Lukas 3 - Niu Testament 1956 (Manus PNG)

Bohernou ad Johanes.

¹ Sesar Tiberius, ndurhian asu Rom, i da le logna aden le uru masongul e lima, Pontius Pilatus, i ndorlaben ber gor Judea, Herodes i ndurhian ber Galilea, ndern Philipus ndurhian ber Idurea e Dragonidis, Lisias ndurhian ber Abilene.

² Hanas sor Kaivas sor ndurhian ber gor Jerusalem, le rang ogo. Nongen ad Jehova gin meher ndro Johanes, ndur Sagarias, i da marboga.

³ I dogi le gor hoger e hoger, i bohernou le ndro su le longu ber lang, su garbelueni bern asu, boen Ndorlaben i esbui longu asu momen giao. Boen beg surhi su.

⁴ Dege Provet Jesaia gin hondre dugian: Ngasen i da marboga, i da loholo i bai: Hinen sal ad Ndorlaben gmonen.

⁵ Dogun e bahali, i da le sal aden giao, sal aden gmonen gane.

⁶ Su ndramed masigane su gilndri longu ber lang.

⁷ I vong le ndro su ndramed, su da gin dogi le ndro i, su beg i surhi su, nongen ogoro: Mu ndurmoad, sie gin henunuen mu, mu ndoa le vob le gord ad Jehova?

⁸ Ghinen mburer ademu monen ge, garbelueni bern ademu. Mbue hanguruen le bergolmu, gonan, Abraham i damdu. Io vong le ndro mu: Jehova i danen ilgi le ad Abraham ndurn gle bad ogo.

⁹ Malabo mordo i da le ngondrn gei. Gei heie e heie, sengen aden momen, su gsindrdi i giao, su gbieni i le moan.

¹⁰ Malabo su ndramed su ndemani i: Iou gob sa malabo?

¹¹ I vong le ndro su i bodeie: Salo adem maruo, hengen le ndro i salo si be salo aden bui. Dagara le gan anmu.

^12-13 Su ndremda moni, su gin meher, su beg i surhi su, su ndemani i: Ndorlaben iou gob sa? I bodeie: Mbue behena, ghedi moni asu monen ge. Su polisboi,

¹⁴ su la ndro i, su ndemani i: Iou gob sa ie? I bode: Mbue ndounen homo, mbue behena, moni ad Kiap i vonei gle ndro mu.

¹⁵ Su ndramed masi, su da gin hanguruen le bergolsu, Johanes i sie, i Mesias de bui.

¹⁶ Johanes i vong le ndro su masi, i bai: Io surhi mu ge le ndran, homo na gmeher i ndoa ge hanu me ordo, io de vonei i bui, io dari sumianegen giao, i ogo i gsurhi mu gle Meluan, ma gle moan.

¹⁷ Vag i da le nemen i ghinen giras lobohonum. I hedi gorn hian gle um, gohugulum i gbieni i le moan manden, moan de somad bui.

¹⁸ I da gin henunuen su dagara, ma i bosou le ndro su longu hendre e hendre ber gor lundielang.

¹⁹ Ndurhian Herodes i da gin hinen longu momen mabosanged, Johanes i vong ndoun le ndro i manua Herodias nambulen ad ndern Philipus, i gin ibdi i le nambulen.

²⁰ Herodes i hinen longu momen manden lie, i gin daui Johanes le kalabus.

Johanes surhi Jesu.

²¹ Bersi muren, be Johanes gin surhi su ndramed, i gin surhi Jesu lie. Be i gin surhi i boen. Jesu i raring, lundielang i deh.

²² Meluan Helian i voh dege bal si, i la ndro Jesu. Ngasen si i da lang, i vong i bai: Uo nduro, goloisden uo. Vooiso adem ge.

Ngarsu damen ad Jesu.

²³ Jesu ogo be i gin henunuen su uru aden madilingul, i ndur Josev, su gin hanguruen,

²⁴ Josev i ndur Eli, i ndur Madas, i ndur Levi, i Melgi, i ndur Janai, i ndur Josev,

²⁵ ndur Madadias, i ndur Amos, i ndur Nahum,

²⁶ i ndur Esli, i ndur Nagai, i ndur Maad, i ndur Madad ias, i ndur Semein, i ndur Josev, i ndur Joda,

²⁷ i ndur Joganan, i ndur Resa, i ndur Serubabel, indur Sealdiel, i ndur Neri,

²⁸ i ndur Melgi, i ndur Adi, i ndur Rosam, i ndur Elmodam, i ndur Er,

²⁹ i ndur Josua, i ndur Elieser, i ndur Eliakim,

³⁰ i ndur Melea, i ndur Mena, Simeon, i ndur Juda, i ndur Josev, i ndur Jonam, i nudur Eliakim,

³¹ i ndur Melea, i ndur Mena, i ndur Matata, i ndur Natan, i ndur David,

³² i ndur Isai, i ndur Jobed, i ndur Boas, i ndur Sela, i ndur Nason,

³³ i ndur Aminadab, i ndur Admin, i ndur Arni, i ndur Hesron, i ndur Peres, i ndur Juda,

³⁴ i ndur Jakob, i ndur Isaak, i ndur Abraham, i ndur Tarah, i ndur Nahor,

³⁵ i ndur Serug, i ndur Regu, i ndur Peleg, i ndur Eber, i ndur Selah,

³⁶ i ndur Kenan, i ndur Arbagsad, i ndur Sem, i ndur Noah, i ndur Lameg,

³⁷ i ndur Metusala, i ndur Henog, i ndur Jared, i ndur Mahalalel, i ndur Kenan,

³⁸ i ndur Enos, i ndur Set, i ndur Adam, Adam homo ad Jehova.