Hebru 6 - Niu Testament 1956 (Manus PNG)

Mbue bieni sal monen.

¹ Iou de bosoui longu ber lang dege mu gin hirong i goru bui, iou ha leng boharni le ndro mu longu hendre e hendre houen. Iou mbueren vong le ndro mu longu le belueni bern sagen, le ibdi bern houen, longu le bo mburer hian, de longu le boro ndoui ad Jehova.

² Io mbueren henunuen mu bersilie nongen le surhi su le ndran, longu le daui nemen gle borbalsu, longu ber gor lundielang, ma longu ber moan manden.

³ Ehe, iou leng boharni le ndro mu longu hendre e hendre houen, be Jehova i sobani du.

⁴ Be su holel sul ber lang gin hinganen le bergolsu, be su gin ien gan ber lang, be su gin ibdi Meluan Helian le bergolsu.

⁵ Be nongen ad Jehova hian gina le bergolsu, ndoui ad Jehova ber lang le meluasu,

⁶ muren su gbieni Jehova, su hangaini i, de dansu belueni bern asu bersilie bui. Su gin dadhe Ndur Jehova bersilie, su gin rodi i lie.

⁷ Be beleng hasel gin ien lengen ber lang bersi e bersilie, su daui gan la, sengen asu ndramed na gmeher, dege Jehova i hengen le ndro su.

⁸ Be barvas e lomondriu molhege i reg le beleng, i momen ge i lugdo molhege, su de mugueni i bui, moan i dilmui barvas e lomondriu.

⁹ Mu ndere hian, dandu i, mu dege ogoro bui.

¹⁰ Dandu i, Jehova de hanguruen momen le ademu bui, goln gin dud mburer ademu ma golnisden ademu bugane, i hanguruen mburer ademu masi le ndro su lao aden helian, mu da gin hinen i le ngarn aden goru dagara malabo lie.

¹¹ Iou ha lengi, homo ma homo i gob mburer malabo dege i gin hinen i goru, i gboro ndoui ad Jehova sidegesi.

¹² Debosan mandrmu i berad, io ha lengi, mu ndrbon sal asu, su da gin boro ndoui ad Ndorlaben, su da gin belengeni memrad ber lang, su gin ibdi i le gor lundielang.

¹³ Be Jehova gin vong le ndro Abraham, i beg hengen le ndro i, i gin daui nemen le belengan,

¹⁴ i gin bai: Ndangen io beg hengen le ndro uo gle bulhe su ndurm mabosanged ge.

¹⁵ Abraham gin hirong nongen ogo, ir belengeni Jehova, boen i gin ibdi i.

¹⁶ Su ndramed ber boan, be su daui nemesu le belengan, su vong ndangen beld, de ndangen Jehova, de ndangen le belengan, su ha leng vong le ndro su ndramed, nongen asu i ndangen ge.

¹⁷ Jehova be i gin vong le aden le longu hendre e hendre ber lang i beg vong, nongen aden i ndangen, i gin daui nemen le belengan.

¹⁸ Maberuo Jehova gin vong leri, dandu i de bahilou le nongen aden bugane, i ha leng sobani du, iou ghilou le ndro i ge, iou gboro ndoui aden ge. Iou ha belengern i.

¹⁹ Longu ber lang, iou ha belengen i, iou ghanguruen leri sidesi, aga i dege anker, homo i bieni i le ndas, debosan ndol na ge lol. Iou boro longu hian ber lang ir belengen du le gor lundielang.

²⁰ Jesu i gina le gor lundielang, i hanu le asu lao aden masigane, i Ndurhian asu Prister, bern aden i bern Melgisedek sidegesi.