Evesus 2 - Niu Testament 1956 (Manus PNG)

Jehova hinen su ndramed momen horuan.

¹ I gin hingeni mu, mu da ginmad le longu ademu momen, mu da gin hinen i.

² Mu gin dogi sal momen ge, dege su ber gor boan, mu gin hinen longu asu Ndorlaben ber boan ogo, delengamu le ngasen ad meluan momen dege su ber boan ogo.

³ Iou gin dogi le molengasu lie, iou gin hangungerou hendre e hendre ber sengen adu, iou gin ha somui le hangungerou ber sengen adu, gus ad Jehova i da meher ndro du dege i da ndro su lie.

⁴ Jehova ge, i da ibdi gahaloseli mabosanged, i gin boharni me ndro du golnisden aden manden ge.

⁵ Ehe, iou ginmad le longu adu momen iou da gin hinen i, golnisden ad Jehova ge gin hingeni du, dege i gin hingeni Kristo, iou mamaren gle ndoui aden. I gin rumburdi du le golnisden aden ge.

⁶ I gin hingeni du gle ndoui ad Jesu Kristo, i gin rui du le gor aden lundielang.

⁷ I beg henunuen su masi le golnisden aden, i beg hengen me ndro du gle memrad aden bulhe gle gous, aga le golnisden aden i da ndro Jesu Kristo ge.

⁸ I gin rumburdi du, iou da gin boro ndoui aden aga golnisden aden ge, i da gin hinen i, aga le mburer adu, le longu adu hian bui. Bugane, Jehova i gin hengeni gle gous ge.

⁹ Aga le surien mburer adu bugane, debosan homo i bamugueni longu aden.

¹⁰ I gin mengseni du le ndoui ad Jesu Kristo, i gin hengen ndoui aden le ndro du, dandu irgai hian monen ge, dandu bo mburer hian ge.

¹¹ Hian mu hangurueni, goru mu asu Haiden ge, su Juda su mbueresu ademu, gelman ad Jehova i da ndro su, i de gin meher ndro mu bui.

¹² Goru mu da manan ge le ad Kristo, mu dege su Israel bui, nongen ad Jehova i da gin meher ndro su goru, i ademu bui, heb longu hian ber lang de gin belengen mu bugane, Jehova i Ndorlaben ademu bui.

¹³ Malabo ge, mu ad Jesu Kristo, ehe, mahanu mu da manan ge, malabo mu da baghege ndro Kristo gle ndrai aden.

¹⁴ I ge, i mandri adu, i da gin lug benu le ndro su, ma le ndro du, i gin bieni gineao longu hendre e hendre ber bahun. I gin hengen mandrn me ndro du.

¹⁵ I gin hinen nongen ad Mose boen, i gin rui me goure su ber horo, ma su ber horo. Su masi, su ad Kristo, su ndramed houen ge.

¹⁶ I gin regunha su ma du lie le ndro Jehova, i gin hengen mandrn aden, su gin dadhe i le gei. Aga gin daii bahun sumburdi.

¹⁷ Ehe, i gin me, i gin daui benu aden le ndro mu ber manan, ma le ndro su, su da baghege, i gin bohernou me ndro du longu hian ber lang.

¹⁸ Iou ber horo, ma su ber horo su gin danoni sal le ndro Damen adu gle Meluan ad homo ge.

¹⁹ Malabo mu ber manan bui, mu ber gor ad Jehova ge, mu la born ndro su lao ad Jehova, mu da le mandrgosgeao aden lie.

²⁰ Mu ber um ad Kristo lie, i da gin mengseni le nemen asu Apostel, ma asu Provet. Jesu Kristo, aga bahud ber um.

²¹ Homo ma homo i gei heie ber um helian ad Ndorlaben.

²² Mu dagara lie, mu ber um ad Jehova gle Meluan Helian.