Lukas 4 - Niu Testament 1956 (Manus PNG)

Sadan seslaini Jesu.

¹ Jesu, beb le Meluan Helian, i bieni Jordan, i mul gor Galilea, boen Meluan Helian i rendegien i le marboga, le bing mahangul. I dogi le horo ma le horo.

² Satan gin me, i seslaini i. Jesu de gin ien heb gan bui. Bing mahangul boen, i mundrul.

³ Satan i vong le ndro i, i boi: Be uo ndurn Jehova, vong gle ndro bad ogo, ir belueni gle gan anem.

⁴ Jesu i vong le ndro i, i bodeie: Nongen Helian i da le Buk ogoro: Ndramed homo de horuan gle gan anen ge bui.

⁵ Boen Satan i dulieni Jesu, sor gobad ndre bahali manden, i bosilieni le ndro i gor masigane ber boan bersi.

⁶ I vong le ndro i, i boi: Io beg hengen le ndro uo memrad masi ber boan aga ordo ge, io dono hengen i le ndro homo ma homo dege io lengi i.

⁷ Ar uo godurhu uo gob lodu ndro io, io beg hengen i le ndro uo.

⁸ Jesu i vong le ndro i, i bodeie: Su gin hondre le Buk Helian: Gob lodu le ndro Jehova, Nborlaben adem, gob mburer le ndro i ge.

⁹ Boen Satan i dulien Jesu, sor la gor Jesusalem, sor gobad ndro um ad Jehova, gle balndo, i vong le ndro i, i bai: Be uo ndur Jehova, gohis gle boan.

¹⁰ Su gin hondre le Buk Helian: I gu rendegien su Angelo aden le ndro uo, su gobgulue uo.

¹¹ Su bordoui uo gle berlalesu, debosan ndegen na glos gle bad.

¹² Jesu i bode: Su gin hondre: Mbue seslaini Jehova, Ndorlaben adem.

¹³ Boen Satan i bieni Jesu, beg meher ndro i bersi muren.

Jesu i da le gor aden Nasaret.

¹⁴ Boen Jesu i mul le gor Galilea, le ndoui ad Meluan Helian. Ngarnongen le aden i hilou le gor masigane.

¹⁵ I henunuen su le numohernou asu, su mugueni i le nongen aden.

¹⁶ I me lie le gor Nasaret, gor ad nanen, i gin menda ri, i gina le numohernou asu le sabbath, aga bern aden sidesi. I dne, beg absou nongen ad Jehova.

¹⁷ Su hengen le ndro i Buk ad Provet Jesaia. I erbei Buk, i ilndri nongen ogoro.

¹⁸ Meluan ad Ndorlaben i da ndro io, i gin daui ndrelgei le borbalo, i gin rendegien io le boharni le ndro su ndramed molhe longu ber lang, su mugmug leri. I gin rendegien io, io bohernou le ndro su, su da kalabus, beg rumburdi su, le ndro su begmarsu bui, begmarsu i greu, su da gina momen ge, su horuan, su mamaren lie.

¹⁹ Aga uru ad Ndorlaben le golnisden aden gle ndro su.

²⁰ I gin daui Buk gle nemen ad lao dandendegei ber um ogo, boen i lugdo im boan begmarsu masi, su da le lundieum, su lele i, su masi belengeni le hernou aden.

²¹ Malabo i vong le ndro su, i bai: Nongen ogo su gin hinen i boen eruar. Longu masigane, delengamu gin hirong leri, i gin me.

²² Su masi, su somuo le nongen aden, meluasu masi i ieb le nongen aden, i da gin bosoui le ndro su, nongen le golnisden ad Jehova. Boen su vong, su bai: Aga ndur Josev, de bui?

²³ I vong le ndro su i bodeie: Mu va vong me ndro io heb nongen ademu i da hilou le gor: Doktor, osbani manderm, longu masigane uo da gin hinen i le gor Kapernaum, ngarnongen gin hilou le ndro du, hian ghinen i le gor adem lie.

²⁴ Boen i vong le ndro su, i bai: Ndangen oi boi le ndro mu, nongen ad Provet homo i molhege le gor aden.

²⁵ Ndangen io boi le ndro mu, su bihinou mabosanged asu Israel le rang ad Elia, be i gin vadi babi ber lang, lengen de gin ndrud bui le uru madolo, ma le vara manono. Song manden gin hilou le gor asu.

²⁶ Jehova de gin rendegien Elia de la hom bihinou asu Israel bui, le ndro bihinou homo ge i da gor Sarepta, i da le horo le gor Sidon.

²⁷ Su ndramed mabosanged mandrsu momen, legen ge, su da le gor Israel, le rang ad Provet Elisa. I de gin regurdueni su bui, homo ge, i gin sobani i aga Naeman, homo asu Siria.

²⁸ Be su gin hirong nongen ogo, su masi su da numohernou, ndrnesu i irgu manden.

²⁹ Su dne su boro i, su rui i le marbohongor ndre bad manden ber bahali, gor asu i do dari, su beg bieni i le dogun.

³⁰ I ge, i gin irgai le dogrosu, gin bieni su, gin dogi le gor manan.

Jesu i da gor Kapernaum.

³¹ Boen Jesu i dogi le gor asu Galilea, Kapernaum, i henunuen su ndramed ber gor le sabbath asu.

³² Meluasu masi i ieb leri. I gin henunuen su le ndoui ad Jehova ber belengan.

³³ Hom gamel i da lundiehernou ngongong le ndrnen, i loholo, i vale, i bai:

³⁴ Ha, uo lengi sa, Jesu ber Nasaret, uo gin me, uo beg ndumbue du, io dono uo sie: Uo ndur Jehova Helian.

³⁵ Jesu i sendraini i, i vong i bai: E simge, e bieni ndramed ogo; ngongong i bieni ndramed le boan, i rosni i, boen i bieni ndramed, gineao, i de danen bo momen de la ndro ndramed ogo bui.

³⁶ Meluasu masi i ieb manden, su vong me goure, sehe nongen aden ndoun, ndoun dagara. Ngongong masi delengan le nongen aden, su gbieni su ndramed.

³⁷ Ngarnongen le longu ogo i hilou le gor masi.

³⁸ Boen i bieni numohernou asu, i iao le um ad Simon. Naloson Simon i da med, i busngad manden, su gin ndemani Jesu, i osbani i.

³⁹ I la ndro i, i godurhu i boii iab aden, iab gin bieni i. Bihin ogo i bieni berle aden, i bo mburer le gan ansu.

⁴⁰ Mernal gin lol, su huri su ndramed iab i da ndro su, su me ndro i. I boro su masi le nemen, i regurdueni su.

⁴¹ Su ngongong mabosanged su da ndrnesu ndramed, su loholo, su vale, su boi: Uo ndur Jehova. I sendraini su, mbue su vong nongen, su dansu Jesu i Mesias.

⁴² Mabing, i dne, i dogi le marboga. Su ndramed su gahi i, s ula ndro i, su beg i dandon, beg hosi i, debosan i bieni gor asu.

⁴³ I vong le ndro su, i bai: Io la ndro su gor masigane, io gobharni le ndro su longu ber lang, Ndorlaben gin rendegien io.

⁴⁴ I bohernou le ndro su Juda masi le numohernou asu.