Hebru 7 - Niu Testament 1956 (Manus PNG)

Jesu i Ndurhian asu Prister masi.

¹ Melgisedek ogo, aga King ber Salem, aga Prister ad Jehova ber belengan, i sohal sal le ndro Abraham, be i gin bo bahun le ndro su King, i hengen le ndro i.

² Abraham gin hengen le ndro i heb ber memrad aden masigane i gin hedi le bahun. Melgisedek ogo, ngarn aden i vonei King hian monen ge, ngarn Melgisedek i vonei: King ber benu.

³ Melgisedek damen bui, nanen bui, i ber um hom bugane, rang aden bui, i na gmed bugane, i dege Ndur Jehova ndangen, i Prister ad Jehova sidegesi.

⁴ Ghanguruen i, ndramed ogo i hi derbe, gamel ogo i sie, be Abraham Damdu ber goru gin hengen le ndro i heb gle memrad aden masigane, gle memrad aden hian ge.

⁵ Jehova ha lengi, su ndur Levi su da bo mburer ad Ndorlaben le dohor le ndro i, su ghedi heb ber memrad asu ndramed, dege i gin hondre ri. Su ghedi heb le memrad asu ndern, su ndur ad Abraham ge.

⁶ Melgisedek i ber um ad Abraham bui, i da le gor aden bugane, i gin hedi memrad ad Abraham, Jehova gin hengen le ndro i, boen i gin hengen le ndro Abraham.

⁷ Dandu hom labenen i ghengen dagara le ndro hom lao aden ge.

⁸ Su ber boan molhege, su ibdi heb ber memrad asu, malabo iou hirong i, homo gin ibdi i, i de somad bui i da mamaren ge.

⁹ Be Abraham gin hengen le ndro Melgisedek, aga i vonei su ndur Levi, su Prister ad Jehova, su ber um ad Abraham, su lie gin hengen le ndro Melgisedek.

¹⁰ Su ndur Levi su da le boan masou, su da le mandrn ad Abraham ge be Melgisedek gin sohal sal le ndro Abraham.

¹¹ Be mburer asu ndur Levi, aga mburer asu Prister i monen gane, desa Jehova i hanguruen hom Prister i ber lain ad Levi bui, i le bern ad Melgisedek, desa Jehova hanguruen hom Prister le bern ad Aron bugane ie?

¹² Be Jehova i de somui le mburer asu Prister bui, i ha leng daui mburer si lie le ndro su ndramed.

¹³ Dandu, Melgisedek i ber um ad Abraham bui, i de gin bo mburer dege su ndur Levi bugane.

¹⁴ Dandu, Ndorlaben adu i ber Juda. Mose i de gin vong heb le mburer asu Juda bugane, su gibdi mburer asu Prister.

¹⁵ Malabo dandu i, be Jehova i ha lengi, hom Prister i ber um ad Levi bui, i dege Melgisedek,

¹⁶ mburer ogo aden, i dege mburer asu Prister ber Levi bugane. I homo i de somad bui dege su Prister, i mamaren sidegesi.

¹⁷ Su vong le aden: Uo Prister sidegesi le bern ad Melgisedek.

¹⁸ Mburer asu Prister ber um ad Levi gina molhege, be Jehova i ha lengi mburer ad Prister i dege Melgisedek.

¹⁹ Dandu lo sagen Jehova i da gin daui le nemen ad Mose, i de gin hinen mburer hian monen gane le ndro su ndramed bui, i ha leng hengen me ndro du longu hian ber lang, iou ha belengeni i, dandu hilou le ndro Jehova ge.

²⁰ Su Prister ber um ad Levi su gin ibdi mburer asu, le nemen asu damen.

²¹ I ogo, i gin ibdi mburer ad hom Prister gle nongen ad Jehova, i da gin daui nemen le belengan, i gin bai: Ndorlaben gin daui nemen le belengan, nongen aden i ndangen ge, be i gin bai: Uo Prister sidegesi.

²² Dandu malabo, mburer ad Jesu i hian hanu le mburer asu Prister.

²³ Dandu, su Prister dsoln su gin bo mburer le dohor le ndro Jehova, homo ginmad, homo ibdi mburer aden lie, su Prister sidegesi bui.

²⁴ I ogo, i homo ge, i de somad bui, i Prister ad Jehova sidegesi, homo de ibdi mburer aden bui.

²⁵ I ndoa le sobani su, su da meher ndro Jehova le ngarn aden, i danen bolumiasu, i de somad bui, i do da sidesi, i danen soling ndro Jehova, i osbani su, i hanguruen su.

²⁶ Aga i Ndurhian asu Prister hian monen ge, aga Prister adu, i da helian ge. Heb longu aden momen bui, i rosan ge, i de heb segdan bugane, i da le molengasu ndramed momen bui, logna aden i da le belengan ge.

²⁷ I de hinen i dege su ndurhian asu Prister ber boan bui, i de dohor bing si e rang si le surien longu aden momen bui, dege su Prister su hinen i, boen dansu dohor le surien longu asu ndramed momen. I gin dohor bersi ge, i gin dohor mandrn aden le surian.

²⁸ Nongen ad Jehova, Mose i da gin hondre, i loh su ndurhian asu Prister ber boan ge, su ndramed ge su heb ndoa bui. Nongen ad Jehova, be i gin daui nemen le belengan, i gin hinen Ndurn le Ndurhian asu Prister, i do da sidegesi.