Evesus 4 - Niu Testament 1956 (Manus PNG)

Paulus i ndemani su Evesus, su dogi monen le bormarn ad Jehova.

¹ Hian, io soling ndro mu, io homo i da le kalabus le mburer ad Ndorlaben, irgai monen, dege su lao ad Jehova su ghinen i, Ndorlaben gin loh mu gleri.

² Mbue hanguruen manden le ademu, ir belengen su, su heb ndoa bui, mbue ndoun ndro su, homo golnisden homo, homo i sobani homo.

³ Benu ge i da le molengamu, ghanguruen bersi ge gle Meluan Helian.

⁴ Mu masi, mu dege mandrn ad homo, mu dege meluan ad homo ge. Ndorlaben gin loh mu gle gor lundielang si ge.

⁵ Jehova i ndorlaben homo ge, dandu boro ndoui ad homo ge, surhi aga gelman ad homo ge.

⁶ Jehova i Damen adu masi, i homo ge, i da Ndorlaben le asu masigane, i da le bergolsu masi, su masi su bo mburer aden ge.

⁷ Kristus gin hengen me ndro du masi gle memrad ber lang, longu hendre le ndro homo, longu hendre gle ndro homo, i gin hengen me ndro du, dege i ha lengi.

⁸ Dege homo gin hondre goru: I gin gobad le belengan, i gin hosi su, gin rui su, i gin hengen le ndro su ndramed le memrad ber lang.

⁹ Aga i vonei sa, i gobad le belengan? Aga i vonei, hanu i gina le ndogun le gor, i da le ngai eluen.

¹⁰ I ge, i gina le ndogun, i gin gobad le gor lundielang muren, i vonei gor ma gor bosanged.

¹¹ I ge, i gin hinen su holel le Apostel aden, su holel gle su Provet aden, su holel le su ndremda hernou aden, su holel dansu bogulue bergolsu ndramed, su holel dansu henunuen su gle hian.

¹² I gin hengen dagara le ndro su lao aden, i ha lengi i, su lao aden helian dansu bo mburer le lodu asu lao aden hian monen ge. Dansu henunuen su monen, su gu mengseni mandrn ad Kristo gleri.

¹³ Bersi muren iou da gin boro ndoui ad Ndorlaben bersi ge, iou gle ndro i, dandu Ndur Jehova hian monen ge, boen iou ndoa dege su hian, iou gin menda gle ndoui ad Kristo.

¹⁴ I mbueren iou dege su mamemei, de iou dege su mbunana su da heb ndoa bui. I mbueren be su henunuen du gle momen be su bahilou le ndro du gle henunuen asu, iou ghirong nongen asu, iou ndoa le ndro su bui. I mbueren iou dege noui ber ndas, hai i buldi i, i hilou le horo, ma le horo.

¹⁵ I ha lengi i, iou gmenda gle henunuen adu monen ge, iou gmenda le golnisden adu, iou gmenda le ndoui ad Kristo, i balen ber mandrn.

¹⁶ Iou masi iou dege heb gle mandrn aden homo ma homo i dege nemen hagi de ndegen hagi, mandrn hagi e hagi i da bo mburer, dege mandrn i menda, iou gmenda le golnisden aden.

¹⁷ Io beg vong le ndro mu, io beg soling le ndro mu le ngarn ad Ndorlaben: Mbue dogi dege su Haiden, su da hanguruen longu hendre e hendre ber sengen asu.

¹⁸ De dansu Jehova bui, hanguruen asu gina ndrogum, bergolsu i ndoun ndoun ge.

¹⁹ De dansu bui, sehe longu i hian, sehe longu i momen. Su bo longu le sungsou hendre e hendre, su hedi moni gleri.

²⁰ Io gin henunuen mu bern ad Kristo ge, i dege bern asu Haiden bui.

²¹ Mu gin hirong i, su gin henunuen mu leri bern ad Jesu i hi derbe.

²² Mu de dogi malabo dege mu gin dogi mahanu bui, mu gin bieni longu masi sagen ber goru, mu gin daii ndramed sagen ber goru, i da gin bahilou ndro mu sidesi.

²³ Mu gin ibdi bern houen, meluan rosan ge.

²⁴ Hian, mu ibdi bern ad ndramed houen, i sameluan ad Jehova, i dogi monen ge, i da gina rosan ge.

²⁵ E bieni bahilou ademu, ha vong ge monen, hom le ndro homo, ghanguruen i, mu ndere.

²⁶ Ar ndrnemu i mah, mbue bo longu momen. Gus ademu i da ge ndro mu bui, ar mernal gin glol.

²⁷ Heb logna ad Satan le bergolmu bugane.

²⁸ Ar homo gin behena, i de behena bersilie bui, i gob mburer gle nemen aden hian monen ge, boen i danen hengen le ndro su, su da mundrul.

²⁹ Mbue absou nongen molhege, de nongen momen ge, hian absou nongen hian ge, le longu hendre e hendre i danen sobani su, i danen bo hian le ndro su, su hirong i.

³⁰ Mbue hinen longu hendre e hendre momen, Meluan Helian ad Jehova i irgu gleri, i ge, i da le bergolmu i gobgulue mu, gle rang ad Ndorlaben, i da gmehere bersi muren.

³¹ E bieni gus, e iil, e bieni nongen momen, mbue rodi, mbue boii, e bieni longu masi momen, e bern momen.

³² Hian, homo i hanguruen homo, homo golnisden homo, golmu i ndud longu hendre e hendre, su gin hinen ndro mu, dege Jehova goin i rud longu masi adu le ngarn ad Kristo.