo manden.

⁴⁹ Malabo Johanes i vong le ndro i, i bai: Ndorlaben, iou gin ilndri homo, i da robuldi su beld le ngarm, sendraini i, homo adu bui, i indrbon sal adem bugane.

⁵⁰ Jesu i bodeie: Mbue sendraini i, homo i de bo iil de la ndro mu bui, i gous ademu.

Jesu i da gor asu Samaria.

⁵¹ Taim gin meher, Jehova beg rui ndurn le belengan, Jesu beg dogi le gor Jerusalem.

⁵² I rendegien su lao aden hanu, su gin meher le gor asu Samaria. Su gahi um hom, Jesu beg medir ri.

⁵³ Su ber gor, su mburesu, be su gin ilndri Jesu beg dogi le gor Jerusalem.

⁵⁴ Su lao aden, Jakobus sor Johanes, sor vong le ndro Jesu: Ndorlaben, be uo lengi, iou vong, moan ber lang na gmener, i dilmui gor asu sumburdi, dege Elias gin hinen i goru.

⁵⁵ I belueni bormarn ndrbon, i sendraini sor, i vong le ndro sor, i bai: Danmor bui, mor mbunana ad sie? Meluan admor i derbe? Ndurndramed i de gin me le boan bui le daii su ndramed, beg rumburdi su.

⁵⁶ Boen su dogi le gor hoger, su dandon le gor.

Heb nongen le ndro su, su beg ndrbon Jesu.

⁵⁷ Boen su dogi le gor manan. Su da le sal, homo i la ndro i, i vong le ndro i, i boi: Io ha dogi la born ndro uo, io ndrbom.

⁵⁸ Jesu i bodeie: Ngai i da ndro su bosel, numen i da ndro su ndorgan ber lang, Ndurndramed heb logna aden bugane, i danen hengang ri.

⁵⁹ I vong le ndro homo lie: Irndrbo, ndramed ogo i bodeie: Ndorlaben io ha dogi hanu, beg doni Bo Domo le ngad, hian somui ri.

⁶⁰ Jesu i bode: Meluasu ginmad, su doni numbuesu le ngad. Uo ge, edne, bohernou le ndro su longu ber gor ad Jehova.

⁶¹ Homo i vong le ndro i, i bai: Ndorlaben, io ndrbom, hanu io beg hilou le um ordo, beg vong gudbai le ndro su, hian somui ri.

⁶² Jesu i vong le ndro i: Homo i da gin hedi mordo le bo mburer, boen i gbieni i, i de vonei gor lundielang bugane.