ᤏᤡᤱᤘᤠ᤹ᤑᤢ ᤛᤠᤶᤗᤥᤛᤢᤶ 6 - LIFOTNTᤀᤡᤏᤥᤃᤧᤴ ᤋᤢᤰᤂᤣᤀᤥᤒᤠ ᤐᤣᤗᤡ ᤛᤠᤶᤗᤥ ᤁᤧᤜᤢ᤹ᤒᤠᤸᤗᤧ ᤗᤠᤃᤡ ᤛᤧᤔᤡᤏᤡᤌ ᤁᤢᤀᤡᤛᤡᤰ ᤀᤴᤔᤣ ᤔᤢᤰᤗᤠᤀᤥ ᤍᤠᤀᤢᤍᤖᤧ ᤁᤢᤛᤠᤶᤗᤥ 1 ᤕᤜᤘᤣ ᤍᤠᤱᤒᤠᤀᤣ. ᤁᤧᤛᤡᤰ ᤐᤥ᤺ᤰᤁᤡᤸᤗᤧ ᤔᤧᤓᤧ᤺ᤰᤋᤠᤱᤅᤡᤴᤏᤧ᤹ᤀᤥ. ᤂᤧᤏᤧ᤹ ᤁᤧᤕᤠ᤺ᤰᤗᤧ᤹ᤀᤡᤸᤗᤧ ᤀᤠᤱᤃᤠ᤹ ᤔᤧᤄᤢᤶᤛᤠᤱᤅᤡᤴᤏᤧ᤹ᤀᤥ॥ 2 ᤕᤜᤘᤣ ᤍᤠᤱᤒᤠᤀᤣ. ᤗᤢᤱᤔᤠ᤹ ᤋᤢᤰᤋᤠᤱᤅᤧ᤹ᤀᤥ. ᤌᤣᤀᤠᤱᤓᤧᤸᤗᤧ ᤀᤠᤱᤃᤠ᤹ ᤁᤢᤛᤠ᤹ᤀᤡ ᤔᤧᤴᤕᤠᤰᤔᤏᤠᤒᤠ ᤆᤥ᤺ᤰᤁᤠᤖᤥ॥ ᤕᤜᤘᤣ ᤍᤠᤱᤒᤠᤀᤣ. ᤀᤠᤱᤃᤠ᤹ ᤏᤢᤛᤠᤱᤅᤧ᤹ᤀᤥ. ᤌᤣᤀᤠᤱᤓᤧᤸᤗᤧ ᤋᤢᤰᤂᤣ᤺ᤸᤗᤧ ᤀᤠᤕᤧᤵᤐᤠᤜᤠ᤹ ᤕᤖᤧᤀᤠᤱ ᤘᤠ᤹ᤀᤠᤖᤥ॥ 3 ᤀᤠᤛᤰᤔᤠ ᤛᤠᤶᤔᤡᤴ ᤛᤠ᤹ᤖᤡᤰ ᤋᤢᤰᤂᤣ ᤆᤠᤖᤥ. ᤕᤜᤘᤣ ᤍᤠᤱᤒᤠᤀᤣ. ᤀᤠᤵᤑᤠᤸᤗᤧ ᤌᤠᤖᤡᤰ ᤐᤠ ᤀᤰᤂᤣ ᤐᤥᤱᤒᤠᤒᤣ᥅ 4 ᤕᤜᤘᤣ ᤍᤠᤱᤒᤠᤀᤣ. ᤀᤠᤱᤃᤠ᤹ ᤗᤧᤵᤔᤠᤱ ᤜᤡᤛᤡᤱᤅᤧ᤹ᤀᤥ ᤜᤧᤰᤁᤩᤠᤱ ᤀᤠᤱᤃᤠ᤹ ᤛᤧ᤺ᤵᤋᤠᤱᤅᤧ᤹ᤀᤥ. ᤔᤧᤴᤏᤢᤵᤔᤏᤠᤒᤠ ᤁᤧᤔᤡ᤺ᤶᤈᤡ᤺ᤸᤗᤧ ᤛᤧᤴᤗᤵ ᤐᤡᤖᤠᤱᤅᤧ᤹ᤀᤥ॥ 5 ᤁᤧᤛᤡᤒᤠᤀᤠᤱ ᤁᤧᤒᤣ᤺ᤰᤐᤠ ᤀᤠᤳᤋᤡᤸᤗᤧᤀᤠᤱ ᤏᤡᤱᤘᤠ᤹ ᤁᤧᤴᤀᤡ᤺ᤳᤏᤧᤸᤗᤥ. ᤂᤧᤔᤠᤍᤡᤱ ᤕᤱᤛᤱᤅᤥ ᤜᤠ᤺ᤳᤗᤧᤀᤠᤱ ᤁᤧᤏᤠᤖᤠ ᤔᤧᤓᤥᤛᤢᤴᤗᤥ॥ 