ᤏᤡᤱᤘᤠ᤹ᤑᤢ ᤛᤠᤶᤗᤥᤛᤢᤶ 8 - LIFOTNT

ᤕᤜᤘᤣ ᤍᤠᤱᤒᤧᤸᤗᤧ ᤏᤡᤱᤘᤠ᤹ ᤁᤧᤔᤠᤒᤠ ᤁᤢᤔᤡᤱ

ᤛᤠᤶᤗᤥ ᤁᤧᤜᤢ᤹ᤒᤠᤸᤗᤧ ᤗᤠᤃᤡ ᤃᤡᤳᤋᤡᤌ ᤁᤢᤀᤡᤛᤡᤰ ᤍᤠᤀᤢᤍᤖᤧ ᤁᤢᤛᤠᤶᤗᤥ

¹ ᤕᤜᤘᤣ ᤍᤠᤱᤒᤠ. ᤀᤠᤏᤡᤃᤣ ᤍᤠᤱᤒᤠᤀᤣ. ᤁᤠᤰ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥ ᤂᤧᤏᤧ᤹ ᤁᤧᤔᤡᤱᤅᤡᤴ ᤔᤡᤱᤛᤥ ᤀᤡᤱᤎᤠᤱ ᤐᤡᤔᤠ ᤁᤧᤗᤠ᤹ᤒᤠ ᤆᤥᤰᤗᤥ᥄ ᤔᤏᤠᤜᤠ᤹ᤖᤧ ᤁᤧᤏᤠᤖᤠ ᤔᤧᤓᤥᤛᤢᤒᤠᤴ ᤌᤠ᤺ᤱ ᤛᤠᤱᤃᤪᤠᤶᤐᤣᤍᤠᤱᤅᤥ ᤌᤠᤖᤡᤰ ᤁᤧᤖᤧᤀᤠᤱ ᤘᤠ᤹ᤖᤥ᥄

² ᤜᤡᤴᤈᤠ᤹ᤒᤡᤳᤇᤠᤜᤠ᤹ ᤏᤢ ᤏᤢᤃᤧᤎᤢᤱᤒᤠ ᤀᤅᤧ᤺ᤰᤘᤠᤜᤠ᤹ᤖᤧᤀᤠᤱ ᤂᤧᤏᤧ᤹ ᤁᤧᤏᤠᤖᤠ ᤔᤧᤓᤥᤛᤢᤖᤥ. ᤂᤧᤸᤗᤧᤆᤥᤃᤢᤸᤗᤧ ᤁᤧᤖᤧᤰ ᤁᤧᤏᤡᤱᤔᤡᤜᤠ᤹ ᤏᤢ ᤁᤧᤍᤰᤗᤧᤱᤘᤠᤀᤥ ᤁᤧᤒᤥ᤺ᤰᤐᤠᤜᤠ᤹ᤖᤧ ᤌᤣᤀᤠᤱ ᤔᤧᤵᤔᤠ ᤁᤧᤔᤧᤴᤇᤢᤰᤏᤧᤸᤗᤥ॥

³ ᤂᤧᤏᤧ᤹ ᤁᤧᤈᤥᤃᤢᤒᤠ ᤋᤖᤰᤁᤧᤴ ᤀᤡᤛᤪᤠᤀᤡᤗ ᤋᤠᤱᤛᤠᤰᤐᤠᤴ. ᤜᤧᤰᤁᤩᤠᤱ ᤁᤧᤓᤳᤇᤢᤒᤠ ᤗᤠᤒᤠ ᤏᤢ ᤂᤣ᤺ᤶᤛᤡᤰᤐᤠᤜᤠ᤹ ᤀᤠᤱᤃᤠ᤹ ᤀᤥᤔᤧᤳᤋᤢᤱᤛᤡᤱᤅᤡᤸᤗᤧ ᤏᤡᤱᤘᤠ᤹ ᤀᤡ᤺ᤳᤇᤡᤱᤅᤠᤖᤥ.

