ᤏᤡᤱᤘᤠ᤹ᤑᤢ ᤛᤠᤶᤗᤥᤛᤢᤶ 3 - LIFOTNTᤋᤠᤏᤠᤶᤒᤠ ᤐᤣᤗᤡ ᤀᤠᤒᤠᤅᤣ ᤁᤢᤛ᤻ᤛᤠ ᤀᤒ᤻ᤛᤠᤗᤥᤔᤗᤠᤶᤒᤠ ᤂᤧᤳᤇᤡᤱᤅᤧᤸᤗᤧᤒᤠ ᤍᤠᤀᤢᤍᤖᤧ ᤁᤢᤛᤠᤶᤗᤥ 1 ᤕᤜᤘᤣ ᤍᤠᤱᤒᤣ. ᤀᤠᤱᤃᤠ᤹ ᤀᤠᤏᤡᤱᤔᤡᤜᤠ᤹ ᤕᤖᤡᤰ ᤔᤧᤘᤠ᤹ᤖᤥ. ᤀᤠᤱᤃᤠ᤹ ᤀᤠᤍᤰᤗᤧᤱᤘᤠᤀᤥ ᤁᤧᤒᤥᤰᤐᤠᤜᤠ᤹ ᤕᤖᤡᤰ ᤔᤧᤘᤠ᤹ᤖᤥ॥ 2 ᤕᤖᤡᤰᤗᤧ ᤀᤠᤕᤠ᤺ᤶᤒᤣᤀᤥ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤂᤧᤴ ᤔᤧᤓᤠ᤹ᤖᤢᤴ ᤗ᤹ᤖᤡᤰ ᤔᤧᤒᤠ᤺ᤳᤋᤢᤖ ᤔᤧᤘᤠ᤹ᤖᤥ॥ ᤛᤣᤗᤠ 3 ᤁᤖ ᤕᤜᤘᤣ ᤍᤠᤱᤒᤣ. ᤂᤧᤏᤧ᤹ᤃ ᤕᤠᤵᤔᤡ ᤁᤧᤎᤣ᤺ᤰᤐᤠ ᤂᤥᤏᤧᤖᤥ. ᤀᤠᤄᤡᤖᤡ ᤁᤧᤕᤧᤵᤐᤠᤱ ᤁᤡᤵᤔᤠ ᤁᤧᤄᤢᤒᤠᤗᤠᤶ ᤁᤧᤎᤣ᤺ᤰᤁᤠᤖᤥ. ᤀᤠᤱᤃᤠ᤹ ᤌᤱ ᤁᤧᤏᤠ᤺ᤶᤒᤠ ᤁᤧᤈᤥ᤺ᤰᤁᤠᤖᤥ. ᤜᤧᤰᤁᤩᤠᤱ ᤕᤠᤶᤔᤥ ᤀᤠ᤺ᤴᤇᤡᤱᤔᤠ ᤁᤧᤒᤡᤀᤠᤖᤥ॥ 4 ᤀᤠᤱᤃᤠ᤹ ᤕᤶᤒᤠ ᤀᤡᤰᤗᤠ᤺ᤸᤗᤧ ᤕᤜᤘᤣ ᤍᤠᤱᤒᤠᤴ ᤀᤢ᤺ᤳᤋᤢᤱᤗᤥ. ᤜᤧᤰᤁᤩᤠᤱ ᤂᤢᤏᤧ᤹ ᤁᤢᤛᤣᤛᤣ ᤁᤥ᤺ᤰᤔᤠᤗᤠᤶ ᤏᤥᤃᤵ ᤐᤡᤀᤠᤖᤥ॥ ᤛᤣᤗᤠ 5 ᤀᤠᤱᤃᤠ᤹ ᤏᤧᤛᤡᤱᤅᤠᤀᤠᤱ ᤀᤡᤶᤔᤠᤖᤥ. ᤀᤠᤱᤃᤠ᤹ ᤕᤠᤶᤔᤥ ᤛᤥᤀᤠ. ᤌᤣᤀᤠᤱᤓᤧᤸᤗᤧ ᤕᤜᤘᤣ ᤍᤠᤱᤒᤧᤸᤗᤧᤀᤣ ᤀᤠᤱᤃᤠ᤹ ᤁᤶᤒᤪᤠᤱ ᤔᤧᤳᤋᤠ᤹ᤖᤥ॥ 6 ᤀᤠᤱᤃᤠ᤹ ᤀᤠᤍᤰᤗᤧᤱᤘᤠᤀᤥ ᤜᤧᤴᤇᤡᤱ ᤜᤧᤴᤇᤡᤱ ᤏᤡᤱᤔᤡᤜᤠ᤹ᤖᤧ ᤁᤒᤪᤡᤱ ᤔᤧᤃᤵᤐᤠᤖᤥ ᤜᤧᤰᤁᤣᤛᤠᤱ ᤀᤠᤱᤃᤠ᤹ ᤔᤧᤃᤡᤀᤠᤴᤗᤥ॥ 7 ᤐᤥᤃᤧ᤹ᤀᤥ. ᤕᤜᤘᤣ ᤍᤠᤱᤒᤣ᥄ ᤏᤡᤱᤘᤠ᤹ᤑᤢᤔᤠᤱᤅᤣ ᤛᤧ᤺ᤵᤋᤠᤱᤅᤧ᤹ᤀᤥ. ᤀᤠᤱᤃᤠ᤹ ᤀᤠᤏᤡᤱᤔᤡᤜᤠ᤹ᤖᤧ ᤂᤢᤏᤡ᤹ ᤏᤠᤖᤠᤴ ᤜᤡᤵᤋᤧ᤹ᤀᤥ. ᤋᤠᤰᤁᤧᤓᤧ᤹ᤒᤠᤜᤠ᤹ᤖᤧ ᤂᤢᤏᤡ᤹ ᤜᤠᤒᤥ᤹ᤒᤠᤜᤠ᤹ ᤗᤢ᤺ᤰᤂᤧ ᤐᤡᤖᤧᤛᤧ᤹ᤀᤥ॥ 8 ᤕᤜᤘᤣ ᤍᤠᤱᤒᤠᤀᤣ ᤛᤧᤴᤗᤵᤐᤡᤱᤃ ᤂᤧᤏᤧ᤹ᤗᤠᤶᤔᤣ ᤋᤠᤖᤥ. ᤁᤧᤔᤏᤠᤜᤠ᤹ ᤜᤠᤱᤘᤠᤔᤢ᤹ᤀᤡ ᤁᤧᤒᤡᤖᤢᤛᤡᤖᤥ॥ ᤛᤣᤗᤠ |
© 2009, 2023, Wycliffe Bible Translators, Inc. All rights reserved.
Wycliffe Bible Translators, Inc.