6 ᤔᤧᤖᤡᤱ ᤌᤰᤔᤠᤖᤧ ᤆᤥᤃᤢᤸᤗᤧ ᤁᤢᤛᤠ᤹ᤀᤡ ᤔᤧᤴᤕᤠᤰᤔᤏᤠ ᤐᤥ᤺ᤰᤂᤠᤱᤗᤥ॥ ᤛᤧᤴᤍᤡᤰ ᤌᤵᤔᤣ ᤜᤠ᤺ᤵᤐᤠᤖ ᤔᤡᤰᤘᤠ᤺ᤸᤗᤧ ᤀᤠᤏᤧᤳᤏᤠᤴ ᤘᤖᤰᤗᤥ ᤜᤧᤰᤁᤩᤠᤱ ᤀᤠᤍᤠᤰᤂᤥᤱᤅᤡᤴ ᤘᤒᤡ᤺ᤴᤗᤥ॥ 7 ᤀᤠᤏᤡᤱᤔᤡᤜᤠ᤹ᤖᤧ ᤔᤧᤈᤥᤃᤢᤸᤗᤧ ᤀᤠᤱᤃᤠ᤹ ᤛᤠ᤹ᤖᤡᤰ ᤜᤠᤒᤠᤱᤗᤥ ᤜᤧᤰᤁᤩᤠᤱ ᤀᤠᤔᤡᤰᤁᤡᤴ ᤌᤱᤍᤢᤀᤠᤱ ᤂᤠᤍᤠᤵᤋᤢᤖᤥ॥ 8 ᤋᤠᤵᤑᤧ᤺ᤶᤒᤠ ᤕᤠ᤺ᤶᤒᤰ ᤁᤧᤈᤥ᤺ᤰᤐᤠᤛᤣ. ᤀᤠᤱᤃᤠ᤹ᤗᤠᤶ ᤔᤠ᤺ᤱᤄᤠ ᤘᤕᤧᤶᤔᤧ᤹ᤀᤥ. ᤌᤣᤀᤠᤱᤓᤧᤸᤗᤧ ᤜᤠᤒᤠᤱᤒᤠᤴ ᤕᤜᤘᤣ ᤍᤠᤱᤒᤧᤸᤗᤧ ᤂᤧᤵᤛᤢᤀᤠᤱ ᤘᤠ᤹ᤖᤥ॥ 9 ᤕᤜᤘᤣ ᤍᤠᤱᤒᤧᤸᤗᤧ ᤀᤠᤒᤠ᤺ᤴᤏᤡᤴ ᤂᤧᤵᤛᤢᤀᤠᤱ ᤘᤠ᤹ᤖᤥ. ᤜᤧᤰᤁᤩᤠᤱ ᤀᤠᤱᤃᤠ᤹ ᤆᤥᤃᤢᤱᤒᤠ ᤋᤢᤘᤠᤴ ᤋᤠ᤺ᤰᤋᤢᤀᤠᤱ ᤘᤠ᤹ᤖᤥ॥ 10 ᤁᤧᤖᤧᤰ ᤀᤠᤏᤡᤱᤔᤡᤜᤠ᤹ ᤜᤠᤖᤡᤔᤧᤍᤠᤀᤠᤱ ᤂᤢᤏᤡ᤹ ᤏᤠᤎᤠᤖᤖᤥ. ᤜᤧᤰᤁᤩᤠᤱ ᤛᤵᤔᤠᤎᤡᤰᤗᤧᤛᤠ ᤔᤧᤏᤢ᤺ᤱ ᤔᤧᤒᤣ᤺ᤰᤁᤠᤱ ᤔᤧᤏ᤺ᤶᤛᤡᤱᤗᤖᤥ॥ |
© 2009, 2023, Wycliffe Bible Translators, Inc. All rights reserved.
Wycliffe Bible Translators, Inc.