⁴ ᤔᤧᤴᤇᤠᤶ ᤕᤠᤵᤔᤡᤜᤠ᤹ ᤌᤣᤛᤡᤀᤠᤱ ᤏᤡᤱᤘᤠ᤹ ᤁᤧᤀᤡ᤺ᤳᤋᤢᤛᤡᤒᤣ᥅ ᤏᤠᤛᤡᤱᤃᤧᤴ ᤌᤰᤗᤠᤀᤥ ᤁᤧᤛᤡᤒᤠ ᤁᤧᤒᤣ᤺ᤰᤐᤠᤜᤠ᤹ ᤜᤠ᤺ᤳᤇᤡᤀᤠᤱ ᤁᤶᤒᤪᤠᤱ ᤁᤧᤔᤧᤳᤋᤢᤛᤡᤒᤣ᥅

⁵ ᤂᤧᤱᤜᤠ᤹ᤃ ᤂᤧᤏᤧ᤹ᤏᤢ᤺ᤸᤗᤧ ᤆᤩ᤹ᤖᤰ ᤕᤥᤕᤥᤰᤐᤠ ᤁᤧᤈᤥᤃᤢᤛᤡᤖᤥ. ᤔᤡᤔᤡᤍᤡᤱᤅᤡᤴ ᤏᤢ ᤔᤡᤱᤛᤥ ᤀᤡᤱᤎᤠᤱᤗᤧ ᤋᤡᤆ᤺ᤴ ᤂᤧᤱᤜᤠ᤹ ᤁᤧᤄᤢ᤺ᤰᤋᤢᤛᤡᤖᤥ॥

⁶ ᤀᤠᤒᤠᤅᤣ ᤁᤧᤈᤥᤃᤢᤒᤠ ᤁᤧᤖᤧᤰ ᤐᤠ᤺ᤴᤜᤠ᤹ ᤛᤶᤎᤠᤱ ᤂᤧᤱᤜᤠ᤹ ᤕᤢᤰᤛᤠᤒᤠ ᤁᤧᤈᤥᤃᤢᤛᤡᤀᤠᤱ ᤘᤠ᤹ᤖᤥ॥ ᤁᤠᤰ ᤐᤠ᤺ᤴᤜᤠ᤹ ᤂᤧᤱᤜᤠ᤹ᤖᤧ ᤂᤢᤏᤡ᤹ ᤕᤢᤰᤁᤥ ᤁᤧᤕᤢᤰᤂᤢᤖᤥ—

⁷ ᤁᤧᤖᤧᤰ ᤔᤧᤸᤗᤢᤰ. ᤔᤧ᤺ᤴᤍᤠᤰ. ᤐᤡᤳ. ᤛᤠ᤺ᤱᤘᤧᤳ ᤏᤢ ᤋᤠᤶᤓᤢᤱ ᤌᤰᤛᤠᤜᤠ᤹.

⁸ ᤋᤠᤱᤛᤠᤰᤐᤥ ᤁᤧᤒᤧᤒᤠ ᤐᤢᤜᤠ᤹ ᤏᤢ ᤘᤖ᤺ᤱᤅᤥ ᤁᤧᤕᤠᤰᤐᤠ ᤅᤠᤜᤠ᤹. ᤜᤧᤰᤁᤩᤠᤱ ᤂᤧᤵᤔᤥ ᤁᤧᤕᤠᤰᤐᤠ ᤁᤠᤰ ᤐᤠᤎᤢᤱᤛᤠᤜᤠ᤹ ᤂᤢᤏᤡ᤹ ᤕᤢᤰᤁᤥ ᤔᤧᤘᤠ᤹ᤖ ᤁᤧᤕᤠ᤺ᤴᤍᤢᤛᤡᤖᤥ॥

⁹ ᤕᤜᤘᤣ ᤍᤠᤱᤒᤠ. ᤀᤠᤏᤡᤃᤣ ᤍᤠᤱᤒᤠᤀᤣ. ᤁᤠᤰ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥ ᤁᤧᤔᤡᤱᤅᤡᤴ ᤔᤡᤱᤛᤥ ᤀᤡᤱᤎᤠᤱ ᤐᤡᤔᤠ ᤁᤧᤗᤠ᤹ᤒᤠ ᤆᤥᤰᤗᤥ॥