Hebru 5 - Niu Testament 1956 (Manus PNG)

Kristo i hanu le ad Prister Aron.

¹ Homo ma homo asu Prister i hom ndramed ber boan, su loh i le ndurhian asu Prister, i gob mburer ad Jehova, i dohor le ndro Ndorlaben gan ansu, le surien longu asu momen.

² I danen bern asu ndramed, i danen, ndoui asu hebsa bui, i de dieni su ndoun bui, i danen, bergoln e hanguruen aden dege hanguruen asu.

³ I dohor le ndro Ndorlaben le surien longu asu, hanu i dohor le surien longu aden momen, i da gin hinen i.

⁴ Homo de danen ibdi mburer le dohor le ndro Jehova gle molhe bui, Jehova i eloh i, dege i gin loh Aron goru, i ha lengi i dohor le ndro i.

⁵ Kristo dagara lie i de gin ibdi mburer ogo gle molhe bui, i ge, i gin hinen i le ndurhian asu Prister, i da gin vong goru: Uo Nduro, io gin ilgi uo range.

⁶ I ogo, i boharni bersi, i bai: Uo Prister ordo sidegesi, bern adem i bern ad Melgisedek.

⁷ Be i da le boan, i gin soling ndro Jehova, i gin ndemani i, i gin reng le bormarn, i gin loholo, i ha lengi, Ndorlaben i rumburdi i le longu momen, debosan i gmad. I gin somui le soling aden i gin rumburdi i, i de noh hebsa bui.

⁸ I Ndur Jehova, i delengan le nongen ad Damen, i gin ibdi ngendian dege Jehova i ha lengi.

⁹ Be i gin hinen mburer aden boen sumburdi, i danen rumburdi su, su da delengan le nongen aden.

¹⁰ Aga i ge, Jehova i bosoui: Ndurhian asu Prister le bern ad Melgisedek.

¹¹ Longu hendre e hendre i dandon, iou ha leng boharni i le ndro mu. Aga i beruan, de danmu boro i heb hian masou.

¹² Nongen aden i da le molengamu, le kristmas dsoln, be mu gin hirong nongen aden monen ge, danmu henunuen su le nongen ogo, su de gin hirong nongen masou. Danmu dege ogoro bui, sidegesi iou ghenunuen mu longu hendre e hendre ber lang, mu gin hirong i goru. Mu dege su mamemei, su da ilmui sus, de dansu ien gan ndoun bui.

¹³ Homo ma homo i da ilmui sus ad nanen, aga hom mamemei ge, i de danen heb nongen hian masou.

¹⁴ Su ge, su da gin menda, su ulhou, su ien gan ndoun, dansu hanguruen longu masi monen ge, longu hian de i longu momen.