Hebru 2 - Niu Testament 1956 (Manus PNG)

Somui le nongen ad Kristo.

¹ Hian delengadu le nongen, iou da gin hirong i, debosan iou gbieni i.

² Be nongen asu Angelo, su da gin vong le ngarn ad Ndorlaben, i ndangen ge, homo ma homo i de delengan le nongen asu bui, Ndorlaben gin surien su gle momen, su de gin hirong nongen asu bugane.

³ Sehe surien ir belengen du, be delengadu le nongen aden bugane. Ndorlaben i ge, i gin boharni me ndro du longu ber belengan, su da gin hirong i, su gin boharni i me ndro du monen ge.

⁴ Jehova i gin ha somui le bohernou asu, i gin hinen gelman ber lang, e longu ndoun le nemesu. I gin hengen ndoui aden le ndro su, ma Meluan Helian le ndro su, dege i ha lengi.

Le mburer ad Kristo su ndramed su hanu le asu Angelo lie.

⁵ I de gin daui longu ber gor i da gmeher muren, iou da vong leri, gle nemesu Angelo bui.

⁶ Homo i gin boharni bersi goru: Ndramed ber boan i sie, uo hanguruen i, Ndurndramed i hi derbe, uo danem le aden?

⁷ Uo gin hinen su Angelo le ndorlaben aden, le rang murai ge, heb eluen bui muren, uo daui engerang adem mugueni adem gle ndro i.

⁸ Longu masigane uo gin hengen le ndro i, uo gin daui i gle ndegen aden, uo gin hinen i le Ndorlaben ber longu masigane nemem gin hinen i. Be i vong, i gin daui longu masigane behendra ndegen, aga i vonei longu masigane ber boan e ber lang aga aden ge. Malabo dandu ilndri masou, longu masi delengan le nongen aden ge.

⁹ Iou ilndri i ge, i da gin meher le boan, i dege hom ndramed molhege, dege su Angelo ber lang bugane, aga Jesu, i da ginmad goru, malabo i da le engerang ad Jehova, le logna ad King. Jehova ha lengi, i danen su ndramed ber boan su hi derbe be su na gmed.

¹⁰ I ge, i da gin ilgi longu masigane gle ndoui aden ge, le ngarn aden, i da gin dulieni su mbunana aden mabosanged le gor aden engerang i da gin bolumiasu, gin ibdi ngendian ber boan, Jehova gin ha somui ri.

¹¹ Sor marmou, i ge, i da bolumiadu, ma iou masi delengadu le nongen aden, Damen aden i bersi, aga Damen aden lie. Bombulen i de mesi le adu bui, i ha bosoui du su ndere aden.

¹² I vong, i bai: Io ha leng bohernou ngarm le ndro su ndere ordo, io ha leng bamugueni uo le molengasu lao adem.

¹³ Bersi i vong i bai: Io ha leng belengeni aden ge. Ma bersilie: E lele, io gorbo, ma su ndurn ordo, Jehova gin hengen me ndro io.

¹⁴ Su ndurn gin ibdi ndrai e mandrn ad Damen, dagara i gin ibdi mandrsu ndramed. I ha leng hedi ndoui aden giao, i da rii su ndramed, su na gmed: Aga beld Satan.

¹⁵ I ha leng rumburdi su masi le kalabus asu, su masi, Satan gin hosi su, su da gina momen ge, su na gmed le longu asu momen.

¹⁶ I de gin ibdi gahaloseli le ndro su Angelo bui, ibdi gahaloseli le ndro su ndurn ad Abraham.

¹⁷ I gin ibdi longu masigane asu ndern aden, be i gin meher le boan, malabo i danen su ber boan, i danen ibdi gahaloseli le ndro su, i ha surien longu asu momen le bormarn ad Jehova.

¹⁸ Beld Satan gin seslaini i be da le boan, malabo i danen sobani su ber boan, beld Satan i seslaini su lie.